بىرىڭعاي ينتەرنەت كەڭىستىگى بولادى

قازاقستان رەسپۋبليكاسىنىڭ بايلانىس جانە اقپارات ءمينيسترى اسقار جۇماعاليەۆ قازنەتتى دامىتۋ جونىندە  كەڭەس وتكىزدى. وعان بايلانىس جانە اقپارات مينيسترلىگىنىڭ, “قازكونتەنت” اق-تىڭ وكىلدەرى جانە “قازاقستان ينتەرنەت اسسوتسياتسياسى” زتب ءمۇ­شەلەرى قاتىستى. كەزدەسۋ بارى­سىن­دا قازاقستاندا حوستينگتى, پيرينگتىك قاتىناستاردى, ەلەك­ترون­دىق كوممەرتسيانى دامىتۋ جاع­دايىن جاقسارتۋعا قاتىستى ماسەلەلەر تالقىلاندى. ەسكە سالاتىن بولساق, حوستينگتى دامىتۋ ماسەلەسى ماۋسىمداعى كەز­دەسۋدە كوتەرىلگەن بولاتىن. وندا “قازكونتەنت” اق “قازتەلەكوم” اق جەلىلەرىنە جەڭىلدەتىلگەن قولجە­تىم­دى حوستينگ-الاڭدارىن قامتاماسىز ەتۋ, سونداي-اق “مەگالاينەرلەر” ءۇشىن ولاردىڭ رەسۋرستارىن “ىشكى” ەتىپ جاساۋدى ۇسىنعان بولاتىن. كەزدەسۋ بارىسىندا “قازتەلە­كوم” اق كوممەرتسيالىق ديرەكتورى اسقار ەسەركەگەنوۆ, “ينتەرنەت-ترافيكپەن الماسۋ ورتالىعى” قاۋىمداستىعىنا كىرەتىن كوم­پا­نيالاردىڭ الاڭدارىندا ورنالاس­قان ابونەنتتەرگە الەۋمەتتىك پاي­دا­سى بار سايتتارعا تەگىن كىرۋگە ءمۇم­كىندىك بەرۋ دايىندىعىن حابارلادى. بالامالى حوستينگ الاڭدارى وكىلدەرىنىڭ پىكىرى بويىنشا, “قا­زاقتەلەكوم” ۇسىنىسى – قازنەتتى دامىتۋ ىسىندەگى العا تاعى ءبىر قادام.  مينيستر مۇددەلى تاراپتارعا ونىڭ ىسكە اسىرىلۋىن سوزباۋدى جانە ۇسى­نىستى “سىناقتان ىستە وتكىزۋ” ءۇشىن قاناتقاقتى سايتتاردى جەدەل انىقتاۋدى تاپسىردى. “قازكونتەنت” اق توراعاسى ازامات وماروۆ “قازاقستاندىق ءبىر­ىڭعاي ينتەرنەت-كەڭىستىك قۇرۋ” تۋرالى جانە وعان باسقا رىنوك ويىنشىلارىن قوسۋ پەرسپەك­تيۆا­لارى تۋرالى كەلىسىمگە الما تۆ, ستس جانە بازيس-تەلەكوم كومپا­نيا­لا­رى اعىمداعى جىلدىڭ 16 تا­مىزىندا قول قويعانى تۋرالى حابارلادى. ءماجىلىستىڭ اياسىندا اسقار جۇ­ماعاليەۆ “ە-كوممەرتسيانى دامىتۋ, قازاقستاندىق ەكونوميكانى رە­فورمالاۋدىڭ, الەمدىك ەكونوميكاعا ىقپالداستىرۋدىڭ جانە باسەكەگە قابىلەتتىلىگىن ارتتىرۋدىڭ قۋاتتى جانە ءتيىمدى قۇرالدارىنىڭ ءبىرى بو­لۋى مۇمكىن”, دەدى. “AWARD.kz ۇلتتىق ينتەرنەت-سىيلىق” قوعامدىق قورىنىڭ دي­رەك­تورى كونستانتين گورجانكيننىڭ سوزىنشە, “ينتەرنەت-پايدالانۋشى­لار ءۇشىن ەلەكتروندىق كوممەر­تسيا­نى دامىتۋ – بۇل بارىنەن بۇرىن جاھاندىق تاڭداۋ, ۇسىنىستاردى جىل­دام سالىستىرۋدىڭ ءمۇم­كىن­شى­لىگى, وپەراتسيالاردى جۇزەگە اسى­رۋ­دىڭ جانە باعالاردى تومەندەتۋدىڭ قولايلىلىعى”. بايلانىس جانە اقپارات مي­نيستر­لىگىنىڭ باس­شى­سى حابار­لا­عان­داي, بۇگىنگى كۇنى مينيسترلىك وسى ءما­سەلەگە كوپ كوڭىل بولۋدە. قۇرىل­عان “ەلەكتروندىق ۇكىمەتتىڭ تولەم ءشليۋزىنىڭ” ارقا­سىندا بۇگىندە پور­تال ارقىلى ازا­ماتتار كەيبىر قىز­مەت­تەرگە تاپسى­رىس بەرىپ, سالىق­تاردى تولەي الا­دى. سونىمەن قاتار مينيستر ون­لاين­دا تولەۋگە بولاتىن سەرۆيستەر مەن قىزمەتتەردىڭ سانى ۇنەمى ارتاتىنىن اتاپ ءوتتى. ينتەرنەت-دۇكەندەرگە قازاقستان­دىقتاردىڭ سەنىمىن ارتتىرۋ ءۇشىن كەزدەسۋدىڭ بارىسىندا “سەنىمدى دۇكەن” قاۋىمداستىعىن قۇرۋ تۋرالى ۇسىنىس ايتىلدى. قاۋىمداستىقتىڭ نەگىزگى ءرولى – ەلەكتروندىق كوم­مەرتسيا سالاسىنا بەدەلدى ساراپشى­لاردى تارتۋ ارقىلى بارلىق قازاقستاندىق ينتەرنەت-دۇكەندەردى باعالاۋ. اسقار جۇماعاليەۆ مينيسترلىك وتاندىق ينتەرنەت-دۇكەندەرگە قا­زاقستاندىقتاردىڭ سەنىمىن ارتتى­رۋعا باعىتتالعان باستامالاردى قولداۋعا دايىن ەكەندىگىن ايتىپ, ءوز ءسوزىن قورىتىندىلادى.