قامقورلىقتى حالىق سەزىنىپ وتىر

قارجىلىق داعدارىس قازاق­ستاندى عانا ەمەس, بۇكىل الەمدى قۇرساۋىنا الىپ, تاماعىنان بۋىپ تۇر. كەڭشىلىك كەزەڭدەگىدەي ەمەس, قازىر بۇكىل جەر شارىن مەكەندەگەن مەملەكەتتەر بيۋدجەتتەرىن قايتا قاراپ, كىرىس كوزدەرىن ىزدەپ, ارتىق شىعىننىڭ ءبارىن قىسقارتىپ, «كورپەڭە قاراي كوسىل» قاعيداتىنا كوشتى. ولاي ەتپەسە بولمايدى. ىسىراپشىلدىق, قارجىنى وڭ-سولعا قاراماي جۇمساۋ دەگەنىڭىز ءتۇبى تىعىرىققا اكەپ تىرەيدى. قولدا بار قارجىنى ۇنەمدەپ جۇمساۋدان بولەك, جۇمىس ورىندارىن قىسقارتىپ, ايلىقتارىنا دا وزگەرىس ەنگىزىپ جاتقان ەلدەر كوپ. بۇل – ادامدار جۇمىسسىز قالىپ, جۇمىسى بارلاردىڭ ءوزى ماردىمدى جالاقى الا الماي وتىر دەگەن ءسوز. كۇندەلىكتى تىرشىلىگى ءبىر عانا جالاقىعا بايلانىپ وتىرعان تالاي ادام وسىلايشا داعدارىستىڭ قىسپاعىن سەزىنىپ جاتىر. بۇعان دەيىنگى داعدارىستىڭ وزىنەن دامۋعا جول تاپقان قازاقستان بۇل جولى دا وزىندىك سوقپاعىن تابا ءبىلدى. تورىمىزگە وزعان جاڭا جىلدىڭ 1 قاڭ­تارىنان باستاپ بيۋدجەت قىزمەت­كەرلەرى, زەينەتكەرلەر جانە ستۋ­دەنتتەردىڭ ايلىعى, زەينەتاقىسى مەن شاكىرتاقىلارى كوبەيىپ جاتىر. بىلە-بىلگەن ادامعا بۇل ۇلكەن قامقورلىق. مەملەكەت باسشىسىنىڭ تىكەلەي تاپسىرماسىمەن ىسكە اسىپ جاتقان اتالعان باستاما حالىقتىڭ تارشىلىق كورمەۋىنە كوپ كومەك ەكەنى ايتپاسا دا تۇسىنىكتى جاعداي. الەمدىك نارىقتا مۇناي باعاسى ارزانداپ, ەلىمىزدە دوللار ەركىن اينالىمعا جىبەرىلگەن ءدال وسى كەزەڭدە جالاقىمىزعا 30 پايىز ۇستەمە قوسىلعانى شىن قۋانتتى. ەلباسىنىڭ كورەگەن كوشباس­شىلىعىنىڭ ارقاسىندا بۇل داعدارىستان دا امان شىعارىمىز انىق. سەبەبى, مەملەكەت باسشىسى وسىدان التى جىل بۇ­رىن قۇر شيكىزاتقا يەك ارتىپ وتىراتىن زا­مان­نىڭ وتكەنىن ايتىپ, ەلىمىزدە يندۋس­تريا­لىق-يننو­ۆاتسيا­لىق­ جو- بالاردى دا­مى­تۋ­­عا تاپ­­سىرما بەردى. سو­­نىڭ ار­قاسىندا قازاقستاندا كوپتە­گەن زاۋىتتار مەن فابريكالار, ءون­دىرىس ورىندارى اشىلدى. يندۋس­تريالىق-يننوۆاتسيالىق باعدار­لامانىڭ شاپاعاتىن قىزىلوردا وبلىسىنىڭ جالاعاش اۋدانى دا كورىپ وتىر. اتالعان باعدار­لامانىڭ شەڭبەرىندە ءبىزدىڭ اۋداندا ميا تامىرىن وڭدەيتىن زاۋىت سالىندى. اۋدان ەكونوميكاسىنا وزىندىك سەپتىگىن تيگىزىپ وتىرعان زاۋىتتىڭ ورنى بولەك. داعدارىس زامانىندا حالقىنىڭ ايلىعىنا ۇستەماقى قوسىپ, جاڭا جۇمىس ورىندارىن اشىپ وتىرعان ەلىمىزدىڭ دامۋ باعىتىنا قاراپ قانداي قيىنشىلىقتى دا ەڭسەرە الاتىنىمىزعا سەنەمىز. جاعىپار ءتاجماحانوۆ, جالاعاش اۋدانى اكىمىنىڭ ورىنباسارى. قىزىلوردا وبلىسى.