ء“Caspىonet” – جاڭا فورمات, جاڭا ساپا مەجەسى

“كىم دە كىم اقپاراتتى يگەرسە, كۇللى الەم سو­نىڭ قولىندا بولادى” دەگەن ءتامسىل سوڭعى ۋا­قىت­تار­دا, اسىرەسە, ءححى عاسىرعا اياق باسقالى وتە ءجيى اي­­تى­­ل­ىپ ءجۇر. شىنىمەن دە سولاي ەكەنى انىق. ءبۇ­گىندە اقپارات رىنوكتاعى ەڭ ءبىر ءوتىمدى تاۋار­لاردىڭ قاتارىنا جاتقىزىلا باستادى. ءار مەملە­كەتتە اق­پارات ساتۋمەن كۇن كورەتىندەردىڭ سانى دا ارتىپ كەلەدى. اقپارات – جۋرناليستەردىڭ كەز كەلگەن شىعارماشىلىق ءونىم وندىرۋىندەگى نەگىزگى شيكىزات كوزى بولىپ تابىلعانى قاشان. الايدا بۇگىندە اقپارات ول تەك باق-تىڭ عانا ەمەس, جەر بەتىندەگى بارلىق سالا قىزمەتكەرىنىڭ, ودان قالا بەردى بارلىق ادامزاتتىڭ نەگىزگى ازىعىنا اينالدى. اقپاراتسىز ءومىر ءسۇرۋدىڭ ءمانى دە, ءسانى دە بولمايتىنىن ءوز-وزىمىزگە دالەلدەپ تە ۇلگەرگەن ءتارىزدىمىز. ۇزىن ءسوزدىڭ قىسقاسى, بۇدان بىلاي اقپاراتسىز الەم العا جۇرمەيدى, دامىمايدى. اقپارات وتە قۋاتتى قارۋ ەكەنىن جاقسى بىلە­مىز. اقپاراتتىق شابۋىلدار ارقىلى كۇيرەپ, كۇل تالقانى شىعىپ جاتقان كاسىپورىندى دا, فيرما­نى دا, ءتىپتى ەلدى دە كورىپ ءجۇرمىز. سوندىقتان دا اق­پاراتتىق قاۋىپسىزدىك جونىندەگى قورعانىستار بۇگىندە مەيلىنشە كۇشەيتىلىپ كەلەدى. اقپارات ار­قى­لى سانانى ۋلاۋ, ۇستانىمدى بۇرمالاۋ, ۇلت پەن مەملەكەت بولاشاعىنا قاۋىپ ءتوندىرۋ ساياسات­تارى اشىق تا, استىرتىن دا جۇرگىزىلەتىنى بەسەنە­دەن بەلگىلى. سول سەبەپتى دە تەرىس پيعىلدى ارەكەت­تەردىڭ ەل مۇددەسىنە نۇقسان كەلتىرمەۋ كەرەكتىگىن جاقسى ءتۇسىنۋىمىز كەرەك. سونىمەن قاتار, وتاندىق اقپارات كەڭىستىگىنىڭ قورعانىسىن اناعۇرلىم كۇشەيتە تۇسكەنىمىز ابزال. بۇل باعىتتاعى جۇمىس­تىڭ ەڭ ءبىر سالماقتى تۇسى ەلىمىزدەگى تەلەارنا­لاردىڭ مويىن­دارىنا جۇكتەلەتىندىگى ايتپاسا دا تۇسىنىكتى. وتاندىق اقپارات كەڭىستىگىندەگى تەلەارنالار ىشىندە وزىندىك ورنى بار, شىعارماشىلىق ۇجى­مى­مەن دە ەرەكشە كوزگە تۇسە بىلگەن تەلەارنانىڭ ءبىرى – ء“Caspىonet” قازاقستان رەسپۋبليكاسىنىڭ العاشقى ۇلتتىق عارىشتىق ارناسى. وسىدان 8 جىل بۇرىن, ناقتىراق ايتساق, 2002 جىلى 25 قازان كۇنى رەسمي تۇردە ءوز جۇمىسىن باستاعان بۇل ارنا جاقىندا جاڭا فورماتقا كوشىپ, شىعار­ما­شى­لىق قورجىنىن بىرنەشە جاڭا باعدارلامالار­مەن, سونىڭ ىشىندە ۇلتتىلىعىمىزدى كوپ ءدارىپ­تەيتىن, ەلدىگىمىزدى ەسەلەي ەسكەرەتىن باعدارمالار­مەن تولىقتىردى. مۇنداي جاڭا قادامدارعا اقپارات سالاسىنداعى ارىپتەستەرى رەتىندە دە, بۇقارالىق كورەرمەن رەتىندە دە اجەپتاۋىر مارقايىپ قالدىق. سارسەنبىنىڭ ساتىندە اتالمىش ارنا ۇجىمى ۇزەڭگىلەس ارىپتەستەرىن شاقىرىپ, جاڭا باعدارلا­ما­لارىمەن تانىستىردى. ارنانىڭ جاڭا ماۋ­سىمىنا قۇتتى بولسىن ايتۋعا باق وكىلدەرىنەن باسقا اقپارات جانە بايلانىس ءمينيسترى اسقار جۇماعاليەۆ تە, ەلىمىزدىڭ ديپلوماتيا كورپۋسى­نىڭ وكىلدەرى دە كەلدى. اقپارات جانە بايلانىس مينيسترلىگىنىڭ تاپ­سىر­ماسىمەن جاڭا باعىتتاردى باعامداعان ء“Caspىonet” بۇگىندە ەۋروپا, ورتالىق ازيا, كاۆ­كاز, تاياۋ شىعىس, افريكانىڭ ورتالىق شىعىس ءجا­نە سولتۇستىك بولىگىندەگى ەلدەرگە حابار تاراتادى. 99 ميلليونداي كورەرمەنى بار بۇل ارنا تاۋلىك بويى قازاق, ورىس جانە اعىلشىن تىلدەرىندە حا­باردى ەفيرگە شىعارادى. ءبىر ەسكەرە كەتەتىن ءنار­سە, ء“Caspىonet” ارناسى حابار تاراتۋدىڭ 50 پا­يى­زىن جاڭالىقتارعا بولگەن. وعان بيزنەس-جاڭا­لىق­تار, اۋا رايى جانە سپورت توپتاماسى جاتقى­زىلادى. وسىعان دەيىن ءمالىم بولعانداي, اتالمىش ارنا شەتەلدىكتەرگە, وزگە مەملەكەتتەردە تۇرىپ جاتقان قانداستارىمىزعا ەلىمىزدە بولىپ جاتقان ەڭ سوڭعى جاڭالىقتار مەن ۇلتتىق قۇندىلىقتاردى دارىپتەيتىن تولىققاندى اقپارات بەرۋ سىندى ماقساتتارىن ءوز دەڭگەيىندە ورىنداپ كەلەدى. سونىمەن, ء“Caspىonet”-كە قانداي جاڭا باع­دار­لا­مالار ەنگىزىلىپ وتىر؟ “ATAMEKEN” دەپ اتالا­تىن باعدارلاما ۇلتتىق ادەت-عۇرىپتان, حالقىمىز­دىڭ كونە مادەنيەتىنەن, سونداي-اق شەتەلدەگى قازاق قانداستارىمىزدىڭ تۇرمىس-تىرشىلىكتەرىنەن حاباردار ەتەدى. “STEPPR TALES” – شەتەلدىكتىڭ قازاق­ستانعا كوزقاراسى تۇرعىسىندا دايىندالاتىن باعدارلاما. ياعني, ەلىمىزدىڭ بارلىق وڭىرلەرىنە ساياحات جاساۋ ارقىلى حالقىمىزدىڭ سالت-ءداستۇرى­نەن, رۋحاني ومىرىنەن, تاريحىنان سىر شەرتەتىن باعدارلاما. بۇل 5 جىلدان بەرى Caspىonetتە جۇمىس ىستەپ كەلگەن دجوناتان نيۋەللدىڭ اۆتورلىق باع­دارلاماسى بولىپ تابىلادى. تۇساۋى كەسىلگەن كەلەسى جاڭا باعدارلاما “PERSONA GRATA” دەپ اتالادى. مۇندا شەتەلدىك ديپلوماتتارمەن ءجۇر­گىزىلگەن بەيرەسمي سۇحباتتار, ولاردىڭ وتباسى, ساياساتتان تىس ءومىرى جايلى باياندالادى. ال “THE REAL ECONOMY” باعدارلاماسى اسا ماڭىزدى ەكو­نو­مي­كا­لىق جاڭالىقتاردى تالداۋ, يندۋستريا­لىق-يننوۆاتسيالىق جوبالاردى ىسكە اسىرۋ بارىسى, ءىرى شەتەلدىك ينۆەستورلارمەن سۇحبات سىندى باعىتتا كورەرمەندەرمەن جۇزدەسىپ تۇرادى. ء“LىMىTLESS ءSCىENCE” قازاقستاندىق عالىمداردىڭ الدىڭعى قاتارلى جاڭالىقتارىن, ولاردى ناقتى جۇزەگە اسىرۋ جايىن باياندايدى. قازاقتىڭ ۇلتتىق قولونەرى, اتا-بابا ءداستۇرىن جالعاستىرىپ جۇرگەن شەبەرلەر مەن ۇلتتىق مۋزىكا اسپاپتارىن جاساۋ ونەرى, ولاردىڭ سيقىرلى سازىن دارىپتەيتىن باعدارلامالار “MASTERS OF ءCREATىVىTY”, “SOUNDS OG NOMAD” دەپ اتالادى. ء“Caspىonet” ۇلتتىق جەر سەرىگىندىك ارناسىنىڭ ديرەكتورى ايگۇل جۇماباەۆانىڭ: “اقپارات­تىقتان بىرتىندەپ اقپاراتتىق-تانىمدىق فورمات­قا كوشىپ وتىرمىز. ەفيردە قازاقستان حالقى, ادەت-عۇرپى, ءما­دەنيەتى جونىندە, جالپى ەلىمىزگە قاتىستى تا­نىم­دىق, قىزىقتى باعدارلامالار كو­بەيە ءتۇستى. بار­لىق باعدارلامالار قازاقستاندى ءار قىرىنان تانىتادى. ءبىر جاعىنان قازاقستانعا تۋريستەردىڭ كوپتەپ كەلۋىنە دە سەپتىگىن تيگىزەدى. جاڭالىقتاردا دا وزگەرىستەر بار, اقپاراتتار ءجيى جاڭارتىلىپ تۇ­را­تىن بولدى. مۇنىمەن قوسا, “حابار”, “ەل ار­نا”, “قازاقستان” تەلەارنالارى­نىڭ ۇزدىك حابار­لارىن ەفيردەن كورسەتىپ تۇرا­مىز”, – دەپ ايتقا­نىنا قاراعاندا, تىڭ يدەيالار جاڭا وزگەرىستەرمەن قاتار, جاڭا ساپانى دا الىپ كەلەتىنىنە ەش كۇمان جوقتاي. ارىپتەستەرىمىزدىڭ جاڭا باستامالارىنا شىعارماشىلىق تابىس تىلەي وتىرىپ, كورەرمەن­دەرى كوبەيە ءتۇسسىن دەگەن اق نيەتىمىزدى بىلدىرگىمىز كەلەدى. اراي ۇيرەنىشبەكقىزى.