دوڭگەلەك ۇستەل باسىندا ناقتىلانا ءتۇستى

وسكەمەندە وتكەن قازاقستان مەن رەسەي اراسىنداعى جەتىنشى ءوڭىرارا­­لىق فورۋم جۇمىسىنا بيلىك وكىل­د­ە­رى, كاسىپورىن باسشىلارى, كاسىپ­كەر­لەرمەن بىرگە جوعارى وقۋ ورىن­دارىنىڭ تىزگىنىن ۇستاپ وتىرعان بىلىكتى مامان-عالىمدار دا كوپتەپ قاتىسقان-دى. عىلىم مەن ءبىلىم ءتا­­جىريبەسىن ناقتى ءىس جۇزىنە ۇسىنۋعا سولار مۇرىندىق بولاتىندىقتان, ونىڭ وڭدى قادام ەكەندىگىن قۇپ­تا­ماسقا بولمايدى. ايتقانداي-اق, فورۋم جۇمىسى ءجۇ­رىپ جاتقان شاقتا ەكى ەلدىڭ جو­عارى وقۋ ورىندارى باسشىلارىنىڭ اراسىندا ءتۇرلى مازمۇنداعى ونداعان كەلىسىم-شارتقا قول قويىلىپ ۇلگە­رىلدى. ماسەلەن, شاكارىم اتىنداعى سەمەي مەملەكەتتىك ۋنيۆەرسيتەتىنىڭ رەكتورى, اكادەميك ەرلان سىدى­قوۆ­تىڭ باستاماسىمەن جەرگىلىكتى ۋنيۆەر­سيتەت جانە يركۋتسك مەملە­كەت­تىك اۋ­ىل شارۋاشىلىعى اكادە­ميا­سى مەن التاي مەملەكەتتىك پە­داگوگيكا اكا­دەمياسى اراسىندا ما­ڭىز­دى قۇجاتقا قول قويىلدى. ءار­قاي­سىسىنىڭ جەت­پىس-سەكسەن جىل­دىق تاريحى بار مۇن­داي جوعارى وقۋ ورىندارىمەن شارت­قا وتىرۋ ۋني­ۆەر­سيتەت بولىپ قۇرىل­عانىنا ون جىل­دان ەندى عانا اسقان سەمەي­لىك­تەر ءۇشىن قانشالىقتى ءتيىمدى ەكەن­دىگى ايتپاسا دا تۇسىنىكتى. جانە بۇل كەلىسىم-شارتتاردىڭ قا­عاز جۇزىندە قالىپ قويمايتىن­دى­عىنا سەنگىڭ كەلەدى. سونىڭ ناقتى ايعاعىنداي, جوعارىدا اتالعان فو­رۋم جۇمىسى اياقتالماي جاتىپ, ءشا­كارىم اتىنداعى سەمەي مەم­لەكەتتىك ۋنيۆەرسيتەتىندە “شاكارىم اتىنداعى ۋنيۆەرسيتەت الەمدىك اكادەميالىق رەيتينگ اياسىندا” دەگەن تاقىرىپپەن دوڭگەلەك ۇستەل وتكىزىلدى. ونىڭ جۇمىسىن قىسقاشا ءسوز سويلەپ اشقان ۋنيۆەرسيتەتتىڭ ءبىرىنشى پرورەكتورى اسەمگۇل مول­دا­جانوۆا وسكەمەندە وتكەن فو­رۋم­نىڭ ماڭىزى مەن ونىڭ بولا­شاق­تاعى ناتيجەسىنە توقتالدى. ءدوڭ­گە­لەك ۇستەل جۇمىسىنا ارنايى كەلىپ قاتىسقان يركۋتسك مەملەكەتتىك اۋ­ىل شارۋاشىلىعى اكادەمياسى­نىڭ رەكتورى يۋري ۆاشۋكەۆيچ پەن ال­تاي مەملەكەتتىك پەداگوگيكا اكا­دە­مياسىنىڭ پرورەكتورى يگور كرا­سيلنيكوۆ تە ءوز وقۋ ورىندارىنىڭ تاريحى جونىندە ايتا كەلىپ, مۇنداي ءوزارا بايلانىستىڭ جەمىستى بولا­تىندىعىنا سەنىم ءبىلدىردى. دوڭگەلەك ۇستەل جۇمىسىنا, سون­داي-اق ۇلىبريتانياداعى تومسون رەۋتەرس اگەنتتىگىنىڭ ورتالىق جانە شىعىس ەۋروپاداعى وڭىرلىك ديرەك­تورى دەۆيد حوركي ارنايى كەلىپ قاتىسىپ, اتالعان اگەنتتىكتىڭ سە­مەي­دەگى تۇساۋكەسەر ءراسىمىن جاسادى. وسىنداي شارالاردىڭ ءبارى قوسىلا كەلگەندە, شىندىعىندا الگىندەي ال­قالى جيىننان سوڭعى جەردە ەلى­مىزدىڭ شەت ايماقتارىندا دا عىلىم مەن ءبىلىمنىڭ قارىشتاپ دامي تۇسەتىندىگىن ايعاقتاي ما دەيمىز. داۋلەت سەيسەن ۇلى. سەمەي. * * * جاس بولسا دا باس بولماق قوستاناي قالالىق ءماسليحاتىنىڭ سوڭعى سەسسياسىندا گۇلنارا ورا­لوۆانى دەپۋتاتتار حاتشى ەتىپ ساي­لادى. ەندى ول وبلىستاعى قالالىق, اۋداندىق ءماسليحاتتاردىڭ اراسىندا ەڭ جاس حاتشى بولىپ وتىر. گۇلنارا الىمجانقىزى قاراسۋ اۋدانىندا ورتا مەكتەپتى 2000 جىلى ءتامامدادى. ودان كەيىن قوستاناي بيزنەس-كوللەدجىن وتە جاقسى ءبىتىرىپ, “اسپرەدكو” زاڭدى تۇلعالار قاۋ­ىمداستىعى ديرەكتورىنىڭ اسسيستەن­تى بولىپ ىستەدى. 2004 جىلى ول ءوزىنىڭ باستاماسىمەن “قوستاناي وبلىستىق كاسىپكەرلەر وداعى” قوعامدىق ۇيى­مىن قۇردى. ودان كەيىن “قوستاناي قالاسى شاعىن كاسىپكەرلىك وداعى” زاڭدى تۇلعالار قاۋىمداستىعىن قۇرىپ, شاعىن بيزنەستىڭ دامۋىنا ۇلەس قوستى. تالاپتى جاس ۇكىمەتتىك ەمەس ۇيىم جۇمىسىن شىر اينالدىرىپ ءجۇرىپ, ءبىلىمىن تەرەڭدەتۋدى دە ۇمىتپادى. ول قاراعاندى ەكونوميكالىق ۋنيۆەر­سيتەتىن ءبىتىرىپ, قارجى باكالاۆريا­تىنان بىلىكتىلىگىن كوتەردى. ول سوڭعى جارتى جىلدا قوستاناي قالالىق ءماسليحاتى حاتشىلىعى مىندەتىن اتقارعان بولاتىن. ءىستى جاقسى ور­ىنداعانىن, جوعارى جاۋاپكەرشى­لى­گىن, ۇيىمداس­تى­رۋشىلىعىن ەسكەرىپ, ونىڭ ءارىپ­تەستەرى سەسسيادا گۇلنار­دىڭ قالالىق ءماسليحاتتىڭ حاتشىسى بولۋىنا داۋىس بەردى. جاس كەلسە ىسكە! ءنازيرا جارىمبەتوۆا. قوستاناي.