ساۋساق بىرىكپەي ينە ىلىكپەيدى

قازاقتا «كوپپەن كور­گەن ۇلى توي» دەگەن عيب­رات­تى ءسوز بار. قا­زىر جۇرت­تىڭ اڭگىمەسىنە باقساڭ, ەكىنىڭ ءبىرى داعدارىس جايلى ايتادى. قورقىپ سويلەيدى, قورقىتىپ سويلەيدى. حال­قىمىز جامانشىلىق شاقىرىپ سويلەگەندەردى ۇناتپاي, «ايتقان جەردەن اۋلاق» دەيدى. داعدارىس بۇكىل الەمدى شارپىپ تۇر. ەشكىمگە دە وڭاي ءتيىپ جاتقان جوق. قۇر بايبالام سالعانشا ەڭبەكتەنۋ كەرەك. داعدارىستى قارسى تۇرساڭ عانا ەڭسەرەسىڭ. ەلباسى وسىلاي بولارىن الدىن الا ايتتى. ءجون-جوباسىن ءتۇسىندىردى. ارنايى باعدارلامالار قابىلداپ, ۇكىمەتكە تيىسىنشە تاپسىرمالار بەردى. الەۋمەتتىك جاعىنان از قورعالعان قاۋىمعا ۇلكەن جەڭىلدىكتەر قاراستىرىلۋدا. دەنساۋلىق ساقتاۋ مەن ءبىلىم بەرۋ سالاسى قىزمەتكەرلەرىنە 28-29 پايىز مولشەرىندە ەڭبەكاقىسى كوتەرىلەدى دەگەنى جۇرەگىمىزدى جىلىتتى. «ەڭبەك ەتە الاتىندارعا مەم­لەكەتتىك قولداۋ تەك ولاردىڭ قايتا وقۋعا نەمەسە ەڭبەكپەن قامتۋ باعدارلامالارىنا قاتىسۋلارى نەگىزىندە ۇسىنىلاتىن بولۋى ءتيىس. ۇكىمەتكە الەۋمەتتىك كومەكتىڭ مۇنداي تۇرلەرىن 2017 جىلدان باستاپ ەنگىزۋدى تاپسىرامىن. الەۋمەتتىك ساياساتتاعى مەملەكەتتىڭ باسىمدىعى ادام كاپيتالىن دامىتۋعا كەڭ اۋقىمدى ينۆەستيتسيالار بولۋى ءتيىس. ءبىز بۇعان دەيىن قابىلدانعان باع­دارلامالارعا سايكەس, ءبى­لىم بەرۋ جانە دەن­ساۋ­لىق ساقتاۋ سالالا­رىن جاڭ­عىرتۋدى جالعاس­تىر­ۋىمىز كەرەك. مەن 2017 جىلدان باستاپ جاڭا جوبا – «بارشا ءۇشىن تەگىن كاسىپتىك-تەحنيكالىق ءبىلىم» باعدارلاماسى باستالاتىنىن جاريالايمىن. ۇكىمەتكە ونى جاساۋعا كىرىسۋدى تاپسىرامىن», دەدى مەملەكەت باسشىسى. بىزدە مەكتەپ بىتىرگەننەن كەيىن وقۋعا تۇسە الماي, اتا-اناسىنىڭ موينىندا وتىرعان جاس­تار كوپ. جۇمىسقا شىعايىن دەسە ماماندىعى جوق. جۇمىس بولماعان سوڭ بۇيىعىلانادى, قوعامنان وقشاۋلانادى. جاس ادامعا اقشا كەرەك. ۇرلىققا بەيىمدەلەدى, بۇزاقى توپتارعا قوسىلادى. نۇرسۇلتان ءابىش ۇلى وسى كەلەڭسىز جاعدايلاردىڭ الدىن الۋدىڭ ءبىر شاراسى رەتىندە تەگىن كاسىپتىك-تەحنيكالىق ءبىلىم بەرۋدى ۇسىنىپ وتىر. «مەكتەپ ءبىتىرىپ, وقۋعا تۇسە الماي قالعان جاستاردى ءبىرىنشى جۇمىسشى ماماندىعىن الۋدى ۇسىنامىز. ۇكىمەت ونى جۇزەگە اسىرۋعا كىرىسسىن», دەدى. ءبارىمىز ءتاستۇيىن بولىپ ءبىر جاعادان باس, ءبىر جەڭنەن قول شىعارساق, داعدارىس جەڭىل وتەدى. ۇلتتىڭ ۇياتى ۇستازدار قاۋىمى وسى توپتىڭ باسىندا بولسا بولعانى. گۇلناز وتەي, شىمكەنت قوسالقى مەكتەپ-ينتەرناتىنىڭ مۇعالىمى. وڭتۇستىك قازاقستان وبلىسى.