قۇپياسىز وتباسى, سىنعا تۇسپەيتىن ماحاببات جوق

“حابار” تەلەارناسى جاڭا تەلەماۋسىمدا “جانىم” تەلەحيكاياسىن كورەرمەندەرگە تارتۋ ەتپەك تاياۋ كۇندەرى وتانداستارىمىز “حابار” تەلەارناسىندا “جانىم” اتتى جاڭا سەريالدى قىزىقتايتىن بولادى. وسىلايشا “حابار” اگەنتتىگى” اق ءوزىنىڭ 15 جىلدىق مەرەيتويلىق ماۋسىمىن توسىن حيكايامەن باستاعالى وتىر. كورەتىن كوز, بارا­تىن ادام بول­سا, بۇگىندە قازاق كي­نەماتوگرا­فيا­سىندا تىڭ تۋىن­دى­لار دۇنيەگە كە­لۋدە, كينوتەاترلار­دا جاڭا فيلم­دەردىڭ پرەمە­را­لا­رى ءجۇرىپ جاتىر. ال “حابار” تەلەارناسى ۇسىن­عالى وتىرعان “جانىم” كورەرمەن كۇتكەندەي دۇنيە بولار-بولماسى الداعى كۇندەردىڭ ەنشىسىندە. دە­گەنمەن, تەلەسەريالدىڭ اۆتورلارى ول كورەرمەن كوڭىلىنەن ءسوزسىز شى­عاتىنىنا سەندىرىپ وتىر. “حابار” اگەنتتىگىنىڭ كرەا­تيۆ­تى ديرەكتورى ەرجان سۇلەيمەنوۆ: – بۇل ماۋسىمدا ءبىز كينو­كور­سەتىلىمدەرگە كوپ كوڭىل بولەتىن بو­لامىز. ەفيردە ەكشن دە, الەمدىك كلاسسيكا دا بولادى. بىراق, جاڭا تەلەماۋسىمدا “جانىم” تەلەسە­ريا­لىنان باستاۋدى ءجون كوردىك. ءبىز كو­رەر­مەندەرىمىزگە تاعى دا وتباسىلىق تەلەحيكايانى ۇسىنامىز. بۇل ءجاي سانگە اينالعان ۇردىسكە ىلەسۋ نە­مەسە رەيتينگ قۋالاۋ ەمەس, وتبا­سىن­داعى تاتۋلىق, شا­ڭى­راقتاعى جىلۋلىق, ءبارىمىزدى بىرىك­تىرەتىن سىيلاستىق پەن سەزىم تۋرالى حيكايا, – دەيدى. تەلەحيكايادا تانىمال اكتەر­لار­مەن بىرگە, جاس تالانتتار, ءتىپتى كەزدەيسوق قابىلەتتى جانداردى تابۋعا بولادى. قىز جىبەك اتىمەن قازاق كينەماتوگرافياسىنىڭ شەجىرەسىنە ەسىمى ەنگەن مەرۋەرت وتەكەشوۆا باستى رولدەردىڭ ءبىرىن وينايدى. – كوڭىلدەن شىعار جۇمىس ءتى­لەپ جۇرگەن كەزىم ەدى. جۇمىس بول­عاندا دا, تەرەڭ, ويلى, ماعىنالى, پسيحولو­گيالىق ءرول بولسا دەپ ارمانداپ ءجۇر­گەم. ءدال وسى ۇسىنىس مەنىڭ كوڭى­لىم­نەن شىقتى دا, “جا­نىم” جوباسىنا قاتىسۋعا قۋانا كەلىسىم بەردىم, – دەيدى وتەكە­شوۆا. بۇل جولى ءبىز مەرۋەرت حا­نىم­دى مۇلدە جاڭا قى­رىنان كو­رەتىن بولامىز. باستى ءرول­دەردى وي­نايتىن­داردىڭ قاتارىندا ورازحان كەنەباەۆ, عاني قۇلجانوۆ سىندى تانىمال اكتەرلار, مارجان قازى­باەۆا, داستان شاكىروۆ, يانا بوب­رىكا, سۋلتاننا كارىموۆا سە­كىل­دى دارىندى جاستار بار. سە­ريالدىڭ ونە بويىندا “جانىم” ءانىن مەدەۋ ارىنباەۆ ورىندايدى. “جانىم” تەلەسەريالىنىڭ العاشقى ماۋسىمى 70 سەريادان تۇ­رادى. سەريالدى ءتۇسىرۋ بارىسىندا جاڭا تەحنولوگيالىق تسيكل قولدا­نىلادى, ياعني كۇنىنە ءبىر سەريادان ءتۇسىرىلىپ وتىرادى. اكتەرلارعا ءتۇ­سىرۋ الاڭىندا تۇنەمەسە دە, ءتاۋلى­گ­ى­نە 12 ساعات جۇمىس ىستەۋگە تۋرا كە­لۋدە. 40 ادامنان قۇرالعان ءتۇسىرۋ توبى بۇكىل جاز بويى كۇندىز كۇلكى, تۇندە ۇيقى كورمەي ەڭبەكتەنىپ جاتقانىنا سەنە بەرىڭىز. “مەن ءوز­ىم­نىڭ كينەماتوگرافيست-ءارىپ­تەس­تە­رىممەن سويلەسكەنىمدە ولاردىڭ ەش­قايسىسى ءالى كۇنگە دەيىن وس­ىن­داي ىرعاقتا جۇمىس ىستەپ كورمەپتى. بىزدەر سەريالدىڭ العاشقى بلو­گىن, 12 سەريالدى 12 كۇندە ءتۇسىرىپ بىتتىك”, دەيدى ءفيلمنىڭ قويۋشى-رەجيسسەرى باقتيار سەيىتقازيەۆ. قالاي دەسەك تە, “سۇيەگى” مىق­تى ستسەناري تۋىپ جاتسا, بىزدە ونى كەلىستىرىپ بەينەلەيتىن تالانت­تار تابىلادى. بۇل سەريالدىڭ تاعى ءبىر ەرەكشەلىگى – باس اياعى ءبۇتىن, دايىن ادەبي شىعارماعا قۇرىلعان. ستسەناري تەلەسەريالدىڭ پروديۋ­سە­رى ءاليا ۋۆالجانوۆانىڭ “تۋ­ىس­قاندارىم مەنىڭ” دەيتىن دايىن كوركەم دۇنيەسىنىڭ نەگىزىندە تۋعان. سونىمەن جاڭا تەلەسەريالدىڭ تۇساۋكەسەرىنە بايلانىستى وتكەن ءباسپاسوز ءماسليحاتىندا “جانىم” سە­ريالىنىڭ ماقتاۋى مەن جار­نا­ماسىنان كەمشىن كورە قويمادىق. قاي كەزدەگىدەي, قازاق ءتىلدى جۋر­نا­ليستەردىڭ “سەريال نەگە مەملە­كەت­تىك تىلدە جاسالىنبادى؟” دەگەن سا­ۋالىنا, ءتۇسىرۋ توبى تومەندەگىدەي ءۋاج ايتتى. قىس­قاسى, اتالمىش تەلەحيكايا الداعى ۋا­قىتتا كورشى ەلدەردە, تمد اۋماعىندا تەلە­پرو­­كاتتا جۇرەتىن بولادى. ايناش ەسالي. الماتى. ------------------------------- سۋرەتتى تۇسىرگەن يۋري بەككەر.