ۇيالى بايلانىس ءتاريفى تومەندەيدى

سارسەنبى كۇنى بايلانىس جانە اقپارات مينيسترلىگىندە مينيستر اسقار جۇماعاليەۆتىڭ توراعالىق ەتۋىمەن بايلانىس وپەراتورلارى كەڭەسىنىڭ كەزەكتى جيىنى ءوتتى. وتىرىستا ۇيالى بايلانىس وپەراتورلارى قىزمەتتەرىنىڭ تاريفتەرىن تومەندەتۋ تۋرالى ءمالىم ەتىلىپ, بايلانىس جانە اقپارات مينيسترلىگىنىڭ تاريفتەردى تومەندەتۋ تۋرالى ۇسىنىسى بارلىق ۇيالى بايلانىس رىنوگىنا قاتىسۋشىلاردىڭ قولداۋىن تاپتى. وتىرىس بارىسىندا بەلگىلى بول­عانداي “GSM قازاقستان “قازاق­تە­لەكوم” ااق كومپانياسى ەڭ قىمبات ءمينوتتىڭ قۇنىن قىركۇيەكتىڭ 29-ىنان باستاپ 19 تەڭگەگە دەيىن ءتۇسىرۋدى جوس­پارلاۋدا. ءمينوتتىڭ ورتاشا قۇنى 9 تەڭگەنى قۇرايدى. “كارتەل” جشس بەرىلگەن ۇسىنىستى قولداپ, تاريف­تە­رىنىڭ تيىسىنشە تومەندەيتىنىن ءما­لىم­دەدى. “موبايل تەلەكوم سەرۆيس” جشس-نىڭ ىشكى جەلىدەگى تاريفتەرى دە مينوتىنە 19 تەڭگەدەن اسپايتىن بولادى. بايلانىس جانە اقپارات مينيس­ترى اسقار جۇماعاليەۆ وپەراتور­لار­دىڭ قىزمەتتەرگە دەگەن تاريفتەردى تومەن­دەتۋى تۇتىنۋشىلار تاراپىنان ءسوزسىز باعالانادى دەپ اتاپ ءوتتى. سو­نىمەن بىرگە, ول مينيسترلىكتىڭ بۇدان ءارى دە وسى باعىتتا ءتيىستى جۇمىستار اتقا­را­تىندىعىن دا نازاردان تىس قالدىر­مادى. وپەراتورلار دا ۇنەمى وسى ءما­سەلەگە ءمان بەرىپ وتىرۋى ءتيىس جانە ۋا­قىت اعىمى مەن تۇتىنۋ­شى­لاردىڭ قا­جەتتىلىگىن ەسكەرە وتىرىپ, ءوزىنىڭ تا­ريفتىك ساياساتىن رەتتەۋى ءتيىس, – دەدى ول. ينتەركوننەكت تاريفتەرىن تومەن­دەتۋ ماسەلەسى دە زەيىنسىز قالمادى. “GSM قازاقستان “قازاقتەلەكوم” ااق كومپانياسىنىڭ باس اتقارۋشى ديرەكتورى ۆەيسەل ارال, كومپانيا جالپى جەلىارالىق بىرىگۋلەرگە دەگەن ستاۆكانى 20% تومەندەتۋگە دايىن دەدى. “كارتەل” جشس-نىڭ باس دي­رەك­تورى اناتولي پوپوۆ بولسا, ۇسى­نىستى قولداي وتىرا, كەنەتتەن بىردەن تومەندەتۋدەن كوم­پا­نيا ەكو­نوميكاسىنا نۇقسان كەلە­تىنىن ايتتى. ال, “موبايل تەلەكوم سەرۆيس” جشس-نىڭ باس ديرەكتورى اندرەي سمەلكوۆ ينتەركوننەكت ستاۆكا­لا­رىنىڭ الدەقايدا تومەن­دەيتىنى تۋرالى ويىن ءبىلدىردى. ءبىز مينيستر­لىكتىڭ ۇسىنىسىن قولدايمىز جانە ينتەركوننەكت تاريفتەرىن داۋ­ىستىق ترافيكتى وتكىزۋى ءۇشىن مي­نو­تىنە 19,98 تەڭگەدەن 5,04 تەڭگەگە دەيىن تومەن­دەتۋدى ۇسىنامىز, – دەدى ول. ينتەركوننەكتكە دەگەن سالىم مەملەكەتپەن رەتتەلمەيتىندىكتەن, مينيستر كەزدەسۋگە قاتىسۋشىلاردان جەلىارالىق بايلانىسۋلار ءتاريفىن 20 پايىزعا تومەندەتۋدى قاراستىرۋدى جانە ءبىر كەلىسىمگە كەلۋدى, سونداي-اق, ودان ءارى تومەندەتۋ جاقتارىن قاراس­تىرۋدى ۇسىندى. بايلانىس جانە اقپارات مينيس­ترلىگى وسى جىلدىڭ ناۋرىز-ءساۋىر اي­لارىندا ۇيالى بايلانىستىڭ قۇنىنا بايلانىستى جاعدايدى تالداپ ءوتتى. وتكىزىلگەن تالداۋ, باسقا ەلدەرمەن سالىستىرعاندا, تاريفتەردىڭ جوعارعى دەڭگەيىن كورسەتكەن. ءابدىراحمان قىدىربەك.