ءبىزدى تابىسقا ۇيىمشىلدىق جەتكىزدى

وقيعاعا ورايلاس وي

قازاقستان رەسپۋبليكاسىنىڭ كونس­تيتۋتسياسى كۇنىنە وراي ەلى­مىز­دە كوپتەگەن شارالار ۇيىمداس­تى­رىلدى. سونىڭ ىشىندەگى باستى وقيعا ەلباسى – قارۋلى كۇشتەردىڭ جو­عارعى باس قولباسشىسى نۇرسۇلتان نازارباەۆتىڭ قاتىسۋىمەن “قازاق ەلى” مونۋمەنتى جانىنداعى باس الاڭدا وتكەن اتا زاڭىمىزدىڭ 15 جىلدىعىنا ارنالعان اسكەري شەرۋ. شەرۋ تۇڭعىش رەت 2009 جىلى اس­تانا قالاسىندا “قازاق ەلى” الاڭ­ىندا وتكەنىن كوزى قاراقتى وقىر­مان جاقسى بىلەدى. وعان 120-دان استام قارۋ-جاراق پەن اسكەري تەحنيكا, 40-تان استام ۇشاق پەن تىكۇشاق تارتىلدى. ال ەندى بيىلعى جىلعى شەرۋدىڭ وزگەشەلىگىنە توقتالىپ وتەيىك. تا­مىز ايىندا تالايدى تامساندىرعان اسكەري شەرۋگە بارلىق اسكەر تەك­تە­رى مەن تۇرلەرىنەن جاۋىنگەرلىك ەسەپ­توپتار, 150-دەن استام قارۋ-جا­راق پەن اسكەري تەحنيكا جانە 66 اۆياتسيالىق تەحنيكا قاتىستى. شەرۋشىلەردىڭ جالپى سانى 2200 ادامدى قۇرادى. ولاردىڭ قاتارىن­دا وفيتسەرلەر, كەلىسىم-شارت بويىن­شا اسكەري قىزمەتشىلەر, اسكەري وقۋ ورىندارىنىڭ كۋرسانتتارى مەن مەرزىمدى قىزمەتتەگى ساربازدار بولدى. بيىل وتان قورعاۋ جولىنداعى جاۋ­ىنگەرلىك تاپسىرمالاردى ەرلەر­مەن بىرگە ورىنداپ جۇرگەن اسكەري ايەلدەردەن قۇرالعان ەسەپتوپ تۇڭ­عىش رەت جارق ەتتى. جاۋىنگەر بوي­جەتكەندەر وڭتۇستىك جانە شىعىس وڭىرىندە قىزمەت ەتەتىن قىزداردان قۇرالدى. ەڭ تاماشا كورىنىس بولىپ اۆيا­تسيالىق تەحنيكانى اسپان كوگىندە قا­لىقتاتقان ۇشقىشتاردىڭ شەبەر­لىگى كوپشىلىكتىڭ كوكەيىندە قالدى. بۇل رەتتە ارميالىق جانە مايدان­دىق اۆياتسيانىڭ سۋ-25, سۋ-27, ميگ-29, ميگ-31 ۇشاقتارى, مي-17 جانە مي-26 تىكۇشاقتارى, سونداي-اق توتەنشە جاعدايلار جونىندەگى مينيسترلىكتىڭ ۇسىنعان L-39, ان-26, تۋ-134 جانە يل- 76 اسكەري-وقۋ جانە اسكەري-ترانسپورت ۇشاقتارىن ۇرشىقشا يىرگەن ۇشقىشتارعا مىڭ العىس. مەحانيكالاندىرىلعان كولون­نا­دا قازاقستان قارۋلى كۇشتەرىنىڭ نەگىزگى تانكى – ت-72ب, جاياۋ ءاس­كەرلەردىڭ جاۋىنگەرلىك ماشينەسى – بمپ-2, زەنيتتى-راكەتالىق كەشەن­دەر “سترەلا-10”, س-125, س-200, س-300, برونەترانسپورتەرلەر – بتر-80ا, 122 مم-لىك د-30 جانە 152 مم-لىك “مستا-ب” گاۋبيتسالارى, 240 مم-لىك “تيۋلپان” مينومەتى, “گراد”, “ۋرا­گان”, “سمەرچ” سياقتى رەاك­تيۆ­­تى قوندىرعىلار جۇيەسى مەن “توچ­­كا-ۋ” راكەتالىق كەشەنى ار­ميامىزدىڭ ايبارى مەن قاۋقارىن اسقاقتاتتى. “تويدىڭ بولعانىنان بولادىسى قىزىق” دەمەكشى, اسكەري شەرۋگە ءاز­ىر­لىكتىڭ قىزىعى دا, شىجىعى دا جە­تەرلىك. جەكە قۇراممەن ساپتا ءجۇ­رۋ ساباقتارىن وتكىزۋ ونى جاتتى­عۋ­لاردا جۇزەگە اسىرۋ, ءوزارا ءىس-قي­مىل­دى ۇيىمداستىرۋ جانە اسكەر­لەردى تەحنيكالىق قامتاماسىز ەتۋ كەشەگى مي قايناتقان ىستىقتا تا­لايدىڭ تەرىن توككەنى راس. بۇل جۇمىستاردى ۇيىمداستىرۋ قۇرلىق اسكەرلەرى باس قولباس­شى­سى­نىڭ قارۋ-جاراق جونىندەگى ورىن­­با­سارى گەنەرال-مايور ا.وسپانوۆ پەن اۋە قورعانىسى كۇشتەرى باس قول­باسشىسى باسقارماسىنىڭ اسكە­ري اۋە كۇشتەرى باس ينجەنەرى پول­كوۆنيك ە.پودگايسكيگە, راكەتا ءاس­كەرلەرى مەن ارتيللەرياسى قول­باس­شىسىنىڭ ورىنباسارى پولكوۆنيك ا.تيحونەنكو مەن قر قك قارۋ-جاراق باس باسقارماسىنىڭ باستىعى پولكوۆنيك ب.سىدىقوۆقا جۇكتەلىپ, جۇزەگە اسىرىلعانى بەلگىلى. اسكەري شەرۋدە تۇڭعىش رەت شىن­جىر تاباندى اسكەري تەحني­كالار ت-72 تانكىسى, بمپ-2 جاياۋ اسكەرلەردىڭ جاۋىنگەرلىك ماشينەسى, “سترەلا-10” زەنيتتى-راكەتالىق كە­شەنى وزدىگىمەن اسفالتپەن ءجۇرىپ ءوت­تى. كوپشىلىكتىڭ تاڭعالعانى اس­فالت جولدىڭ زاقىمدانباۋى ەدى. سەبەبى, شىنجىر تاباندى تەحني­كا­لار ارنايى كەبىسپەن جابدىقتالدى. بۇل قورعانىس مينيسترلىگىنىڭ باسقارۋىنداعى “نك “قازاقستان ينجينيرينگ” اكتسيونەرلىك قوعامى­نىڭ ەنشىلەس كاسىپورنى “811 ارز” اكتسيونەرلىك قوعامىنىڭ كۇشىمەن ىسكە استى. “811 ارز” اكتسيونەرلىك قوعامى قىسقا مەرزىم ىشىندە قورعانىس مي­نيسترلىگى ءۇشىن اسفالتتا جۇرۋگە ارنالعان كەبىستى ازىرلەپ ونى سى­ناق­تان وتكىزدى. اتالمىش ءونىم ءوزى­نىڭ ساپاسى جاعىنان شەتەلدىك ءدۇ­نيە­لەردەن بىردە-ءبىر كەم ەمەس ەكەن­دىگىن دالەلدەدى. تەحنيكالىق قامتاماسىز ەتۋ جۇ­مىستارىن جۇيەلى جۇرگىزۋ ماق­سا­تىندا قۇرامىندا 35 ادام مەن 12 جىلجىمالى جوندەۋ جابدىعى بار جوندەۋ بريگاداسى قۇرىلدى. قارۋ-جاراق پەن اسكەري تەحنيكانى دەر كە­زىندە تيەۋگە جانە كوشىرۋگە, سون­داي-اق جەكە قۇرامدى تاسۋ ءۇشىن اۋ­ىر سالماقتى جۇكتەردى تيەيتىن ترال­دار, جالپى سانى 90-نان استام اۆتوكولىك ءبولىندى سونىمەن قاتار شەرۋدى وتكىزۋدە راكەتالىق ارتيللەريالىق قارۋعا – “پزتم” اكتسيونەرلىك قوعامى مەن بروندى تانكىلەرگە – “سەمەي ين­جينيرينگ” اكتسيونەرلىك قوعامى سي­ياقتى وتاندىق ءوندىرىس كەشەنى كا­سىپ­ورىندارىنىڭ ەرەكشە تەحني­كالىق قىزمەت كورسەتكەنىن اتاپ وتكەن ورىندى. قارۋلى كۇشتەر مەن قورعانىس وندىرىستىك كاسىپورىندارى اراسىن­داعى ءوزارا بايلانىستى ۇيىمداس­تىرۋعا قورعانىس مينيسترلىگى ءاس­كەري-تەحنيكالىق ساياسات دەپار­تا­مەن­تىنىڭ باستىعى پولكوۆنيك م.قا­­رابەكوۆ پارمەندى باسشىلىق جاسادى. كەشەگى وتكەن شەرۋدە قارۋلى كۇش­­تەرىمىزدىڭ مۇمكىندىكتەرى مەن الە­ۋەتى عانا ەمەس, سونىمەن بىرگە بۇكىل قازاقستان حالقىنىڭ تاۋەل­سىز­دىك جىلدارىنداعى جەتكەن جە­تىس­تىكتەرى كورسەتىلدى دەسەك ورىندى بولماق. ءجۇنىس ومار, پولكوۆنيك, قر قم ءباسپاسوز قىزمەتى ءبولىمىنىڭ باستىعى.