جاڭا جوبالارعا جول اشىق

“نۇر وتان” حدپ وبلىستىق فيليالىنىڭ ءماجىلىس زالىندا “بەرەكە-بىرلىك” پىكىرتالاس كلۋبىنىڭ ۇيىمداستىرۋىمەن “استانا قالاسىنىڭ ايماقتىق تەحنوپاركى” جاۋاپكەرشىلىگى شەكتەۋلى سەرىكتەستىگى ۇلگىسىندەگى يننوۆاتسيالىق يندۋستريالاندىرۋ اقمولا وبلىسىنىڭ ويداعىداي دامۋىنىڭ ءتيىمدى جولى” اتتى كەڭەس بولىپ ءوتتى. ماجىلىسكە مەملەكەتتىك ورگان­دار­دىڭ باسشىلارى, كاسىپكەرلەر, ساياسي پارتيالار مەن قوعامدىق ءبىر­لەستىكتەردىڭ وكىلدەرى, جوعارى وقۋ ورىندارىنىڭ وقىتۋشىلارى مەن ستۋدەنتتەرى قاتىستى. ونىڭ جۇمى­سىن جۇرگىزىپ وتىرعان پارتيانىڭ وبلىستىق فيليالى توراعاسىنىڭ ءبىرىنشى ورىنباسارى عالىم شوي­كين ەكونوميكانى دامىتۋدىڭ ءوڭىر­لىك باسىم باعىتتارىنىڭ ماقسات­تارىنا توقتالدى. – جەكە كاسىپكەرلىك مەملەكەت­تىك ساياساتتىڭ قوزعاۋشى كۇشىنە اي­نالدى, – دەدى ول. – ونى دامىتۋ­دىڭ تىرەك زاڭنامالارى قالىپ­تا­سىپ, ۇكىمەت تاراپىنان قولداۋ شا­را­لارىنىڭ ءورىسى كەڭەيدى. “استانا تەحنوپاركىنىڭ” وبلىسىمىزعا كەلۋى وڭىرلىك تارتىمدىلىقتىڭ وسكەن­دى­گىن ايقىندايدى. قازىرگى تالاپ – ءوندىرىستى ءارتاراپتاندىرىپ, شيكى­زات­تىق ەمەس سالانى وركەندەتۋ. مۇندا وزىق ۇلگىدەگى يننوۆاتسيالىق جوبالار عانا تابىسقا باستايدى. جەرگىلىكتى كاسىپكەرلەر قوناقتارى­مىز­دىڭ ۇسىنىستارىن سارالاپ, ارىپتەستىك بايلانىستىڭ جەمىسىن كورەتىنىنە سەنىمدىمىن. “استانا قالاسىنىڭ ايماقتىق تەحنوپاركى” جشس ديرەكتورى مۇرات اقشالوۆ ۋاقىت تالابىنداعى كاسىپورىننىڭ جۇمىس جوسپارلارى مەن اتقارىلعان ىستەر جايىندا ەگجەي-تەگجەيلى اڭگىمەلەدى. قازاق­ستاندا قازىر وسىنداي 8 تەحنوپارك جۇمىس ىستەيدى. ولار ۇدەمەلى ين­دۋستريالىق-يننوۆاتسيالىق دامۋدى كوزدەيتىن مەملەكەتتىك باعدارلاما شەڭبەرىندە قۇرىلعان. تەحنوپارك­تەر بيزنەس قۇرىلىمدارى مەن جاس كاسىپكەرلەرگە ينتەرنەتتىك مالىمەت, بۋحگالتەرلىك جانە زاڭگەرلىك كەڭەس بەرىپ, بولاشاعى مول عىلىمي تەح­نو­لوگيانى, ىشكى رىنوكتا سۇرانىس­قا يە جانە ەكسپورتتىق الەۋەتى جو­عارى تاۋار ءوندىرۋ مەن قىزمەتتەردى قۇرۋعا سەپتەسەدى. جاڭا ءارى ءتيىمدى جوبالارعا ينۆەستيتسيا تارتۋ, وزىق تەحنولوگيالاردى كاسىبي ساراپتا­مادان وتكىزىپ, وندىرىسكە ەنگىزۋ جۇمىستىڭ نەگىزگى باعىتى سانالادى. ديرەكتوردىڭ ايتۋىنشا, ۇستىمىزدەگى جىلى تەحنولوگيالىق بيزنەستى دامىتۋ قىزمەتىنە بيۋدجەتتەن 245 ميلليون تەڭگە قارجى بولىنگەن. كەڭەسكە قاتىسۋشىلار تەحنو­پارك ۇيىمداستىرعان كورمەنى تاما­شالاپ, ىسكەرلىك كەڭەستەر الدى. “نۇر وتان” پارتياسىنىڭ وبلىس­تىق فيليالىندا “بيزنەستىڭ جول كارتاسى–2020” ارنايى بولمە جاب­دىقتالاتىن بولدى. باقبەرگەن امالبەك. اقمولا وبلىسى.