“راحات” قىزىلاعاشتىقتارعا اماندىق تىلەيدى

تالدىقورعان وبلىسى قىزىلاعاش اۋىلىن بۇزىپ-جارىپ وتكەن سۋ تاسقىنىنان كەيىن, نەبارى بىرنەشە اي وتكەندە جاڭا دارىگەرلىك ەمحانا ىسكە قوسىلدى. قايعىلى جاعداي ورىن العانعا دەيىن, بۇل ەمحانا قابىرعاسى قۇلاعالى تۇرعان, ەدەنى شىرىگەن, تەرەزە جيەكتەرى قيسايعان, تەك ءبىر عانا قاباتى پايدالانۋعا جارايتىن, قوس قاباتتى ەسكى عيمارات بولاتىن. از مەرزىم ىشىندە ول تولىعىمەن “راحات” كومپانيا­سىنىڭ كۇشىمەن جاڭعىرتىلدى. بۇگىندە بۇل عيمارات كەڭ, جارىق, جاقسى جابدىقتالعان, قازىرگى زامانعى كورپۋس ساناتىندا. اقسۋ اۋداندىق اۋرۋحاناسىنىڭ باس دارىگەرى ءاشىم­عالي جۇماگەلدى ۇلىنىڭ ايتۋىنشا, قۇرى­لىس­شىلاردىڭ اتقارعان جۇمىسى وراسان. بايلانىستىڭ بارلىق جەلىسى جۇرگىزىلدى, جىلۋ, قۋات كوزدەرى, جارىق بەرۋ, ءورت جانە كۇزەت بويىنشا دابىل بەرۋ جۇيەسى ءجون­دەلىپ, ىسكە قوسىلدى. سۋ جىلىتاتىن قۇرىلعىلار سا­تىپ الىنىپ, ور­ناتىلدى جانە مەديتسينالىق جاب­دىقتاردى مونتاج­داۋ جۇرگىزىلدى. ەمحانا قايتا تۇرعىزىلعانعا دەيىن, بۇكىل ء“دا­­رىگەر­لىك ءبولىم” پالاتكالارعا ورنالاستىرىلدى. ءبى­رەۋىندە ەم-شارالار قولدانىلىپ جاتسا, ەكىن­شى­سىندە قابىلداۋ ءجۇر­گىزىلىپ جاتتى, ال ۇشىنشىسىندە ءدارىحانا جۇمىس ىستەدى. ءتورتىنشىسى “كۇتپەگەن جاعدايلار بولا قالسا” دەگەن ويمەن رەزەرۆتە تۇردى. قازىرگى كەزدە ەمحانا دارىگەرلەرى ناۋقاستاردى قا­بىلداپ, الدىن الا تەكسەرۋلەر جۇرگىزەدى, قالادا­عىداي قولايلى جاعدايلاردا تۇرعىندارعا ەكپە جاسايدى. كۇندىزگى ستاتسيونار اشىلعان, زەرتحانا جۇمىس ىستەيدى. ەمدەلۋشىلەردىڭ فيزيولوگيالىق تۇرعىدا ەم-شا­را­لاردى تولىعىنان الۋ مۇمكىندىگى بار. جاس انا مەكتەبى جانە انا مەن بالا كابينەتى كەلۋشىلەرگە ەسىگىن ايقارا اشتى. تۇرعىندار ءومىردىڭ قالىپتى ىرعاعى باستالعانىنا, اسىرەسە, اۋىل ءۇشىن ماڭىزى زور دارىگەرلىك مەكەمەنىڭ ءىسى جولعا قويىلعانىنا ريزا. ال قىزىلاعاشتىق ەمحانا ”راحاتتىقتار” ءۇشىن قۇرىلىسى اياقتالعان نى­سان بولىپ قانا قويماي, شىدامدىلىقتى شىڭداعان, الەۋمەت الدىندا تابىستى تاپسىرىلعان ماڭىزى زور ەمتيحان بولدى. قىزىلاعاش اۋىلىنداعى دارىگەرلىك ەمحانا قايى­رىم­دىلىق كومەك رەتىندە كورسەتىلگەن “راحات” اق-تىڭ جەكە قاراجاتى ەسەبىنەن جانە الماتى كون­دي­تەر فابريكاسى جۇمىسكەرلەرىنىڭ كۇشىمەن جاڭعىر­تى­لىپ, قايتا سالىندى. سۇڭعات ءالىپباي.