جاڭا كوپىر پايدالانۋعا بەرىلدى

شىڭعىرلاۋ اۋدانىنداعى اششى وزەنىندە جاڭا كوپىر پايدالانۋعا بەرىلدى. اۋدان ورتالىعىنان شالعاي ورنالاسقان بەلوگور, پولتاۆا اۋىلدىق  وكرۋگتەرى­نىڭ تۇرعىندارى كوكتەم ايلارىندا اششى وزەنىنىڭ تاسۋى كەزىندە جول قا­تىناسى تۇرعىسىندا  كوپتەگەن قيىن­دىقتارعا كەزدەسەتىن. سوندىقتان دا  بۇل ماسەلە بىرنەشە جىلداردان بەرى كۇن تارتىبىنەن تۇسپەي كەلە جاتقان ەدى. وتكەن جىلى وسى جەردە كوپىر قۇرى­لىسى قولعا الىنىپ, بۇل ماقساتقا وب­لىس بيۋدجەتىنەن 195 ملن. تەڭگە قارجى بولىنگەن بولاتىن. كونستيتۋتسيانىڭ 15 جىلدىعىمەن تۇسپا-تۇس كەلگەن كوپىردىڭ اشىلۋ سال­تا­ناتىندا وبلىس اكىمىنىڭ ورىن­با­سا­رى ەربول سالىقوۆ, اۋدان اكىمى اي­بو­لات سەيتاقوۆ, وبلىستىق جولاۋ­شى­لار كولىگى جانە اۆتوموبيل جولدارى باسقارماسى باستىعىنىڭ مىندەتىن اتقارۋشى تالعات قاراساەۆ جانە قۇ­رى­لىستى جۇرگىزۋشى “وريونستروي سەر­ۆيس” مەكەمەسى ديرەك­تورىنىڭ ورىنباسارى ءسالىمجان كۋباەۆ جەر­گى­لىكتى تۇرعىندارعا جاقسىلىق تىلەپ, جاڭا نىساننىڭ پايدالانۋعا بەرى­لۋى­مەن  قۇتتىقتادى. اتالمىش نىسان – وب­لىس بويىنشا سالىنىپ وتىرعان 62-ءشى كوپىر. ونىڭ ۇزىندىعى – 63 مەتر. پولتاۆا اۋىلىنىڭ اقساقالى ەس­ماعزوم شامعۇلوۆ ەلباسى تاپسىرما­سى­نا سايكەس وڭىردە اتقارىلىپ جاتقان جۇمىستارعا ريزاشىلىعىن ءبىلدىردى. تەمىر قۇسايىن. ورال.