تەڭگەرمەشىلدىك كەلمەسكە كەتتى

مىنە, مەملەكەت باسشىسىنىڭ اكەلىك قامقورلىعىنا ساي ازا­ماتتىق قىزمەتكەرلەردىڭ ەڭبەك­اقىسى وسەتىن كۇنگە دە جەتىپ وتىرمىز. سولاردىڭ الدىڭعى لەگىندە دەنساۋلىق ساقتاۋ سالاسى قىزمەتكەرلەرى تۇر. ياعني, كورسەتىلگەن نورماتيۆتەر مەن سا­ناتتار بويىنشا سالا ساقشى­لارى­نىڭ جالاقىسى العاشقى كەزدە بىرتىندەپ, ساتىلاپ 7 پا­يىزدان 28 پايىزعا دەيىن وسىرىلمەك. وسى ارادا ەڭبەكاقى تولەۋ جۇيە­سىنىڭ جاڭا ۇلگىسى, ونىڭ ادىلەتتىلىگى مەن مولدىرلىگى جانە كەڭ جاريالىلىعى بىرەۋلەرگە نەگىزسىز ارتىقشىلىق نەمەسە جەتىسپەۋشىلىك بەرمەيتىنى ءبارىمىزدىڭ ويىمىزدان شىعىپ وتىر. سوعان سايكەس, جالاقى ءبى­رىن­شى كەزەكتە مەديتسينا قىز­مەتكەرلەرىنىڭ لاۋازىمىنا, ءبى­لىكتىلىگى مەن كاسى­بي شەبەر­لىگىنە, اتقاراتىن قىزمە­تىنىڭ كۇردەلىلىگى مەن دارەجەسىنە قاراي ەسەپتەلەتىنى ونىڭ ارتىق­شىلىعىن ايعاقتاي تۇسەدى. بۇعان قوسا كوەففيتسيەنتتەردىڭ ارنايى كەس­تەسىن ەنگىزۋ ءىسى قاراس­تىرىلعانى دا ەڭ­بەك­اقى تولەۋ جۇيەسىنىڭ تولىق­قاندىلىعىن كورسەتەدى. وسىن­­داي ومىرشەڭ وزگەرىس جاع­داي­ىن­دا تەك جالاقى ءوستى دەپ جالاڭ ءتۇ­سىنسەك, قاتە­لەسەمىز. سونى­مەن ءبىر­گە, ءارىپ­تەستەرىمىزدىڭ ەڭبە­گى­نىڭ ءمار­تەبەسى دە كوتەرىلدى دەپ ۇعىنۋى­مىز كەرەك. حالىققا كورسەتىلەتىن مەديتسينالىق قىزمەتتىڭ ساپاسى دەگەن ماسەلەنى دە وسى قاتاردا قاراس­تىرساق قاتەلەسپەيمىز. ەڭ باستىسى, جاڭا ۇلگىدە بۇ­عان دەيىن تاجىريبەدە كەزدەس­كەنىندەي, تەڭگەرمەشىلدىك ءتور­كىنى مۇلدە اتاۋىمەن كەز­دەس­پەيدى. تەڭگەرمەشىلدىك كەلمەس­كە كەتىپتى. كاسىبي بىلىكتىلىگىڭدى كورسەتە الدىڭ با, جالاقىنىڭ 28 پايىزدى وسىمىنە بىردەن جول اشىق. كورسەتە المادىڭ با, وندا كىمگە وكپە-رەنىش بىلدىرمەكسىڭ؟ ءبىر مەزەتتە جالاقىنىڭ 28 پا­يىز­دىق ءوسىمى از نارسە ەمەس. بۇل ءۇشىن 2016 جىلدىڭ 1 قاڭ­تارىنان رەسپۋبليكالىق بيۋدجەتتەن جانە جەرگىلىكتى بيۋدجەتكە ماقساتتى ترانسفەرتتەر رەتىندە ءبولىنىپ وتىر­عان قارا­جاتتتىڭ كولەمى اسا قو­ماقتى. ەلىمىزدەگى دەنساۋلىق ساقتاۋ سالاسىنىڭ قىزمەتكەرلەرى مۇنداي قامقورلىققا ىسپەن جاۋاپ بەرەدى دەپ ەسەپتەيمىن. سولاردىڭ ورتاسىندا بىزدەر سەكىلدى رەسپۋبليكانىڭ شالعاي وڭىرلەرىندە قىزمەت جاسايتىن دەنساۋلىق ساقشىلارى بار. قايىرباي التاەۆ, كازتالوۆ اۋداندىق ورتالىقتاندىرىلعان اۋرۋحاناسىنىڭ ديرەكتورى. باتىس قازاقستان وبلىسى, كازتالوۆ اۋدانى.