ءۇندىستاندا جەر سىلكىنىسىنەن 11 ادام قازا تاپتى

استانا. 5 قاڭتار. ءۇندىستاندا بولعان جەر سىلكىنىستەن 11 ادام قازا تاپتى. سونداي-اق, 130 تۇرعىن ءتۇرلى جاراقات الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. جەر استى ءدۇمپۋى بانگلادەش استاناسى داككا قالاسىنىڭ بىرنەشە اۋداندارىنا زيانىن تيگىزىپ ءوتتى. تابيعات اپاتىنان بۇل ەلدە ءۇش ادام مەرت بولدى. ءۇندىستان مەملەكەتىنىڭ پرەمەر-ءمينيسترى نارەندرا مودي جەر سىلكىنىسىنەن زارداپ شەككەندەرگە ارنايى كومەك كورسەتىلىپ, قۇتقارۋ جۇمىستارى جۇرگىزىلەتىنىن مالىمدەدى. ماماندار جەر استى ءدۇمپۋى جەرگىلىكتى ۋاقىت بويىنشا ساعات 04:40-تا بولعانىن ايتتى. ال ونىڭ ەپيورتالىعى ميانما ەلىمەن شەكتەسەتىن مانيپۋر شتاتىنا قاراستى تامەنگلونگ وكۋرۋگىندا, 10 كم تەرەڭدىكتە ورنالاسقان. تابيعات اپاتى ءۇندىستاننىڭ شىعىسىندا ورنالاسقان بارلىق شتاتتارعا زيانىن تيگىزگەن. ولاردىڭ قاتارىندا باتىس بەنگاليا, ناگالەند, مەگحالايا, ارۋناچال-پرادەش جانە مانيپۋرا بار. ال سەيسمولوگ ماماندارى جەر سىلكىنىسىنىڭ كۇشى 6,9 باللدى قۇراعانىن مالىمدەدى. جەر سىلكىنىسى اسىرەسە مانيپۋر شتاتىنىڭ اكىمشىلىك ورتالىعى يمپحال قالاسىنا زالالىن تيگىزدى. بۇل ماڭايدا ەلەكتر سىمدارى قيىلىپ, بايلانىس ۇزىلگەن. سونداي-اق, ونداعان ۇيلەر قيراپ قالدى. ايان ءابدۋالي. دەرەك, سۋرەت: تاسس.