جەتىستىككە تولى جىلداردىڭ جارشىسىنداي

كەشە استاناداعى ۇلتتىق اكادەميالىق كىتاپحانادا ەل تاۋەلسىزدىگىنىڭ 25 جىلدىعىنا ارنالعان «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى كىتاپ كورمەسى اشىلدى. جاڭا جىلدىڭ العاشقى جۇمىس كۇنىندە حالىق نازارىنا ۇسىنىلعان بۇل كورمە جىل اياعىنا دەيىن ءۇزىلىسسىز قىزمەت كورسەتپەك. كورمەنىڭ اشىلۋ سالتاناتىنا قوعام قايراتكەرلەرى, زيالى قاۋىم وكىلدەرى, استانا قالالىق مەكەمەلەرىنىڭ ۇجىمدارى, جاس­تار, كىتاپحاناشىلار جانە ەلوردا تۇرعىندارى قاتىستى. اتالعان يگى شارا بارىسىندا مەملەكەت جانە قوعام قايراتكەرى, بەلگىلى عالىم مىرزاتاي جولداس­بەكوۆ ءوزىنىڭ جۇرەكجاردى لەبىزىن بىلدىرە وتىرىپ, كورمەنىڭ ءمان-ماڭىزىن اتاپ ءوتتى. سونداي-اق, ول ەل تاۋەلسىزدىگىنىڭ 25 جىل­دىعىنا ارنالعان كورمەنىڭ جۇمى­سىنا ساتتىلىك تىلەدى. «ءبىزدىڭ اتا-بابالارىمىز تاۋەل­سىزدىك ءۇشىن ايانباي كۇرەستى. با­سىن بايگەگە تىكتى, قانىن توكتى. سول بابالارىمىزدىڭ ارمانى ورىندالىپ, تاۋەلسىزدىك تاڭىن كورۋ باقىتى بىزگە بۇيىردى. تاۋەلسىزدىگىمىزگە قول جەتكىزۋدە, ونى باياندى ەتۋدە ەلباسى نۇر­سۇلتان نازارباەۆتىڭ سىڭىرگەن ەڭبەگى ولشەۋسىز. مەن تاۋەلسىزدىكتىڭ ەلەڭ-الاڭىندا ەلباسىمىزدىڭ مازاسىز كۇندەرىنىڭ, ۇيقىسىز تۇندەرىنىڭ كۋاسى بولدىم», – دەدى م.جولداسبەكوۆ. بۇعان قوسا, ول ۇلتتىق اكادەميالىق كىتاپ­حانا ەلباسىنىڭ باستاماسىمەن ىسكە قوسىلعانىن ايتا كەلىپ, مەم­لەكەتتىك ماڭىزى بار اۋقىمدى شارالاردىڭ باسىم بولىگى وسى جەردەن باستاۋ الاتىنىن جەتكىزدى. مەملەكەت تاريحى ينستي­تۋتىنىڭ ديرەكتورى, تاريح عى­لىمدارىنىڭ دوكتورى بۇركىتباي اياعان ءوز كەزەگىندە 2016 جىلى اتالىپ وتكەلى وتىرعان ماڭىزدى شارالاردى ەسكە سالا كەلىپ, قازاقستان تاۋەلسىزدىگىنىڭ 25 جىلدىعىنا ارنالعان كورمەنىڭ اشىلۋى ۇلكەن مەرەكە ەكەنىنە توقتالدى. تاريح كونتەكسىندەگى قازاق مەملەكەتتىلىگىنىڭ كوپعاسىرلىق قالىپتاسۋ تاريحىن, تاۋەلسىز قا­زاقستاننىڭ ساياسي-ەكونو­مي­كالىق, الەۋمەتتىك دامۋىن, بەس ينستيتۋتتىق رەفورمانى جۇزەگە اسىرۋ جونىندەگى «100 ناقتى قا­دام» ۇلت جوسپارىن, مەملەكەت باسشىسىنىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى قازاقستان حالقىنا ارناعان جولداۋىن ءتۇسىندىرۋ جانە وسكەلەڭ ۇرپاقتىڭ ادامگەرشىلىك تاربيەسىنە ىقپال ەتۋ, «ماڭگىلىك ەل» ۇلتتىق يدەيا­سى اياسىندا جاستار اراسىندا پاتريوتتىق سەزىمدى قالىپتاستىرۋ ماقساتىندا ۇيىمداستىرىلعان بۇل كورمە مەكەمەنىڭ كىتاپتارى مەن ەلەكتروندى قورىنان جيناقتالعان 4 بولىمنەن تۇرادى. ءبىرىنشى ءبولىم «قازاقستان رەسپۋبليكاسىنىڭ تاۋەلسىزدىگىنە – 25 جىل» دەپ اتالعان. وندا تاۋەل­سىز قازاقستاننىڭ قالىپتاسۋ تاريحى مەن تاۋەلسىزدىك جىلدارىنداعى مەملەكەتىمىزدىڭ دامۋى جايلى باياندالادى. ەكىنشى ءبولىم « ۇلى دالا ەلى – ماڭگىلىك ەل» ۇعىمىنا ارنالىپتى. دالىرەگى, ەلباسى نۇرسۇلتان نازارباەۆتىڭ «ماڭگىلىك ەل» جالپىۇلتتىق پاتريوتتىق يدەياسىنا بايلانىس­تى, سونىمەن قاتار قازاقستان حالقى اسسامبلەياسىنىڭ قىزمەتىن باياندايتىن ادەبيەتتەر قويىلعان. «ەلباسى جولى – ەل­دىكتىڭ جولى» اتتى ءۇشىنشى ءبولىم­دە تاۋەلسىز قازاقستاننىڭ تاري­حىنداعى ەلباسىنىڭ قىزمەتى تۋرالى كىتاپتار ۇسىنىلعان. «ەحرو-2017» – استانا مەرەيى» اتتى ءتورتىنشى بولىمدە قازاقستاننىڭ ەل­ور­داسى – استانانىڭ تاريحى مەن ءومىرى جايلى كىتاپتار جانە «استانا ەكسپو-2017» حالىقارالىق ما­مانداندىرىلعان كورمەسى تۋرالى مالىمەتتەر بەرىلگەن. ۇيىمداستىرۋشىلاردىڭ اي­تۋ­ىنشا, كورمەگە 400-دەن اسا كى­تاپ قويىلعان. بۇل كورمە تاۋەل­سىزدىگىمىزدىڭ 25 جىلدىعىنا ار­نال­عان مادەني-اعارتۋشىلىق ءىس-شارالاردىڭ باسى بولىپ تابىلادى. ءبىر جىل بويى تۇراقتى تۇردە قىزمەت كورسەتەتىن كورمە بارىسىندا ۇلتتىق اكادەميالىق كىتاپحانانىڭ اقپاراتتىق-كىتاپ­حانالىق رەسۋرستارىن دارىپتەۋگە, تاۋەلسىزدىك جىلدارىندا باسپادان شىققان ادەبيەت تۋىندىلا­رىن ناسيحاتتاۋعا باسا ءمان بە­رىلمەك. جولدىباي بازار, «ەگەمەن قازاقستان». سۋرەتتى تۇسىرگەن ەرلان وماروۆ.