بايكال ەكونوميكالىق فورۋمىنا قاتىستى

كەشە قازاقستان رەسپۋبليكا­سى­نىڭ پرەمەر-ءمينيسترى كارىم ءماسىموۆ يركۋتسك قالاسىندا اشىلعان 6-شى بايكال ەكونو­ميكالىق فورۋمىنىڭ جۇمىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى. قازاقستان مەن رەسەي اراسىندا كوپتەگەن ەكونوميكالىق باعىتتار مەن جوبالار بويىنشا بۇرىننان قالىپتاسقان جانە ءتيىمدى ءوزارا بايلانىستار جولعا قويىلعان, دەپ اتاپ ءوتتى ك.ءماسىموۆ  پلەنارلىق  وتى­رىستىڭ اشىلۋىندا سويلەگەن سوزىندە. رەسەي فەدەراتسياسىنىڭ پرەزيدەنتى دميتري اناتولەۆيچ مەدۆەدەۆتىڭ بۇگىن رەسمي ساپارمەن وڭىرارالىق ىنتىماقتاستىق فو­رۋ­مى ءوتىپ جاتقان قازاقستاندا بو­لىپ, قازاقستان رەسپۋبليكاسىنىڭ پرە­زيدەنتى نۇرسۇلتان ءابىش ۇلى نا­زار­­باەۆپەن بىرگە ەكىجاقتى قىز­مەت­­تەستىكتىڭ ناقتىلى دا پراك­تي­كالىق ماسەلەلەرىن تالقىلاۋىنىڭ ءوزى نىشاندىق سيپاتقا يە, دەپ اتاپ كورسەتتى ك.ءماسىموۆ. بايكال ەكونوميكالىق فورۋمى شەڭبەرىندە قازاقستان ۇكىمەتىنىڭ باسشىسى ك.ءماسىموۆ رف فەدەرا­تسيا­ كەڭەسى فەدەرالدىق جينا­لى­سىنىڭ توراعاسى سەرگەي ميرو­نوۆپەن كەزدەستى. سول سياقتى  ك.ءماسىموۆ  ان­گارسك  ەلەكتروليزدى حيميا زاۋى­تىن­­دا بولىپ,  “روساتوم”  اتوم  ەنەر­گەتيكاسى جونىندەگى مەملە­كەت­تىك كورپوراتسيانىڭ  باس ديرەك­تو­رى سەرگەي كيريەنكومەن جانە “اەحك” ااق-تىڭ باس ديرەكتورى الەكساندر بەلوۋسوۆپەن كەزدەستى.