ۆلاديمير ۆاسيلەۆيچ ني

2010 جىلعى 10 قىركۇيەكتە 78 جاسقا قاراعان شاعىندا تاماشا ادام, تالانتتى ۇيىمداستىرۋشى جانە باسقارۋشى, ءوزىنىڭ ۇزاق جىلدارعى جوعارى كاسىبي قىزمەتى­مەن ەلدىڭ الەۋمەتتىك-ەكونومي­كا­لىق دامۋىنا, قازاقستان مەملە­كەت­تىلىگىنىڭ قالىپتاسۋى مەن نى­عايۋى­نا ەلەۋلى ۇلەس قوسقان ۆلا­دي­مير ۆاسيلەۆيچ ني قايتىس بولدى. ۆ.ۆ.ني 1933 جىلعى 7 قاڭتاردا رەسەي فەدەراتسياسىنىڭ ۆلادي­ۆوس­توك قالاسىندا تۋعان. ونىڭ ەڭبەك جولى قازاق كەن-مەتال­لۋرگيا ينس­تيتۋتىن بىتىرگەننەن كەيىن ءبىزدىڭ ەلىمىزدىڭ حالىق شارۋاشىلىعى كەشەنىمەن تىعىز بايلانىستى بولدى. ول كومىر ءوندىرۋ جونىندەگى ۋچاسكە قىزمەت­شىسىنەن مەملەكەتتىك جوسپارلاۋ كوميتەتىنىڭ كومىر ونەركاسىبى جانە گازداندىرۋ ءبولىمى باستى­عىنىڭ ورىنباسارىنا, ودان كەيىن ەلدىڭ مينيسترلەر كەڭەسى توراعاسىنىڭ كومەكشىسىنە دەيىنگى ۇلكەن ەڭبەك جولىنان ءوتتى. ءوزىنىڭ ۇيىمداستىرۋشىلىق قابىلەتىنىڭ, جوعارى كاسىبي جانە مو­رالدىق قاسيەتتەرىنىڭ ارقا­سىن­دا ۆلاديمير ۆاسيلەۆيچ قوعامدا زور بەدەل مەن قۇرمەتكە بولەندى. ول ءاردايىم بار كۇش-قۋاتىن جۇمىسقا جۇمساپ, ونى جانىن سالا اتقاراتىن. تاۋەلسىز قازاقستاندى قۇرۋدىڭ مارتەبەلى پارىزىنا, ەلىمىزدە پرەزيدەنتتىك ينستيتۋتىن دامىتۋعا ادال بولىپ, ءوزىنىڭ بەل­سەندى جۇمىسىمەن رەفورمالاردىڭ العا قاراي باسۋىنا, قوعامدا تۇ­راقتىلىق پەن كەلىسىمدى قامتا­ما­سىز ەتۋگە جاردەمدەستى. بۇل, اسىرەسە, ونىڭ پرەزيدەنت اپپاراتى باسشىسىنىڭ ورىنبا­سارى – قازاقستان رەسپۋبليكاسى پرەزيدەنتىنىڭ جانىنداعى شارۋاشىلىق باسقارماسىنىڭ باستىعى, سودان كەيىن مەملەكەت باسشىسىنىڭ ءىس باسقارۋشىسى بولىپ جۇمىس ىستەگەن كەزەڭىندە ايشىقتى كورىندى. ونىڭ ۇلەسىنە استانا قۇرىلىسىنا تىكەلەي دە بەلسەنە قاتىسۋدىڭ, مەملەكەتتىك ورگانداردى ءبىزدىڭ جاڭا ەلورداعا كوشىرۋدى قامتاماسىز ەتۋدىڭ زور قۇرمەتى مەن جاۋاپكەرشىلىگى ءتيدى. ۆ.ۆ.ءنيدىڭ قىزمەتىن مەملەكەت جوعارى باعالادى, ول “وتان”, “قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ” وردەندەرىمەن, كوپتە­گەن مەدالدارمەن ناگرادتالعان. ۆلاديمير ۆاسيلەۆيچپەن بىرگە جۇمىس ىستەگەندەردىڭ ءبارى دە ونى بار بولمىسىمەن ىسكە بەرىلگەن ادام رەتىندە ءبىلدى, ول ءۇشىن ەلگە جانە حالىققا, پروگرەسس پەن دە­موكراتيانىڭ جوعارى مۇرات­تارىنا قىزمەت ەتۋ باستى نارسە بولاتىن. ۆلاديمير ۆاسيلەۆيچ ءنيدىڭ جارقىن بەينەسى ءبىزدىڭ جۇرەگىمىزدە ءاردايىم ساقتالادى. قازاقستان رەسپۋبليكاسى پرەزيدەنتىنىڭ اكىمشىلىگى. قازاقستان رەسپۋبليكاسى پرەزيدەنتىنىڭ ءىس باسقارماسى.