قولعا ۇستاتقانداي قاعيداتتار

تاۋەلسىزدىكتىڭ جيىرما بەسىنشى جىلىنىڭ تابالدىرىعىن اتتاپ وتىرعان ەگەمەن ەلىمىزدىڭ ەرتەڭى بۇدان گورى دە جارقىن بولاتىنىنا سەنىم مول. بۇعان دەيىن دە تالاي داعدارىستار بولعان, ولاردى ەلباسىمىز نۇرسۇلتان نازارباەۆتىڭ سارابدال ساياساتىنىڭ ارقاسىندا ەركىن ەڭسەرىپ كەلگەنىمىزدى ەشكىم دە جوققا شىعارا الماس. الەمدىك قارجى داعدارىسى جاعدايىندا دامۋعا باعىت ۇستاعان قازاقستان قارقىندى باسەڭسىتپەي, ەلدى ەڭسەلەندىرۋدىڭ جولدارىن انىقتاپ العان بولاتىن. ول مەملەكەت باسشىسى نۇرسۇلتان نازارباەۆتىڭ «بەس ينس­تيتۋتتىق رەفورمانى جۇزەگە اسىرۋ بويىنشا «100 ناقتى قادام» ۇلت جوس­پارىندا جانە كۇنى كەشەگى «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى قازاقستان حالقىنا جولداۋىندا ايقىن كورىنىس تاپقان – دى. ەندى, مىنە, ەلباسىنىڭ بۇقارالىق اقپارات قۇرالدارىندا جاريالانعان «ۇلت جوسپارى – قازاقستاندىق ارمانعا باستايتىن جول» دەگەن باعدارلامالىق ماقالاسىندا ۇلت جوسپارىن جۇزەگە اسىرۋدىڭ مۇمكىندىكتەرىن قولعا ۇس­تاتقانداي ناقتىلاپ بەردى, اتقارىلار ىستەردىڭ ارا-جىگىن اجىراتىپ ۇسىندى دەۋگە بولادى. مەنى, ماقالاداعى «ءار ۇرپاقتىڭ ءوز ارمانى بار, ولاردا تەك جەكە جانە وتباسىلىق يگىلىكتەرگە عانا ۇمتىلىس كورىنىس تاپپايدى. ولاردا تۋعان جەرگە سۇيىسپەنشىلىك سەزىمى, ءوز حالقى مەن وتانىنىڭ باقىتى تۋرالى اڭسار ايقىن كورىنەدى» دەگەن ويى كادىمگىدەي تولعانتتى. شىنىندا, ورتاق وتانىمىزدىڭ باقىتى بولماسا, جەكەلەگەن ادامداردىڭ باقۋاتتى تۇرمىسىنان نە پايدا؟ ءبىز مۇنى تاۋەلسىزدىك العان جىلدارى ايقىن سەزىندىك, قاي جاعىمىزعا قاراساق تا ىلگەرىلەۋ بار, ىركىلىس ازايىپ كەلەدى. نۇرسۇلتان ءابىش ۇلى قاي سالادا قانداي مۇمكىندىكتەر مەن رەزەرۆتەر بار سوعان دەيىن دالەلدەپ, العا تارتۋدا. ەندىگى مىندەت ەل دامۋىنىڭ باسىم باعىتتارىن ءىس جۇزىندە جۇزەگە اسىرۋعا كەلىپ تىرەلەدى. بۇل باعىتتا دا ەلباسى ءبارىن ولشەپ-ءپىشىپ قويعانداي اسەرگە بولەيدى. بۇدان ارتىق نە كەرەك؟ ناقتى جۇمىس ىستەۋ كەرەك دەر ەدىم. باعدارلامالىق ماقالادا «ۇلت جوسپارىندا ەكونوميكانىڭ بىرقاتار پەرسپەكتيۆالى سەكتورلارىن دامىتۋ بويىنشا شارالار قاراستىرىلعان. ءبىرىنشى كەزەكتە ول ەلەكتر ەنەرگياسى سەكتورىنا جانە ەنەرگيالىق تيىمدىلىكتىڭ وسۋىنە قاتىستى», دەپ اتاپ وتىلگەن. بۇل ءبىزدى قاناتتاندىرا تۇسەدى. سەبەبى, مەن وسى سالادا ەڭبەك ەتەمىن. ءوزىم جۇمىس ىستەيتىن اقتوبە جىلۋ-ەلەكتر ورتالىعى قالانى ىستىق سۋمەن جانە جىلۋمەن قامتاماسىز ەتىپ وتىرعان بىردەن-ءبىر ستراتەگيالىق كاسىپورىن. مۇندا جۇمىس ىستەۋدىڭ جاۋاپكەرشىلىگى وزگە كاسىپورىندارعا قاراعاندا جوعارى بولاتىنى دا سوندىقتان. بۇكىل قالانىڭ 70-80 پايىزىن ىستىق سۋمەن جانە جىلۋمەن قامتاماسىز ەتىپ وتىرعان ورتالىقتا سوڭعى جىلدارى قوندىرعىلار جاڭارتىلىپ, ينۆەستيتسيا سالۋ ارتا ءتۇستى. ال ەلباسى ءسوزى مۇنىڭ ودان ءارى جالعاستىرىلاتىنىنا سەندىرەدى. ياعني, قازىردىڭ وزىندە تولىق قۋاتىندا جۇمىس ىستەپ تۇرعان كاسىپورىننىڭ كەلەشەگى بۇدان دا بەتەر كەمەلدەنە تۇسەدى دەگەن ءسوز. ال العا قويعان مىندەتتەردى ىركىلىسسىز ورىنداۋعا ەڭبەك ۇجىمىنىڭ ىنتاسى زور. ءبىزدىڭ ەلباسى تاپسىرمالارىن مۇلتىكسىز ورىنداۋعا دەگەن ناقتى جاۋابىمىز تۇتىنۋشىلارعا ىستىق سۋ مەن جىلۋدى بەلگىلەنگەن مولشەردە كىدىرىسسىز جەتكىزۋ بولماق. بۇل باعىتتا كاسىپورىندا جۇيەلى جۇمىس قالىپتاسقانىن ماقتانىشپەن ايتۋعا ابدەن بولادى. بۇل ءۇردىستى ۇزبەي, ىلگەرىلەۋگە باعىت ۇستايمىز دەسەم ارتىق ايتقاندىق بولماس. بۇعان ورتالىقتىڭ قىسقى كەزەڭدە قالىپتى جۇمىس ىستەپ تۇرعانى دا دالەل بولادى. بولات جۇماكەشوۆ, «اقتوبە جىلۋ-ەلەكتر ورتالىعى» اكتسيونەرلىك قوعامى باس ينجەنەرىنىڭ ورىنباسارى. اقتوبە وبلىسى.