قازاقستان رەسپۋبليكاسى پرەزيدەنتىنىڭ جارلىعى

ن.ابىقاەۆتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى قىزمەتىنە تاعايىنداۋ تۋرالى نۇرتاي ابىقاەۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى  تامىزدىڭ 23-ءى.    № 1045

* * *

ۇقك ۇجىمىنا جاڭا باسشى كەلدى مەملەكەت باسشىسىنىڭ جارلىعىمەن نۇرتاي ابىقاەۆ ۇلتتىق قاۋىپسىزدىك كوميتەتىنىڭ توراعاسى بولىپ تاعايىن­دالدى. كەشە مەملەكەت باسشىسى­نىڭ تاپ­سىر­ماسىمەن قازاقستان رەسپۋبليكاسى پرە­زيدەنتى اكىمشىلىگىنىڭ باسشىسى اسلان مۋسين ۇقك ۇجىمىنا جاڭا باس­شىنى تانىستىردى. – سىزدەردىڭ بارشالارىڭىز ونى بىلەسىزدەر, سىزدەر ۇزاق جىل­دار بويى بىرگە قىزمەت اتقاردىڭىزدار. ەلباسى قويعان بارلىق قىزمەتتەردە نۇرتاي ابىقاي ۇلى جوعارى سەنىمدى اقتاي ءبىلدى. مەملەكەت باسشىسى ونىڭ بۇل قىزمەتتىڭ دە ۇدەسىنەن شى­عارىنا جانە ۇلتتىق قاۋىپ­سىزدىك كوميتەتىنىڭ الدىنا قويىل­عان بارلىق مىندەتتەردى تولىق ورىنداي­تى­نىنا سەنىم بىلدىرەدى, – دەدى ا.مۋسين. سونىمەن قاتار, پرەزيدەنت اكىم­شىلى­­گىنىڭ باسشىسى ءادىل شاياحمەتوۆكە پرەزيدەنتتىڭ العىسىن جەتكىزدى. حرونيكا مەملەكەت باسشىسىنىڭ جارلى­عىمەن ءادىل شاياحمەت ۇلى شاياحمەتوۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى ۇلتتىق قاۋىپ­سىزدىك كوميتەتىنىڭ توراعاسى قىزمەتىنەن بوساتىلدى. *  *  * مەملەكەت باسشىسىنىڭ وكىمىمەن نۇرتاي ابىقاەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى قىزمەتىنەن بوساتىلدى.