Twitter جازبا ءماتىنىن 10 مىڭ سيمۆولعا دەيىن كوبەيتپەك

استانا. 6 قاڭتار. Twitter الەۋمەتتىك جەلىسى الداعى ۋاقىتتا شەكتەۋلى سيمۆولدىق بەلگىلەرىن 10 مىڭعا دەيىن ۇزارتۋدى جوسپارلادى. بۇل تۋرالى Re/code پورتالىنا سىلتەمە جاساعان egemen.kz ءتىلشىسى حابارلادى. پورتالدىڭ حابارلاۋىنشا, كومپانيا باسشىلىعى بۇل جوسپاردى 2016 جىلدىڭ ورتاسىنا دەيىن جۇزەگە اسىرۋدى الدارىنا ماقسات ەتىپ قويعان. الايدا, اقش-تىڭ سان-فرانتسيسكو قالاسىندا ورنالاسقان كومپانيانىڭ شتاب-پاتەرى بۇل اقپارات جونىندە رەسمي مالىمدەمە تاراتقان جوق. قازىرگى كەزدە حابارلامانىڭ ۇزاقتىعى 140 نىشانعا عانا لايىقتالعان. ەگەر اتالعان جوسپار جۇزەگە اسار بولسا, Twitter باسشىلىعى بۇل تۇجىرىمدامانى اۋىسپالى كەزەڭ ءۇشىن Beyond 140 دەپ اتايدى. ايتا كەتەيىك, كومپانيا باسشىلىعىنىڭ شەكتەۋلى سيمۆولدىق بەلگىلەردى ۇزارتاتىنى تۋرالى 2015 جىلدىڭ قىركۇيەك ايىندا بەلگىلى بولعان. بىراق جوبا وسى جىلدىڭ ورتاسىنا دەيىن ىسكە اسىرىلادى دەپ كۇتىلۋدە. Twitter – شاعىن ماتىندىك جازبالار جازۋعا ارنالعان ۆەب-سايت نەمەسە جۇيە. 140 سيمۆولعا دەيىنگى ارالىقتا قىسقا ءارى نۇسقا جازبا قالدىرۋىمەن ەرەكشەلەنەدى. 2006 جىلدىڭ شىلدە ايىنان بەرى قىزمەت ەتىپ كەلەدى. ايان ءابدۋالي.        دەرەك: Re/code. سۋرەت: rutwitter.com.