عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيادان
عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيا 2011 جىلعى عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن الۋعا جۇمىستاردى قابىلداۋدى باستاعانى تۋرالى حابارلايدى. مەملەكەتتىك سىيلىقتى الۋ ءۇشىن جۇمىستاردى ۇسىنۋ جانە ماتەريالداردى راسىمدەۋ ءتارتىبى تۋرالى ەرەجە تومەندە جاريالانعان جانە قازاقستان رەسپۋبليكاسى ءبىلىم جانە عىلىم مينيسترلىگىنىڭ www.edu.gov.kz, قر بعم عىلىم كوميتەتىنىڭ www.scedu.kz سايتتارىندا ورنالاسقان. قويىلعان تالاپتارعا سايكەس راسىمدەلگەن قۇجاتتار مەن ماتەريالدار اۆتورلاردىڭ وزدەرىنەن نەمەسە سەنىم بىلدىرگەن تۇلعالارىنان عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسياسىندا 2011 جىلعى 1 اقپانعا دەيىن مىناداي مەكەن-جاي بويىنشا قابىلدانادى: استانا قالاسى, “مينيسترلىكتەر ءۇيى”, 10 كىرەبەرىس, 1039 بولمە, جابىق تاقىرىپتار بويىنشا 924 بولمەدە. انىقتاما تەلەفونى: 8(7172)742460. قازاقستان رەسپۋبليكاسى ءبىلىم جانە عىلىم ءمينيسترىنىڭ 2007 جىلعى 11 قىركۇيەكتەگى № 423 بۇيرىعىنا 1-قوسىمشاعىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن الۋ ءۇشىن ەڭبەكتەردى ۇسىنۋ جانە ماتەريالداردى راسىمدەۋ ءتارتىبى تۋرالى ەرەجە
وسى ەرەجە قازاقستان رەسپۋبليكاسى پرەزيدەنتىنىڭ “عىلىم مەن تەحنيكا, ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىقتارى تۋرالى” 2007 جىلعى 13 تامىزداعى № 381 جارلىعىمەن بەكىتىلگەن عىلىم مەن تەحنيكا سالاسىنداعى قازاقستان رەسپۋبليكاسى مەملەكەتتىك سىيلىقتارىن الۋعا ۇسىنىلعان ەڭبەكتەردى راسىمدەۋگە جانە تاپسىرۋ شارتتارىنا تالاپتار بەلگىلەيدى. 1. جالپى ەرەجەلەر 1. عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعى (بۇدان ءارى – مەملەكەتتىك سىيلىق) قازاقستان رەسپۋبليكاسىنىڭ ازاماتتارىنا: رەسپۋبليكانىڭ ەكونوميكالىق جانە الەۋمەتتىك دامۋىن ايتارلىقتاي جەدەلدەتۋگە, قازاقستاندىق عىلىم مەن تەحنيكانىڭ الەمدەگى وزىق جەتىستىكتەر دەڭگەيىنە شىعۋىنا اكەلەتىن ىرگەلى جانە قولدانبالى زەرتتەۋلەر سالاسىنداعى اسا ۇزدىك ءناتيجەلەر ءۇشىن; قوعامعا كەڭىنەن تانىلعان ءبىر باعىتتاعى عىلىمي جاڭالىقتار, مونوگرافيالار مەن عىلىمي جۇمىستار ءۇشىن; تەحنيكا, ماتەريال جانە تەحنولوگيالاردىڭ الەمدىك انالوگتار نەمەسە ودان جوعارى دەڭگەيدەگى جاڭا ءتۇرلەرىن ازىرلەگەنى جانە ءوندىرۋدى ۇيىمداستىرعانى ءۇشىن; ەكونوميكانىڭ ءتۇرلى سالالارىندا مەملەكەتتىك قۇپيالارعا جاتقىزىلعان مالىمەتتەرى بار مۇلدەم جاڭا بۇيىمدار, تەحنولوگيالىق ۇردىستەر ازىرلەگەنى جانە جاساعانى ءۇشىن بەرىلەدى. 2. قازاقستان رەسپۋبليكاسىنىڭ پرەزيدەنتى 2007 جىلدان باستاپ تاۋەلسىزدىك كۇنىنە ەكى جىلدا ءبىر رەت 3 مەملەكەتتىك سىيلىق بەرەدى. 3. عىلىم مەن تەحنيكا سالاسىنداعى قازاقستان رەسپۋبليكاسى مەملەكەتتىك سىيلىقتارىن الۋعا ۇسىنىلعان جۇمىستاردى قازاقستان رەسپۋبليكاسى ءبىلىم جانە عىلىم مينيسترلىگى سىيلىق بەرىلەتىن جىلدىڭ 1 اقپانىنا دەيىن قابىلدايدى; قازاقستان رەسپۋبليكاسى ءبىلىم جانە عىلىم مينيسترلىگى عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيانىڭ جۇمىس ورگانى بولىپ تابىلادى. مەملەكەتتىك سىيلىق الۋعا ۇسىنىلعان جۇمىستاردى مەملەكەتتىك سىيلىعىن بەرۋ جونىندەگى كوميسسيا قارايدى. 4. مەملەكەتتىك سىيلىق الۋعا ۇسىنىلعان ساتكە دەيىن كەمىندە ەكى جىل بۇرىن عىلىم مەن تەحنيكا سالاسىنداعى مەملەكەتتىك سىيلىقتى الۋعا ۇسىنىلاتىن عىلىمي ەڭبەكتەردىڭ جاريالانۋى, تەحنيكانىڭ جاڭا ءتۇرلەرى, جاڭا ماتەريالدار مەن تەحنولوگيالاردىڭ وندىرىستە يگەرىلۋى ءتيىس. جۇمىس مەملەكەتتىك سىيلىق الۋعا ءبىر رەت ۇسىنىلادى. بۇرىن قازاقستان رەسپۋبليكاسى سىيلىقتارىنا يە بولعان جۇمىستار مەملەكەتتىك سىيلىق الۋ كونكۋرسىنا قاتىسۋعا جىبەرىلمەيدى. قازاقستان رەسپۋبليكاسى مەملەكەتتىك سىيلىعى لاۋرەاتىنىڭ جاڭا جەتىستىكتەرى بولعان رەتتە بۇل سىيلىق وعان قايتادان, تەك كورسەتىلگەن سىيلىق بەرىلگەننەن كەم دەگەندە بەس جىلدان كەيىن عانا بەرىلۋى مۇمكىن. 5. عىلىم مەن تەحنيكا سالاسىنداعى قازاقستان رەسپۋبليكاسىنىڭ مەملەكەتتىك سىيلىعىنا ۇسىنىلاتىن ءىزدەنۋشىلەر ۇجىمى 8 ادامنان اسپاۋعا ءتيىس. ىزدەنۋشىلەر ۇجىمىنا كانديداتتاردى ىرىكتەۋ ۇسىنىلاتىن جۇمىس ورىندالعان مينيسترلىكتەردە, عىلىمي جانە باسقا دا ۇيىمداردا, سونداي-اق كاسىپورىنداردا بەلگىلەنگەن ءتارتىپپەن, وبەكتيۆتى تۇردە جۇرگىزىلەدى. ءبىر ىزدەنۋشىنىڭ كانديداتۋراسى مەملەكەتتىك سىيلىققا ەكى جانە ودان دا كوپ جۇمىستار بويىنشا ۇسىنىلۋىنا بولمايدى. ىزدەنۋشىلەردىڭ ۇجىمىنا ادامداردى تەك لاۋازىمدىق جانە باسقا دا سۋبەكتيۆتىك سەبەپتەر بويىنشا كىرگىزۋگە جول بەرىلمەيدى. 2. جۇمىستاردى ۇسىنۋ 6. جۇمىستاردى مەملەكەتتىك سىيلىق الۋعا ۇسىنۋدى مەملەكەت ورگاندارىنىڭ القالارى, عىلىمي, وقۋ ۇيىمدارىنىڭ عىلىمي, عىلىمي-تەحنيكالىق كەڭەستەرى مەن باسقا دا القالىق ورگاندارى, شىعارماشىلىق وداقتار مەن ۇجىمدار جۇرگىزەدى. جۇمىستى بىرنەشە ۇيىمداردىڭ ۇجىمدارى بىرلەسىپ ۇسىنۋى دا ءمۇمكىن, وندا ءبارىنىڭ كەلىسىمى بويىنشا ۇيىمنىڭ ءبىرى جەتەكشى ۇسىنۋشى ۇيىم بولىپ بەلگىلەنەدى. 7. مەملەكەتتىك سىيلىق الۋعا جۇمىستاردى ۇسىنۋ اقپاراتتىق اشىقتىق پرينتسيپتەرى نەگىزىندە ءجۇرگىزىلەدى. مەملەكەتتىك سىيلىق الۋعا ۇسىنىلعان زەرتتەۋلەر مەن ءازىرلەمەلەردىڭ ناتيجەلەرىن قولدانىپ جۇرگەن ۇيىمدار (كاسىپورىندار) وكىلدەرىنىڭ جۇمىستاردى تالقىلاۋعا قاتىسۋى مىندەتتى بولىپ تابىلادى. 8. اۆتورلىق ۇجىمعا كانديداتتار ۇسىنۋ جۇمىستى جالپى ورىنداۋشىلاردىڭ اراسىنان ارقايسىسىنىڭ قوسقان شىعارماشىلىق ۇلەسىن باعالاي وتىرىپ جاسالادى. اۆتورلىق ۇجىمنىڭ ءاربىر مۇشەسىنىڭ كانديداتۋراسى ولاردىڭ نەگىزگى قىزمەت ورنى بويىنشا تالقىلانۋى ءتيىس. جۇمىستى جانە اۆتورلىق ۇجىمدى (اۆتوردى) مەملەكەتتىك سىيلىققا ۇسىنۋ تۋرالى شەشىم كاسىپورىننىڭ القالى ورگانىنىڭ ماجىلىسىندە, وقۋ ورنى نەمەسە ۇيىمنىڭ عىلىمي, عىلىمي-تەحنيكالىق كەڭەستەرىندە جاسىرىن داۋىسپەن وسى ورگانداردىڭ قىزمەتىن رەتتەيتىن جانە وزگە دە اكتىلەردە بەلگىلەنگەن تارتىپپەن قابىلدانادى. 3. جۇمىستى راسىمدەۋ ەرەجەلەرى 9. جۇمىس مۇقابالى ەكى توم تۇرىندە, ارقايسىسى 3 دانادان جاسالىپ, وعان ءبىر پاراق (6 دانا) قىسقاشا اننوتاتسيا قوسا ءتىركەلەدى. ءماتىن, ا4 (297x210) ۇلگىسىندەگى پاراقتىڭ ءبىر بەتىنە باسىلادى, تومداردىڭ مۇقاباسىندا جۇمىستىڭ اتاۋى, اۆتوردىڭ تەگى, اتى-ءجونى كورسەتىلەدى. 10. اننوتاتسيا ءبىر پاراقتا ءراسىمدەلەدى جانە مىنا مالىمەتتەردەن تۇرادى: بەتتىڭ ءبىرىنشى جاعىندا: جۇمىستىڭ اتاۋى; ۇسىنىپ وتىرعان ۇيىمنىڭ تولىق اتاۋى; اۆتورلاردىڭ تەگى, اتى-ءجونى, قىزمەت ورنى, لاۋازىمى, عىلىمي دارەجەسى مەن اتاعى; بەتتىڭ ەكىنشى جاعىندا: جۇمىستىڭ قىسقاشا مازمۇنى ء(ماتىنى 1500 تاڭباعا دەيىن), ونىڭ نەگىزگى عىلىمي-تەحنيكالىق يدەياسى, ناتيجەلەرىنىڭ پراكتيكالىق جانە ونى جۇزەگە اسىرۋدىڭ ەكونوميكالىق جانە الەۋمەتتىك ماڭىزى; جەتەكشىنىڭ ياكي جۇمىستىڭ ءبىر اۆتورىنىڭ قولى قويىلادى. 11. ءبىرىنشى تومدا جۇمىستىڭ تەحنيكالىق جاعى باياندالادى. بايانداۋ ءماتىنى قۇجاتتارعا قويىلاتىن ستاندارتتى تالاپتارعا سايكەس راسىمدەلەدى. بايانداۋدىڭ كولەمى 100 پاراقتان اسپاۋى ءتيىس. بەزەندىرۋ (يلليۋستراتسيا) ءماتىن بويىنشا ورنالاستىرىلۋى مۇمكىن نەمەسە جەكە البوم رەتىندە ۇسىنىلادى. 1) جۇمىس تۇسىندىرمەسىنىڭ (بايانداۋدىڭ) تيتۋلدىق بەتىندە ەڭبەكتى ۇسىنۋشى ۇيىمنىڭ اتاۋى, جۇمىستىڭ اتاۋى, ۇمىتكەردىڭ تەگى, اتى-ءجونى ۇيىمدار بويىنشا ءالىپبي رەتىمەن جازىلىپ, ولاردىڭ قولدارى قويىلادى. جۇمىستىڭ جەتەكشىسى بولعان جاعدايدا, ونىڭ اتى-ءجونى ءبىرىنشى كەلىپ, جەتەكشى دەگەن ءسوز جازىلادى. تيتۋلدىق بەتتەگى جازۋلار مەملەكەتتىك جانە ورىس تىلدەرىندە بەرىلەدى. 2) بايانداۋدىڭ (تۇسىندىرمەنىڭ) باسىندا ىرگەلى زەرتتەۋلەردىڭ, جاڭا تەحنولوگيالار مەن تەحنيكانىڭ, قولدانبالى ەڭبەكتەردىڭ ايرىقشا ماڭىزدى جانە سونى ناتيجەلەرى اتالىپ (كولەمى 10 پاراقتان اسپايتىن), جۇمىستىڭ قايدا, قاشان جانە قانداي اۋقىمدا ىسكە اسىرىلعانى, ونى پايدالانۋ قازاقستان ەكونوميكاسىنا قانشالىقتى تەحنيكا-ەكونوميكالىق ءناتيجە بەرگەنى وسى اننوتاتسيادا كورسەتىلەدى. جۇمىستىڭ تۇسىندىرمەسىندە كەڭ كولەمدە ونىڭ مازمۇنى, ۇقساس الەمدىك ۇزدىك ەڭبەكتەرمەن سالىستىرمالى سيپاتتاماسى, ەنگىزۋ جاعدايى (ەكونوميكالىق نە الەۋمەتتىك ءتيىمدىلىگى), وسى ناتيجەلەردى ودان ءارى پايدالانۋ بولاشاعى ايقىندالادى. جۇمىستىڭ عىلىمي-تەحنيكالىق جانە تەحنيكا-ەكونوميكالىق كورسەتكىشتەرى كەلتىرىلەدى. جاڭا تەحنولوگيالاردىڭ, تەحنيكانىڭ, قۇرالدار مەن ماتەريالداردىڭ, زاتتاردىڭ پايدالانۋ جاعدايلارىنىڭ نەگىزگى سيپاتتاماسى كەلتىرىلىپ, ازىرلەمەلەردىڭ پاتەنتتىك-ليتسەنزيالىق قۇندىلىعى كورسەتىلەدى. تۇسىندىرمەنىڭ سوڭىندا اۆتورلاردىڭ تاقىرىپ بويىنشا ەڭبەكتەرىنىڭ, جاڭالىقتارى مەن ونەرتاپقىشتىعىنىڭ ءتىزىمى, مەكەمەلەر مەن كاسىپورىنداردىڭ سىن-پىكىرلەرى, ساراپشىلاردىڭ قورىتىندىلارى جانە اۆتورلىق كۋالىك, سىناق اكتىلەرى, وندىرىسكە ەنگىزۋ اكتىلەرىنىڭ (نە ولاردىڭ ورنىنا جۇرەتىن قۇجاتتار) كوشىرمەلەرى كەلتىرىلەدى. 12. ەكىنشى تومنىڭ (ۇسىنۋ قۇجاتتارى) ىشىنە مىنالار كىرەدى: 1) باس ۇسىنۋشى ۇيىمنىڭ بلانكىسىنە جازىلعان ۇسىنىم-حاتتا ۇيىمنىڭ ناقتى تولىق اتاۋى, ءاربىر ىزدەنۋشىنىڭ تەگى, اتى-ءجونى, عىلىمي دارەجەسى, لاۋازىمى, قىزمەت ورنى, ۆەدومستۆوسى, جۇمىستىڭ تولىق مازمۇنىن ايقىن اشىپ كورسەتەتىن اتاۋى بولادى. حاتتا ودان ءارى مىنالار كورسەتىلەدى: جۇمىستىڭ قىسقاشا مازمۇنى, ونى ۇسىنۋ نەگىزدەمەسى, جۇمىستى جالپى باعالاۋ, ونىڭ باستالۋ جانە اياقتالۋ مەرزىمى جانە ناتيجەلەردى ناقتى ىسكە اسىرۋ كەزەڭى, جۇزەگە اسىرۋ اۋقىمى, عىلىمي-تەحنيكالىق جانە تەحنيكا-ەكونوميكالىق, سونىڭ ىشىندە وتاندىق جانە شەتەلدىك ۇقساس ۇيىمدارمەن سالىستىرمالى كورسەتكىشتەرى, ودان الىنعان ەكونوميكالىق نە الەۋمەتتىك ناتيجە. ۇسىنىم حاتقا ۇسىنۋشى ۇيىمنىڭ باسشىسى قولىن قويىپ, مورىمەن راستايدى. ەگەر جۇمىستى بىرنەشە ۇيىم ۇسىناتىن بولسا, وندا حاتقا ءاربىر ۇيىمنىڭ باسشىلارى قول قويادى. بارلىق جاعدايدا باسشىلاردىڭ قولى مورمەن بەكىتىلەدى. اۆتورلاردى ۇسىنىم-حاتتا جازىپ شىعۋ ۇيىمدار بويىنشا الفاۆيت رەتىمەن جاسالادى. ەگەر جۇمىستىڭ جەتەكشىسى بەلگىلەنسە, ول تىزىمدە ءبىرىنشى بولىپ كورسەتىلەدى دە “جەتەكشى” بەلگىسى قويىلادى. ەگەر قايتىس بولعان اۆتور سىيلىققا ۇسىنىلسا, ونىڭ سوڭعى لاۋازىمى مەن قىزمەتى كورسەتىلەدى. 2) اشىق باسپاسوزدە جۇمىستىڭ اتاۋى مەن مازمۇنىن, اۆتورلاردىڭ تەگىن, لاۋازىمدارىن, قىزمەت ورنىن جاريالاۋ رۇقساتى تۋرالى حات (ۇسىنۋشى ۇيىمنىڭ بلانكىسىنە جازىلىپ, باسشىنىڭ قولى قويىلىپ) ۇسىنىلادى. 3) كاسىپورىن, ۇيىم, ەڭبەك ۇجىمىنىڭ تورالقاسى, عىلىمي نە عىلىمي-تەحنيكالىق كەڭەسى ءماجىلىسىنىڭ جانە ەڭبەكتىڭ تولىق اتاۋى, بارلىق اۆتورلار ۇجىمىنىڭ قۇرامى ء(اربىر اۆتوردىڭ تەگى, اتى-ءجونى, ونىڭ لاۋازىمى, قىزمەت ورنى) كورسەتىلگەن جۇمىستى سىيلىققا ۇسىنۋ تۋرالى حاتتاماسىنان ۇزىندىسىنە كەڭەستىڭ توراعاسى مەن حاتشىسى قول قويىپ, ول مورمەن بەكىتىلەدى. 4) كەڭەس مۇشەلەرىنىڭ جالپى سانى, داۋىس بەرۋگە قاتىسقان كەڭەس مۇشەلەرىنىڭ سانى جانە جاسىرىن داۋىس بەرۋ قورىتىندىسى كورسەتىلگەن ەسەپ كوميسسياسىنىڭ حاتتاماسىنا (حاتتامالارى) ەسەپ كوميسسياسىنىڭ توراعاسى مەن حاتشىسىنىڭ قولى قويىلىپ, ءمورى باسىلادى. اۆتورلىق ۇجىمنىڭ قۇرامىنا جۇمىستى ۇسىنىپ وتىرعان ۇيىمدا قىزمەت ىستەمەيتىن ادامدار كىرگەن جاعدايدا جوعارىداعىداي ولاردىڭ نەگىزگى قىزمەت ورىندارىنان كەڭەس ماجىلىستەرى, ەسەپ كوميسسياسى ءماجىلىستەرىنىڭ حاتتامالارىنان سول ادامداردى اۆتورلىق ۇجىم قۇرامىنا ەنگىزۋ جونىندەگى ۇسىنىمدارىنا قاتىستى ۇزىندىلەرى راسىمدەلەدى. 5) جۇمىسقا قوسقان ۇلەسى تۋرالى انىقتاما ءاربىر ىزدەنۋشىگە جەكە-جەكە ۇسىنىلادى, ونىڭ تەگى, اتى-ءجونى, جۇمىس ورىندالعان كەزدەگى لاۋازىمى, سونداي-اق ونىڭ جۇمىسقا قوسقان ناقتى شىعارماشىلىق ۇلەسىنىڭ سيپاتتاماسى جانە ونى اۆتورلىق ۇجىمنىڭ قۇرامىنا كىرگىزۋ نەگىزدەمەسى كورسەتىلەدى. انىقتاماعا اۆتوردىڭ سىيلىققا ۇسىنعان جۇمىستى ورىنداۋ كەزىندە قىزمەت اتقارعان ورنىنىڭ باسشىسى, سونداي-اق جەتەكشى ۇيىمنىڭ باسشىسى قول قويادى دا مورمەن بەكىتەدى. ەگەر ۇسىنىلعان جۇمىستى ءبىر اۆتور ورىنداعان بولسا, وعان قوسقان ۇلەسى تۋرالى انىقتامانىڭ قاجەتى جوق. 6) ۇسىنىلعان جۇمىستىڭ ىزدەنۋشىلەرى تۋرالى مالىمەتتەر ونىڭ نەگىزگى جۇمىس ورنىنان الىنادى. مالىمەتتەر قاتاڭ تولقۇجاتى (كۋالىك) بويىنشا مىناداي تۇردە مەملەكەتتىك جانە ورىس تىلدەرىندە راسىمدەلەدى: تەگى, اتى-ءجونى; تۋعان جىلى, تولقۇجات مالىمەتتەرى; ماماندىعى; قۇرمەتتى اتاقتارى (ەگەر ىزدەنۋشى لاۋرەات بولسا, مىندەتتى تۇردە قانداي سىيلىق, قاي جىلى العانى كورسەتىلەدى); سوڭعى بەس جىلدا العان مەملەكەتتىك ناگرادالارى (ماراپاتتالعان ۋاقىتى مەن نە ءۇشىن العانى انىق جازىلادى); عىلىمي دارەجەسى مەن اتاعى; جۇمىس ورنى مەن ونىڭ ۆەدومستۆولىق باعىنىستىلىعى: لاۋازىمى: قىزمەتىنىڭ مەكەن-جايى مەن تەلەفونى; ءۇيىنىڭ ادرەسى مەن تەلەفونى; مالىمەتتەرگە ىزدەنۋشى قول قويادى, ونى كادرلار ءبولىمىنىڭ قىزمەتكەرى راستاپ, ءمورىن باسىپ, تولتىرىلعان كۇنىن كورسەتەدى; زەينەتكەرلەرگە وسى مالىمەتتەردى سوڭعى قىزمەت ىستەگەن ورنى ءوز بلانكىسىنە جازىپ دايىندايدى; ەگەر اۆتور قايتىس بولعان سوڭ ۇسىنىلاتىن بولسا, ونىڭ قايتقان كۇنى ءمالىمەتتەردە كورسەتىلەدى, سونىمەن بىرگە مۇراگەرىنىڭ تەگى, اتى-ءجونى, ءۇيىنىڭ مەكەن-جايى, تەلەفونى جازىلادى. ەگەر سىيلىققا ۇسىنىلعان سوڭ ءوزگەرىستەر بولسا, وندا اۆتور تۋرالى كورسەتىلگەن نىساندا قوسىمشا انىقتالعان مالىمەت بەرىلەدى. ەڭبەكتىڭ اتاۋى, اۆتورلاردىڭ لاۋازىمى مەن قىزمەت ورىندارى قۇجاتتاردىڭ بارىندە بىردەي جازىلۋى ءتيىس. ۇيىمداردىڭ اتاۋىن قىسقارتىپ جازۋعا رۇقسات ەتىلمەيدى, قۇجاتتا اببرەۆياتۋرانى تۇسىندىرمە ءتىزىمى بولسا عانا, سوزدەردى قىسقارتىپ جازۋعا بولادى. 4. مالىمەتتەرى جاريالاۋعا جاتپايتىن جۇمىستار بويىنشا قۇجاتتاردى راسىمدەۋ مەن ۇسىنۋ 13.مالىمەتتەرى جاريالاۋعا جاتپايتىن جۇمىستار بويىنشا بارلىق قۇجاتتار مەن ماتەريالدار ءۇش دانادان ۇسىنىلادى جانە قازاقستان رەسپۋبليكاسىنداعى قۇپيالىق رەجيمدى قورعاۋ جونىندەگى نۇسقاۋلىققا سايكەس قازاقستان رەسپۋبليكاسى ءبىلىم جانە عىلىم مينيسترلىگىنىڭ ۇيىمداستىرۋ جانە كادرلىق جۇمىس باسقارماسىنا جىبەرىلەدى. “قىزمەت بابىندا پايدالانۋ ءۇشىن” بەلگىسى بار جۇمىستار ءۇش دانا بولىپ تاپسىرىلادى, ءتيىستى بەلگىگە نەگىزدەمە بەرىلەدى. 5. قۇجاتتاردى قابىلداۋ 14. جوعارىدا جازىلعان تالاپتارعا سايكەس راسىمدەلگەن بارلىق قۇجاتتار مەن ماتەريالدار اۆتورلاردىڭ وزدەرىنەن نەمەسە ولار سەنگەن ادامنان قازاقستان رەسپۋبليكاسى ءبىلىم جانە عىلىم مينيسترلىگىندە, مىنا مەكەن-جايدا قابىلدانادى: 010000, استانا قالاسى, “مينيسترلىكتەر ءۇيى”, 10 كىرەبەرىس, 1039 - بولمە, جابىق تاقىرىپتار بويىنشا جۇمىستار ءۇشىن - 924 بولمە. انىقتاما تەلەفونى: (87172) 742460 كورسەتىلگەن تالاپتارعا سايكەس راسىمدەلمەگەن قۇجاتتار قابىلدانبايدى.
