اۆستريامەن ايانباي ايقاسىپ باقتىق...

ادەتتە فۋتبولدا مىڭنان ءبىر جاعدايدا كەزدەيسوقتىق دەگەن بولىپ جاتادى. ءبىز بۇل جولى قازاقستان قۇراماسىنىڭ قوناقتا اۆستريا ۇزدىك كومانداسىنان تورە­شى بەلگىلەگەن نەگىزگى ۋاقىتتان كە­يىنگى قوسىمشا مينوتتەردە ەكى گول جىبەرىپ الىپ, اياق استىنان ۇتىلىپ قالعانىن وسى كەزدەي­سوقتىققا تەلي سالماي-اق قويايىق, بىراق ءجى­گىت­تەرىمىزدىڭ وسى كەزدەسۋدە جەڭى­لىستى ەمەس, قۇرىعاندا تەڭ ويىن­عا ابدەن لايىقتى ونەر كور­سەتكەن­دەرىنە ءشۇبا كەلتىرە ال­مايمىز. تاپ وسى ماتچتا رەس­پۋبليكا قۇرا­م­اسى, ءسوز جوق, ءوزىنىڭ ەلىمىز تاۋەل­سىزدىك الىپ, دەربەس قۇراما كومان­داسىن حا­لىق­ارالىق سپورت ارەنا­لارىنا شىعارا باستاعالى بەرگى تا­ريحىنداعى ازىرگە ەڭ جاقسى ويى­نىن كورسەتتى. اۆستريانىڭ زالتسبۋرگ قالا­سىندا وتكەن بۇل ويىندا قازاق فۋت­بولشىلارى الاڭسىز قورعانىس­قا كەتىپ, قارسى­لا­سى­نىڭ اياق الى­سىن اڭدىپ وتىرا بەرگەن جوق. ولار ءتىپ­تى كەز­دەسۋدىڭ كوپ بولىگىن شابۋىل­­مەن وتكىزىپ, الاڭ يەلەرى قاق­پاسىنان ساڭىلاۋ ىزدەۋمەن بولدى. “بىزگە قورعانىسقا با­رىن­شا قاتتى نازار اۋدارۋ كەرەك”, دە­گەندى قۇرا­مانىڭ باس جاتتىقتىرۋ­شىسى بەرند شتورك ءاربىر ماتچ سايىن قاي­تا­لاۋمەن جۇرەتىن. ال وسى جولى ءبىزدى سوڭعى مينوتتەردە تاپ وسى قورعانىسقا قاتتى كوڭىل بولە الماي قالعانىمىز تاقىرعا وتىر­عىزىپ كەتتى. سونىڭ سال­دارى­نان قوسىمشا ۋاقىتتىڭ ءبى­رىن­شى جانە ەكىنشى مينوتتەرىندە قاقپا تورىنان دوپ الۋعا ءماجبۇر بولدىق. وسىنىڭ الدىنداعى تۇرىك­تەرمەن بولعان ويىنمەن سالىستىر­عاندا, شتورك الاڭعا ءۇش ويىنشى­نى ءوز­گەرتىپ شىعاردى. بۇل جولى ءجۇ­گىر­گەندە ءوز سالماعىن الىپ جۇرە ال­ماي­­تىن سەرگەي وستاپەنكونىڭ ورنىنا شابۋىلدىڭ الدىڭعى وتىندە ودان گورى الدەقايدا شيراق گلەب مالتسەۆ وينادى. سول قاپ­تال­داعى گەنريح شميتگالدى “اق­توبە” سا­پىن­دا جارقىراپ ءجۇر­گەن ەۆگەني اۆەرچەنكو الماستىردى. ال الاڭ­نىڭ ورتاسىندا جۇرەتىن ماكسيم اۆەرچەنكونى جاقىندا ءبىزدىڭ ازا­ماتتىقتى قابىلداعان رەسەيلىك كاز­بەك گەتەريەۆ ىعىس­تىردى.ول وتكەن ويىندا ويناعان جوق ەدى. ونىمەن ءبىر مەزگىلدە كەلگەن رەسەي­لىك الەك­سەي پوپوۆ وتكەن ويىندا دا, بۇل جولى دا ورتاڭعى شەپتە ويقاستادى. ءبىزدىڭ قاقپاعا ءبىرىنشى گولدىڭ تۇسۋىنە تاپ وسى فۋتبولشى سەبەپكەر بولدى. ول تۋرالى اڭگىمە الدا... ماتچ ءبىرىنشى مينوتتەردەن اسا تارتىستى باستالدى. وسى كەزدە ءبىز­دىڭ ويىنشىلار الاڭ يەلەرىنەن كەم ويىن كورسەتپەدى, اۆستريا­لىقتار بىزدىكىنەن از قاتەلەسپەي قالعان جوق. ەكى جاعى قاي تۇسىنان كەل­گەندە دە, ءبىر-بىرىمەن تەپە-تەڭ ءتۇسىپ جاتتى. ال قاقپاعا تىكەلەي قاۋىپتى الدىمەن اۆستريالىقتار جا­­سادى. ويىننىڭ 10-شى مي­نو­تىن­­دە الاڭ­نىڭ ورتاسىنان دوپ الىپ, العا ۇم­تىلعان مارتين حارنيك ءاپ-ساتتە ءبىزدىڭ گولكيپەر اندرەي سيدەل­نيكوۆپەن بەتپە-بەت كەلە قالدى. ءبىر ءتاۋىرى, قاقپا­شىمىز اسا ساسا قويمادى, ورەكپىپ كەلىپ قالعان شابۋىلشىنىڭ سوققىسىن قاي­تارىپ ۇلگەردى. ال ءۇش مينۋتتان كە­يىن وسىنداي سوق­قىنى ءبىزدىڭ الەكساندر كيسليتسىن دا جاسادى. ول دا وسىلاي الاڭنىڭ جارتىسىن كوكتەي ءوتىپ, قاقپا الاڭىنا كىردى دە, ورتادان جەرلەتىپ ۇرىپ جىبەردى. بىراق دوپ شتانگا باعاناسىنىڭ جانىنان زۋ ەتە ءتۇستى. تاعى ەكى مي­نوت وتكەسىن مارك يان­كو وڭ قانات­تان كولدەنەڭ كەلگەن دوپتى بىزگە قاراي تارتىپ كەپ سالدى. سوققى جاسار كەزىندە رەنات ابدۋلينمەن بەتتەسىپ قالعان ول ءمۇلت كەتتى. 16-شى مينوتتە فرانتس شيمەر الىس­تان كەرەمەت سوققى بەردى. ول دا قاقپا جانىنان ىس­قىرىپ وتە شىقتى. ماتچتىڭ 28-ءشى مينوتىندە نۇر­بول جۇماسقاليەۆ الاڭنىڭ ورتا­سىندا دوپقا يەلىك ەتىپ, العا جۇگىردى دە, سوڭعى نۇكتەنى ءوزى قوي­عىسى كەلدى. الايدا, ونىڭ سوققى­سىنا دالدىك جەتىسپەي قالدى. 33-مينوتتە جاسال­عان ءبىزدىڭ شابۋى­لىمىزدى الاڭ يەلەرى قولمەن وي­ناپ توقتاتتى. وسىعان بايلا­نىستى بەرىلگەن ايىپ دوبىن ورىنداعان گەتەريەۆ ونى قاقپا الاڭىنا جەتكىزدى. سول جەردە دوپتى الاڭ يە­لەرىنىڭ قاقپاشىسى باسپەن قاي­تارىپ ۇلگەردى. بۇدان كەيىن ازات نۇرعاليەۆ تە ەكى رەت وسىنداي ايىپ دوبىن ورىنداپ, ولاردى شتان­گانىڭ الىس بۇرى­شى­نان اسى­رىپ جىبەردى. ال 36-شى مينوتتە شيمەر تاعى دا ءوزىن كور­سەتە ءبىلدى. بۇل جولى ونىڭ سوق­قى­سىنا اندرەي كارپوۆيچ كەدەرگى كەلتىرىپ ۇلگەردى. سوققى سوندا دا بولسا, داربازا الاڭىنا جەتىپ, ءبىزدىڭ گولكيپەردىڭ قولىمەن اۋتقا جىبە­رىل­دى. وسىعان بايلانىستى بە­رىل­گەن بۇرىشتاما دوبى تاعى دا شيمەردى تاۋىپ, ونىڭ باسى ارقى­لى قاقپاعا قاراي زاۋلادى. بىراق ءبىزدىڭ داربازابون ءمۇلت كەتكەن جوق. الاڭ يەلەرى ەكىنشى تايمدى بىردەن قاۋىرت باستادى. شاماسى, ءۇزىلىس كەزىندە باپكەرلەرى تاراپى­نان كوپ ەسكەرتۋ مەن اقىل-كەڭەس السا كەرەك, ولار سالعان جەردەن شابۋىلعا ىشقىنا كىرىستى. بۇل ءبىزدىڭ فۋتبولشىلاردى جاپپاي قورعانىسقا كوشىپ, اياقتارىنا تيگەن دوپتى وڭدى-سولدى الىسقا تەبە بەرۋگە ءماجبۇر ەتتى. سونداي قاربالاستاردىڭ بىرىندە, ويىننىڭ 49-شى مينوتىندە اۆستريالىق لينتس ءبىزدىڭ ايىپ الاڭىندا اب­دۋلينمەن سوقتىعىسىپ, قۇلاپ قال­دى. ءوزىنىڭ ارىپتەسى فەلي كاۆلاك­پەن قاقپاقىل ويناپ, ىشكە كىرگەن ول ءبىزدىڭ ويىنشىعا قاراي ءوزى ۇم­تىلىپ ەدى. ستاديون تولى كورەر­مەن مەن اۆستريالىق فۋتبولشىلار پەنالتي تالاپ ەتىپ تۇرىپ الدى. بىراق حورۆاتيالىق تورەشى م.ست­را­­حونيا بۇل ارانداتۋعا تۇسكەن جوق. بۇل ارالىقتا ءبىزدىڭ اۆەرچەنكو مەن كيسليتسىن ءبىر-بىردەن قارسى شابۋىلعا شىعىپ قايتتى. سودان كەيىنگى قاۋىپتى سوققىنى بىزگە 54-ءشى مينوتتە ەكرەم داگ جاسادى. وسىدان كەيىن قازاقستاندىقتار قايتادان ەسىن جيناپ العانداي بولدى. ءوز-وزدەرىنە جاقسى كەلىپ ال­عان ولار الداعى 11 ءمينوتتىڭ اۋ­قىمىندا قارسىلاستارعا قاراي ءۇش رەت جويقىن قارسى شابۋىل ۇيىم­داستىردى. بۇلاردىڭ ءبارى دە بەلگىلى ءبىر دارەجەدە قاقپاعا ايتارلىقتاي قاۋىپ ءتوندىردى. بۇلار­دىڭ ءبىرىنشىسى كارپوۆيچتىڭ پاسى­نان كەيىن اۆەر­چەنكونىڭ سول قاپ­تالمەن جۇگى­رىپ ءوتىپ, قاقپاعا با­عىت­تاۋىمەن اياق­تال­دى. ەكىنشى مە­زەت­تە ەكىنشى تايمدا مالتسەۆتىڭ ورنىنا شىققان سەرگەي حيج­ني­چەنكوعا دوپ جىبەرىلدى. ءبىزدىڭ جاق­تاعى ەڭ جاس ويىنشى. بىراق, بۇل دوپقا جەتىپ ۇلگەرە المادى, ونى قاقپاشى ماحو قاعىپ اكەتتى. كە­لە­سى كورىنىستە الەكساندر كيروۆ قارسى­لاسىنان قارسى الاڭ بەتىندە دوپ تارتىپ الىپ, ۇشەۋگە تورتەۋ بولىپ شابۋىلدادى. بىراق ءبىزدىڭ جارتىلاي قورعاۋشى دوپتى ءوز ايا­عى­مەن قارسىلاسىنا بەرىپ قويدى. الاڭ يەلەرىنىڭ قاقپاسى قۇل­پىن اشاتىن ەڭ قولايلى ءساتتى ءبىزدىڭ جىگىتتەر 66-ءشى مينوتتە دۇ­رىس پاي­دا­لانا المادى. ءبىزدىڭ قاقپا الا­ڭى­نا قاراي بەرىلگەن بۇرىشتاما دوبىن سيدەلنيكوۆ قاعىپ الدى دا, ونى قولىمەن قارسىلاستار الاڭىنا قاراي اۋە­لەتە لاقتىردى. ول سول بويدا با­رىپ حيجنيچەنكونىڭ تا­با­نى اس­تىنا ءتۇستى. ونى الا سالا ال­عا ۇم­تىل­عان سەرگەي كەلەسى كەزەك­تە جۇ­ماسقاليەۆتى سوققى جاسايتىن جەرگە ادەمى شىعاردى. ال نۇربول ونى العاسىن شامامەن 17 مەتر قا­شىقتىقتان قاقپاعا قاراي زىر­لات­تى. بۇل دوپتى ماحنو قول­مەن جوعا­رى قاراي كوتەرىپ جىبەرىپ قانا قاق­پاسىن گولدان امان ساقتاپ قالدى. بۇدان ەكى ءمينوت وتكەسىن الاڭ يەلەرى تاعى شابۋىلعا شىقتى. الدىمەن الىستان كريستيان فۋحس ۇرىپ بايقاستادى. ونى سيدەل­نيكوۆ سەكىرىپ بارىپ, بۇرىشقا جىبەردى. ال 70-ءشى مينوتتە ءبىزدىڭ جاقتان تاپ سونداي ءبىر جوڭكىلگەن شابۋىل ءوربىدى. ونى حيجنيچەنكو قاقپاعا قاراي جاقسى ۇرىپ ەدى, بىراق سوققىسى ءجاي بولىپ قا­لىپتى, قاقپاشى قينالماي ۇستاپ الدى. سودان سوڭ جۇماسقا­ليەۆ ستا­­ديون تولى كورەرمەن­نىڭ جۇرە­گىن توقتاتىپ قويا جاز­داعان تا­عى ءبىر سوققىنى كەرەمەت شيىر­دى. بۇل جەر­دە وسىعان جەتكىزگەن ءبىزدىڭ كا­پي­تان كار­پوۆيچ بولدى. ول الدىمەن ايىپ الاڭى بۇرى­شىنان قاقپاعا قاراي دوپ اتتى. بىراق سوققى تومەن كەت­تى دە, قاقپا سىزى­عى الدىنان كولبەي ءوتتى. ال ونىڭ ارعى مۇيىسىندە قور­عاۋ­شىلاردىڭ كوزدەرىنەن تاسادا قالعان ءبىزدىڭ نۇربول تۇر ەدى. وكى­نىشكە وراي, ونىڭ باسپەن ۇرماق بولعان دوبى سول بويى سىلكىنىپ وتە شىقتى. ويىن­­نىڭ 89-شى مينوتىندە ءبىز الاڭ يەلەرى قاقپاسىنا سوڭ­عى مارتە سوققى جاساپ ۇلگەردىك. وسىمەن ويىن تەڭ اياقتا­لاتىنداي كورىنگەن. بىراق تورەشى قوسقان 4 ءمينوت ءبارىن ءبۇلدىرىپ كەتتى. شاماسى, ءبىزدىڭ ويىنشىلار دا وسى كەزدە ءبارى ارتتا قالعانداي بولىپ, ازداپ بوساڭسىپ كەت­كەن بولۋى كەرەك. سونى الاڭ يەلەرى ادەمى پايدالانىپ كەتتى. بۇل جولى دا ءبىزدىڭ جىگىت­تەر شابۋىل ۇيىمداس­تىرىپ كورمەك سياقتى بول­عان. ولار ءوز الاڭدارى ىشىندە دوپ ال­عان بويدا ونى بەتال­دى تەبە بەر­مەي, ءوز ويىن­شىمىزعا جەت­كىزۋگە تىرىسىپ باقتى. ءبىزدى قۇرت­قان دا وسى بولدى. ايىپ الاڭىن­داعى قاربالاس كەزىن­دە دوپ الەكسەي پوپوۆتىڭ اياعى­نىڭ استىنا توپ ەتە ءتۇستى. ول مۇنى بىردەن الىسقا تەبۋ ورنىنا يكەمگە كەلتىرىپ الىپ, ءوز ارىپتەسىنە اسىرماققا ۇمتىلدى. ونىڭ سولاي تاستاعان دوبىن رولاند لينتس جولدان ءىلىپ اكەتتى... سوسىن ءبىزدىڭ ساسىپ قالعان جىگىتتەر گول ارتىنان گول جىبەردى. ەسەپ – 0:2! ەندى ءبىزدىڭ توپتاعى قۇراما­لاردىڭ ەكى تۋردا ويناعان ويىن­دارى ناتيجەلەرىن بەرەيىك. 3 قىر­كۇيەك. بەلگيا – گەرمانيا – 0:1. گەر­ما­نيا – ءازىربايجان – 6:1. ءتۇر­كيا – بەلگيا – 3:2. وسىمەن ەكى ويىننان 6 ۇپاي جيناعان گەر­مانيا جانە تۇركيا كوماندا­لارى تۋرنير كەس­تەسىندە 1-2 ورىنداردى ءبولىسىپ كەلەدى. ءۇشىنشى ورىندا اۆستريا تۇر. بۇل ەكى تۋردا سەنساتسيا اتانعان ويىندار دا ورىن الدى. ءبىز بۇلاردىڭ قاتارىنا 3 قىركۇيەك كۇنى ليسسابوندا پورتۋگاليا مەن كيپر اراسىندا وتكەن ويىننىڭ 4:4 ەسەبىمەن تەڭ وينالعانىن, فرانتسيانىڭ ءوز الاڭىندا بەلا­رۋستەن 0:1 ەسەبىمەن ۇتىلىپ قال­عانىن, 7 قىركۇيەكتە رەسەيدىڭ ءوز الاڭىندا سلوۆاكتاردان, چەحتاردىڭ ليتۆالىقتاردان وسىنداي ەسەپپەن جەڭىلگەنىن ايتار ەدىك. بارلىق توپتارداعى كەزەكتى تۋردىڭ ويىندارى قازاننىڭ 8-ءى كۇنى وينالادى. سەرىك ءپىرنازار.