دەمالامىن دەسەڭ دۇكەنگە كەل

تاراز قالاسىنداعى بۇرىنعى «كەرۋەن ساراي» بازارىنىڭ ورنىنان «مەگا» ورتالىعى بوي كوتەرۋدە. بۇل ەلىمىزدەگى ەڭ ءىرى ورتالىقتىڭ ءبىرى بولماق. بەس قاباتتى «Mەگا» ساۋدا-ويىن-ساۋىق ورتالىعى 2016 جىلى پاي­دالانۋعا بەرىلەدى. قازىر قۇرى­لىس باسىندا 60 جۇمىسشى ءونىمدى ەڭ­بەك ەتىپ جاتىر. ورتالىق ءوز جۇمى­سىن باستاعان كەزدە بۇدان دا كوپ جاندارعا ءدال وسى جەردەن جۇمىس تابىلاتىنى انىق. ساۋدا-ويىن-ساۋىق ورتالىعىنىڭ ءبىرىن­شى قاباتىندا ادەتتەگىدەي كەرەك-جاراقتار ساتىلاتىن سۋپەرماركەت بولادى دەپ جوسپارلانۋدا. ال, ەكىنشى قاباتتا ءارتۇرلى تەحنيكالىق قۇرال-جابدىقتار دۇكەندەرى ورنالاسادى. سونداي-اق, ءۇشىنشى-ءتورتىنشى قاباتتا شەتەلدەن اكەلىنگەن برەندتىك كيىم-كەشەكتەر ساۋدالانسا, بەسىنشى قاباتتا شاعىن ءۇش كينوتەاتر, بالالاردىڭ ويىن الاڭشالارى جانە دە شاعىن كافەلەر بولادى. وسىنداي ءىرى ورتالىق قۇرى­لى­سىنىڭ قولعا الىنۋى – بۇل ۋاقىت تالابى دەپ ايتۋعا بولادى. بۇل نىساننىڭ قاسىنان «ەجەلگى تاراز» تاريحي-مادەني ورتالىعى ورىن تەپكەن. ياعني, بۇل اۋماقتاعى ارحەولوگيالىق ساياباق, اشىق اسپان استىنداعى مۇراجاي, شولۋ مۇناراسى, دوستىق ءۇيى, مىڭبۇلاق قۇرىلىمدارى ءوز الدىنا ادەمى ءبىر كەشەن بولىپ, ەلدىڭ ناعىز دەمالىس ايماعىنا اينالارى ءسوزسىز. ورالحان ءداۋىت, «ەگەمەن قازاقستان». جامبىل وبلىسى. سۋرەتتى تۇسىرگەن اقادىل رىسماحان.