ەلدەستىرۋدى ەڭسەلەندىرە تۇسۋگە كەلگەن ەلشىلەر

كەشە ەلباسى نۇرسۇلتان نازارباەۆ اقوردادا ءازىربايجان رەس­پۋبليكاسى, يراك رەسپۋبليكاسى, قىتاي حالىق رەسپۋبليكاسى, پاكس­تان يسلام رەسپۋبليكاسى, تۇرىك رەسپۋبليكاسى جانە ۋكراينا ەلدە­رى­نىڭ قازاقستانداعى توتەنشە جانە وكىلەتتى ەلشىلەرى زاكير گاشيموۆ, رادجەح سابەر اببۋد ءال-مۋساۋي, چجوۋ لي, موحاممەد تۋفايل, لالە ۇلكەر جانە ولەگ دەميننەن سەنىم گراموتالارىن قابىلدادى. سالتاناتتى جاعدايدا سەنىم گراموتالارىن قابىلداعان سوڭ پرەزيدەنت نۇرسۇلتان نازارباەۆ ولاردىڭ الدىندا قىسقا ءسوز سويلەدى. ەلباسى الدىمەن ديپلو­مات­تاردى قازاقستانداعى قىزمەت­تە­رىنىڭ باستالۋىمەن قۇتتىقتاپ, ول كۇننىڭ كۇللى مۇسىلمان قاۋى­مى ءۇشىن قاسيەتتى بولىپ سانالا­تىن ورازا ايتىنىڭ كۇنىنە ءدوپ كەلىپ وتىرعانىن جاقسى نىشانعا جوريتىنىن تىلگە تيەك ەتتى. ودان ءارى پرەزيدەنت ەلشىلەردىڭ ديپ­لو­ماتيالىق جۇمىستارى قازاقستان­نىڭ سىرتقى ساياسي بەدەلىنىڭ ار­تىپ, اسا تانىمال حالىقارالىق ۇيىمداردا توراعالىق ەتۋ كەزەڭى­مەن سايكەس كەلىپ وتىرعانىن اۋىز­عا الا وتىرىپ, ۇستىمىزدەگى جىل­دىڭ 1-2 جەلتوقسانىندا اس­تانادا ەقىۇ ءسامميتىنىڭ وتەتىنىن ەسكە سالدى. بۇل – قازاقستان ءۇشىن تاريحي جەتىستىك دەپ ايتۋعا بولا­تىن وقيعا, دەدى ول. ەلباسى ن.نازارباەۆ بۇگىنگى ەلشىلەر كەلگەن مەملەكەتتەرمەن قا­زاقستاننىڭ بايلانىسىنا قىس­قا­شا توقتالىپ ءوتتى. سونىڭ ىشىندە يراك تۋرالى ايتقاندا وسى ەل باسشىلىعىنىڭ استانادا توتەنشە جانە وكىلەتتى ەلشىسىن تاعايىنداۋ تۋرالى شەشىمىن قۇپ­تاي­تىنىن, يراك ەلى اراب الە­مىن­دەگى قازاقستانعا بارىنشا جاقىن ورنالاسقان ەل ەكەندىگىن, سون­دىق­تان دا قازاقستاننىڭ يراكتا بەي­بىت­شىلىك پەن تۇراقتىلىقتىڭ ءتۇپ­كىلىكتى ورناۋىنا, تۇرمىس احۋا­لى­نىڭ قايتادان قالپىنا كەلتىرىلۋى­نە مۇددەلى ەكەنىن ايتا كەلىپ, ءبىز­دىڭ اسكەريلەرىمىزدىڭ يراكتاعى جاع­دايدى قالپىنا كەلتىرۋگە قوس­قان ۇلەستەرىن اتاپ ءوتتى. ءبىزدىڭ ما­مان­دار يراكتا 4 ملن.-نان استام جا­رىلعىش زاتتاردى زالالسىز­دان­دىر­دى جانە مىڭداعان بەيبىت تۇرعىندارعا مەديتسينالىق كومەك كورسەتتى, دەدى ول. ءازىربايجان رەسپۋبليكاسى تۋ­رالى ايتقاندا ونىڭ كاسپي تە­ڭى­زىندەگى ماڭىزدى كورشىمىز ەكە­نىن اۋىزعا الدى. ءبىزدى تاريحي تا­مىرىمىزدىڭ بىرلىگى عانا ەمەس, ەكىجاقتى ساۋدا-ەكونوميكالىق ىن­تىماقتاستىقتارىمىزدى دامى­تۋعا دەگەن ۇمتىلىسىمىز, كاسپي پروبلەماتيكاسى بويىنشا پوزي­تسيا­مىزدىڭ بىرتەكتىلىگى دە جا­قىنداستىرادى, دەدى پرەزيدەنت. قازاقستان وڭتۇستىك ازيا ايماعى مەن يسلام الەمىندە ما­ڭىزدى ورنى بار پاكستان يسلام رەسپۋبليكاسىمەن دە جان-جاقتى ىنتىماقتاستىقتى دامىتا تۇسۋگە مۇددەلى. قازىردىڭ وزىندە ءبىزدىڭ ەلدەرىمىز كوپتەگەن ايماقتىق جانە حالىقارالىق ۇيىمدار شەڭ­بەرىندە ءوزارا تىعىز ءىس-قيمىلدار جاساۋدا, دەدى ەلباسى. ال بيىلعى بولعان سۋ تاسقىنىنا بايلانىستى قازاقستاننىڭ پاكستانعا قارجى­لاي كومەك بەرۋ تۋرالى شەشىم قا­بىلداعانىن جەتكىزدى. – قىتاي حالىق رەسپۋب­لي­كا­سىمەن ىنتىماقتاستىق قازاق­ستان­نىڭ سىرتقى ساياساتىنىڭ ما­ڭىزدى باعىتى بولىپ تابىلادى. ول ساۋدا-ەكونوميكالىق بايلا­نىس­تاردىڭ ۇدەمەلى وسۋىنە نەگىز­دەلگەن تابىستى ارىپتەستىكتىڭ جار­قىن ۇلگىسى. ءبىز حالىقارالىق ارە­نادا دا بەلسەندى بىرلەسكەن ءارىپ­تەستەر بولىپ تابىلامىز. ءبىزدىڭ ارىپتەستىگىمىز ساياسي سەنىم­دى­لىك­تىڭ جوعارى دەڭگەيىنە جەتكەن. ءبۇ­گىنگى قازاقستان-قىتاي ستراتەگيا­لىق ارىپتەستىگى وڭىرلىك تۇراق­تى­لىق پەن قاۋىپسىزدىكتىڭ ماڭىزدى فاكتورى بولىپ تابىلادى, دەدى نۇرسۇلتان ءابىش ۇلى. ودان ءارى ەلباسى باۋىرلاس تۇرىك رەسپۋبليكاسىمەن اراداعى بايلانىستارعا قىسقاشا سيپات بەردى. قازاقستان تۇركيامەن ارا­داعى قوپقىرلى ءىس-قيمىلداردىڭ دامي تۇسكەنىن قالايدى. سونىڭ ىشىندە ساۋدا-ەكونوميكالىق جانە ينۆەستيتسيالىق سالاداعى ىنتى­ماق­تاستىقتاردى تەرەڭدەتە تۇسۋگە “جاڭا سينەرگيا” اتتى بىرلەسكەن باعدارلاما تىڭ سەرپىن بەرەر دە­گەن ۇمىتتەمىز. “سونداي-اق ءبىز جاڭا جالپىتۇركىلىك قۇرىلىم­دار­دى دامىتۋ جولىندا تۇركيامەن بىرلەسكەن كۇش-جىگەرىمىزدى جالعاس­تىرا بەرەتىن بولامىز”, دەپ جالعاستىردى ەلباسى. قازاقستان ۋكراينامەن ىنتى­ماق­تاستىقتى ودان ءارى نىعايتۋعا مۇددەلى. ءبىزدىڭ ەلدەرىمىزدى تاريحي جانە مادەني بايلانىستار بىرىك­تىرەدى. قازاقستاندى مەكەندەيتىن ۋكراين حالقى وكىلدەرىنىڭ قالىڭ قاۋىمداستىعى ءبىزدىڭ ەلدەرىمىزدى جاقىنداستىرۋدىڭ ماڭىزدى فاكتورى. ۋكراينا پرەزيدەنتى ۆ.يانۋ­كوۆيچتىڭ وسى جىلدىڭ ءساۋىر ايىندا قازاقستانعا جاساعان رەس­مي ساپارى مەن مەنىڭ جاقىن كۇن­دەردە ۋكراينادا بولاتىن رەسمي ساپارىم ەكى ەلدىڭ اراسىنداعى قارىم-قاتىناستىق اياسىن كەڭەي­تۋ­گە جاڭا سەرپىن بەرەرى ءسوز­سىز, دەدى ەلباسى ۋكرايناعا قاتىس­تى سوزىندە. ءسوزىنىڭ سوڭىندا پرەزيدەنت ەلشىلەرگە استانا قازاقستانداعى وڭ وزگەرىستەر مەن جاڭارۋلاردىڭ ايناسى ەكەندىگىن ايتا كەلىپ, وندا جۇ­مىس ىستەۋگە جانە دەمالۋعا بارلىق جاعداي جاسالعان دەپ ءسوزىن اياقتادى. جاقسىباي سامرات.