سولتۇستىك قازاقستاندا ءورت ءسوندىرۋ قىزمەتكەرى قازا تاپتى

پەتروپاۆل. 5 قاڭتار.  جاڭا جىلدىڭ سوڭعى كۇنى ءابدىراحانوۆتار وتباسى ءۇشىن قايعىلى اياقتالدى. ءۇي يەسى التىنبەك ورال ۇلى كەنەتتەن قازا تاپتى. بۇل تۋرالى egemen. kz ءتىلشىسى حابارلادى. وبلىس ورتالىعىنداعى بەنزوستروي شاعىن اۋدانىندا قىزىل جالىنعا ورانعان جەكەمەنشىك ۇيگە الدىڭعىلاردىڭ قاتارىندا قاراۋىل باستىعى التىنبەك ءابدىراحمانوۆ باستاعان ءورت ءسوندىرۋ توبى جەدەل جەتىپ, بىردەن ىسكە كىرىسكەن.  ءورتتى اۋىزدىقتاپ, كەرى قايتۋعا جينالا بەرگەن ءۇيدى جالعا العان ازاماتتىڭ «ءۇي يەسى قالىپ قويدى» دەگەن جان داۋسى شىققان. جاعدايدى بىلمەك بولعان التىنبەك باسپاناعا ەنە بەرگەن. سودان ورالماعان. ونىڭ كەشىككەنىنەن كۇدىكتەنگەن ارىپتەستەرى ءۇيدىڭ ىشىنەن جانسىز دەنەسىن كەزىكتىرگەن. سويتسە, توبە قۇلاپ, بىردەن جازىم ەتكەن. كەيىن بەلگىلى بولعانداي ءۇي يەسى اسىلىپ ولگەن. ازاماتشا بانكىدەن العان نەسيەنى تولەي الماعاندىقتان, ءوزىن مايىپ ەتتى دەگەن بولجام بار. 27 جاسقا ەندى تولعان مارقۇمنىىڭ ارتىندا كىشكەنتاي ەكى بالاسى مەن جان جارى قالدى. ءومىر ەسقالي. دەرەك, سۋرەت: egemen.kz