كوبەيگەن شاكىرتاقى شاتتاندىردى

جىل سايىن ەلىمىزدە مىڭداعان ءبىلىم گرانتتارى بولىنەدى. بۇل – بىزدەر ءۇشىن جوعارى ءبىلىمدى تەگىن الۋدىڭ مۇمكىندىگى عانا ەمەس, ۇلكەن جاردەم. سونىڭ ىشىندە بيىلعى جاڭا جىل بىزدەر ءۇشىن جاقسى جاڭالىقتارمەن باستالعالى تۇر. ەلباسىمىزدىڭ پارمەنىمەن ستيپەنديامىز 25 پايىزعا كو­بەيدى. قازىرگىدەي جاعدايدا مۇ­نىڭ ءالى جالاقى المايتىن جاس­تار ءۇشىن كومەگى ولشەۋسىز. مەم­لە­كەتىمىز تاراپىنان وسىنداي مۇمكىندىكتەر جۇزەگە اسىرىلىپ, ستۋدەنتتەردىڭ تالپىنىسىن ەسكەرىپ, جاعدايلارىن جاقسارتىپ كەلە جاتقانىنا العىس ايتامىز. ءوز باسىم ءبىلىم گرانتىنا يە بولىپ, بۇگىندە الماتى قالاسىنداعى ابىلاي حان اتىنداعى حالىق­ارالىق قاتىناستار جانە الەم ءتىل­دەرى ۋنيۆەرسيتەتىندە جۋرنا­ليستيكا ماماندىعى بويىنشا ماگيسترلىك دارەجەسىندە ءبىلىم الىپ جۇرگەنىمە ءوزىمدى باقىتتىمىن دەپ ەسەپتەيمىن. وعان قوسا ۋنيۆەرسيتەت رەكتورى ءساليما قۇنانباەۆا دا ستۋدەنتتەرگە كوپ مۇمكىندىكتەر جاساۋدا. اۋدارما جانە فيلولوگيا فاكۋلتەتىنىڭ 4-كۋرس ستۋدەنتى جانسايا وسپانعاليعا ۋنيۆەرسيتەتتىڭ قوعامدىق جانە مادەني ومىرىنە بەلسەندى قاتىس­قانى جانە ۇزدىك وقىعانى ءۇشىن وعان جاڭا وقۋ جىلىنان باستاپ جىل اياعىنا دەيىن 24 مىڭ تەڭگە كولەمىندە ع.مۇسىرەپوۆ اتىنداعى شاكىرتاقى تاعايىندادى. حالىقارالىق كوممۋنيكاتسيا مەنەدجمەنتى فاكۋلتەتىنىڭ «جۋر­نا­ليستيكا» ماماندىعىنىڭ اقىلى بولىمىندە ۇزدىك وقيتىن 3-كۋرس ستۋدەنتى ۆالەنتينا بەسپالوۆا دا ا.پۋشكين اتىنداعى شاكىرتاقىعا يە بولدى. ۋنيۆەرسيتەتىمىزدىڭ شاكىرتاقى تاعايىنداۋ ەرەجەلەرىنە سايكەس ۇزدىك ساباق ۇلگەرىمى جانە ۋني­ۆەرسيتەتتىڭ قوعامدىق, مادەني ومىرىنە بەلسەندى قاتىسقاندارى ءۇشىن 43 ستۋدەنت 1 قىركۇيەكتەن باستاپ 16 759 تەڭگە مولشەرىندە «ابىلاي حان اتىنداعى قازحق جانە ءاتۋ» اق شاكىرتاقى الىپ ءجۇر. سونىمەن قاتار, ۋنيۆەر­سي­تەتتىڭ ماگيسترانت, دوكتورانت دارەجەسىندەگى ءبىلىم الۋشىلارى ءۇشىن دە مەملەكەت تاراپىنان بەرىلگەن مۇمكىندىكتەر از ەمەس. تەگىن ءبىلىم الۋمەن قاتار, شەت مەملەكەتتەرگە شىعىپ, ءتۇرلى كون­فەرەنتسيالارعا قاتىسىپ, شەت ءتىلدى وقۋلىقتارمەن تانىسىپ, تاجىريبە الماسۋعا زور قولداۋ كورسەتىپ كەلەدى. الداعى ۋاقىتتا وقۋ وزات­تا­رىنىڭ سانى ارتىپ, ەلىمىزدى الەمگە تانىتار ءبىلىمدى ۇرپاق كوبەيسىن دەپ تىلەيمىز. ادينا ەرقاراەۆا, ابىلاي حان اتىنداعى قازحق جانە ءاتۋ ماگيسترانتى. الماتى.