“بەيبىت ميسسيا” جالاۋىن كوتەردى­

كەشە الماتىدا “بەيبىت ميسسيا – 2010” تەررورعا قارسى بىرلەسكەن اسكەري وقۋ-جاتتىعۋى شەڭبەرىندە شانحاي ىنتىماقتاستىق ۇيىمىنا مۇشە مەملەكەتتەر قارۋلى كۇشتەرى باس شتابتارى باستىقتارىنىڭ قاتىسۋىمەن اسكەري-ساياسي كەڭەس ءوتتى. كەڭەس بارىسىندا شانحاي ىن­تىماقتاستىق ۇيىمىنا مۇشە مەم­لەكەتتەردىڭ اسكەرلەرىن شارتتى دا­ع­دارىس جاعدايىن رەتتەۋگە پايدالانۋ تۋرالى ۇسىنىستار قاراستىرىلىپ, جان-جاقتى پىسىقتالدى. اسكەري-ساياسي كەڭەسكە قاتىسۋ­شى­لار حالىقارالىق جانە ايماقتىق جاع­دايعا, شىۇ قورعانىس قاۋىپ­سىز­دىگى سا­لاسىنداعى ىنتىماقتاستىق پەن باسقا دا ورتاق مۇددەدەگى بىرنەشە ماسەل­ە­­لەرگە كەڭىنەن توقتالدى. “بەي­بىت ميس­سيا-2010” وقۋ-جاتتىعۋى­نىڭ جەتەكشى­سى گەنەرال-مايور مۇرات ماي­كەەۆ ءاس­كە­ري-ساياسي كەڭەسكە قا­تىسۋ­شىلاردىڭ نازارىنا وقۋ-جاتتىعۋدىڭ ماقساتى مەن ماڭىزىن, سونداي-اق شارتتى اسكەري-ساياسي جاعدايدى جەتكىزدى. كەڭەس قورىتىندىسى بويىنشا شانحاي ىنتىماقتاستىق ۇيىمىنا مۇشە مەملەكەتتەر قارۋلى كۇشتەرى باس شتابتارىنىڭ باستىقتارى بىرلەسكەن جەدەل ديرەكتيۆا ازىرلەپ, وعان قول قويدى. قازىرگى ۋاقىتتا قازاقستان قا­رۋ­لى كۇشتەرى قۇرلىق اسكەرلەرىنىڭ ء“ما­تىبۇلاق” پوليگونىنا “بەيبىت ميس­سيا-2010” وقۋ-جاتتىعۋىنا قا­تى­سۋ ءۇشىن قازاقستان, قىتاي, رەسەي, تاجىكستان جانە قىرعىزستاننىڭ ءاس­كەري ءبولىم­شە­لەرى شوعىرلاند­ىرى­لىپ جاتىر. – شىۇ-عا مۇشە مەملەكەتتەر تۇگەلگە دەرلىك قاتىساتىن وسىنداي ۇلكەن دەڭگەيدەگى جاتتىعۋ ۇيىم تاري­حىنداعى ءسوزسىز ماڭىزدى وقيعا دەۋگە تۇرارلىق, – دەپ اتاپ ءوتتى قر قم شتابتار باستىقتارى كوميتە­تىنىڭ توراعاسى, گەنەرال-پولكوۆنيك ساكەن جاسۇزاقوۆ. – بۇل جاتتىعۋلار الەم­دىك قاۋىمداستىققا شىۇ-نىڭ اي­ماقتاعى تۇراقتىلىق پەن قاۋىپسىز­دىكتى قامتا­ماسىز ەتۋگە قاۋقارلى جانە زاماناۋي قاۋىپ-قاتەرلەرگە قارسى تۇرارلىق تاپسىرمالاردى ءوز بەتىنشە شەشۋگە قابىلەتتى ەكەنىن كورسەتە ءبىلۋى كەرەك. قازاقستان 2010 جىلعى ماۋسىم ايى­نان باستاپ شانحاي ىنتىماقتاس­تىق ۇيىمىنا توراعالىق ەتۋدى قولعا الدى. وسىنداي جاۋاپتى لاۋازىمدا وتىرىپ, ۇيىمعا مۇشە مەملەكەتتەر­دىڭ قاتىسۋى­مەن “بەيبىت ميسسيا- 2010” وقۋ-جاتتىعۋىن وتكىزۋ ءبىزدىڭ ەل ءۇشىن ۇلكەن مارتەبە. بيىلعى جاتتىعۋعا ءۇش مىڭنان استام اسكەري قىزمەتشى قاتىستىرى­لادى. سونىمەن قاتار, ءۇش ءجۇزدىڭ ۇستىندە اسكەري تەحنيكا, ەلۋدەن استام ۇشاقتار مەن تىكۇشاقتار تارتىلعان. تەررورعا قارسى حالىقارالىق جات­تىعۋعا دايىندىق پەن ونى ءوت­كى­زۋگە قر توتەنشە جاعدايلار مي­نيستر­لىگىنىڭ, ءىىم ىشكى اسكەرلەرىنىڭ, ۇلتتىق قاۋىپسىزدىك كوميتەتىنىڭ بولىمشەلەرى دە قاتىستىرىلاتىن بولادى. جاتتىعۋ باعدارلاماسىنا سايكەس اسكەرلەر جەدەل تاپسىرمانى العان ساتتەن باستاپ تەررورعا قارسى بىرلەسكەن وپەراتسيالارعا دايىندىق پەن ونى وتكىزۋگە كىرىسەدى. جاتتىعۋعا ازىرلىك بارىسىندا شىۇ-عا مۇشە مەملەكەتتەر قارۋلى كۇشتەرىنىڭ بولىمشەلەرى بىرنەشە بىرلەسكەن دايىندىقتار وتكىزەدى. جاتتىعۋدىڭ شەشۋشى كەزەڭى 2010 جىلعى 24 قىركۇيەككە جوسپارلانعان. جاتتىعۋلاردى باقىلاۋ ءۇشىن ء“ما­تىبۇلاق” پوليگونىنا شىۇ-عا مۇشە مەملەكەتتەردىڭ قورعانىس مينيستر­لەرى, سونداي-اق ءازىربايجان مەن ۋكراينا قورعانىس ۆەدومستۆولا­رى­نىڭ باسشىلارى كەلەدى. وڭتۇستىك استانادا وتكەن اسكەري-ساياسي كەڭەستەن سوڭ ۇيىم قارۋلى كۇشتەرى باس شتابتارىنىڭ باستىق­تارى “ماتىبۇلاق” پوليگونىنا ۇش­ىپ كەلدى. بۇل جەردە جوعارى لاۋا­زىمدى مەيماندارعا جاتتىعۋ جە­تەكشىسى, قۇرلىق اسكەرلەرىنىڭ باس قولباس­شى­سى گەنەرال-مايور مۇرات مايكەەۆ ورىن العان شارتتى جاع­داي­دى بايان­داپ, ايماقتاعى كوا­لي­تسيالىق كۇش­تەردىڭ ورنالاسۋىن جەت­كىز­دى. سون­داي-اق, باس شتاب باس­تىق­تارىن ءبى­رىككەن كۇشتەردىڭ وپەراتسيا­لاردى ور­ىنداۋ بارىسىندا بىرلەسە قيمىلداۋ جوس­پار­لارىمەن تانىستىردى. مۇحاربەك ماحامبەت, قر قورعانىس مينيسترلىگىنىڭ ءباسپاسوز قىزمەتى.