ەلباسى قابىلدادى

مەملەكەت باسشىسى نۇرسۇلتان نازارباەۆ كولىك جانە كوممۋنيكاتسيا ءمينيسترى ابىلعازى قۇسايىنوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ءا.قۇسايىنوۆ ۆەدومستۆو جۇمىسىنىڭ بيىلعى جىلدىڭ العاشقى 7 ايىنداعى قورىتىندىلارى جايىندا جانە ەلدىڭ كولىك-كوممۋنيكاتسيا كەشەنىن دامىتۋدىڭ بولاشاعى تۋرالى باياندادى. ەسەپتى مەرزىم ىشىندە قازاقستاندا وتكەن جىلعى وسىعان سايكەس كەزەڭمەن سالىستىرعاندا 19 پايىزعا ارتىق جۇك تاسىمالدانىپ, داعدارىسقا دەيىنگى 2007 جىلعى مەجەگە قول جەتكىزىلگەن. جولاۋشى تاسىمالى كولەمىنىڭ ءوسىمى 12 پايىزدى قۇراپ وتىر. سونىمەن قاتار اڭگىمە بارىسىندا “باتىس ەۋروپا-باتىس قىتاي” اۆتوجولى, “قورعاس-جەتىگەن” تەمىر جول جەلىسى مەن “وزەن–تۇركىمەنستانمەن مەملەكەتتىك شەكارا” ءتارىزدى ءىرى جوبالاردى ىسكە اسىرۋ بارىسى تۋرالى ءسوز قوزعالدى. *  *  * مەملەكەت باسشىسى نۇرسۇلتان نازارباەۆ شىعىس قازاقستان وبلىسىنىڭ اكىمى بەردىبەك ساپارباەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋ بارىسىندا ب.ساپارباەۆ وبلىستىڭ اعىمداعى جىلدىڭ وتكەن 7 ايىنداعى الەۋمەتتىك-ەكونوميكالىق دامۋ قورىتىندىلارى تۋرالى باياندادى. ەسەپتى كەزەڭدە ونەركاسىپ ونىمدەرىنىڭ ءوندىرىسى وتكەن جىلدىڭ سايكەس كەزەڭىمەن سالىستىرعاندا, 145,3 پايىزعا ءوستى. فيزيكالىق كولەم يندەكسى 115,2 پايىزدى قۇرادى. وبلىس بويىنشا سىرتقى ساۋدا اينالىمى ەكسپورت ۇلەسى 2,2 ەسە ارتۋىمەن 2,3 تريلليون دوللاردى قۇرادى. اۋىل شارۋاشىلىعى ونىمدەرى جالپى كولەمىنىڭ 119,3 پايىزعا ارتۋى قامتاماسىز ەتىلدى. جۇمىسسىزدىق 12 پايىزعا تومەندەدى. يندۋستريالاندىرۋ كارتاسى بويىنشا اعىمداعى جىلى جالپى قۇنى 155,1 ميلليارد تەڭگەنى قۇرايتىن 12 جوبا ىسكە اسىرىلۋدا. بۇدان باسقا, مەملەكەتتىك-جەكە مەن­شىك ارىپتەستىك جانە جەكە مەنشىك ينۆەستيتسيا ەسە­بىنەن 34 الەۋمەتتىك نىساننىڭ قۇرىلىسى جۇرگىزىلۋدە. پرەزيدەنتتىڭ تاپسىرماسىن ىسكە اسىرۋ اياسىندا الەۋمەتتىك سالانىڭ 72 نىسانىن كوممۋنالدىق مەن­شىككە قايتارۋ قامتاماسىز ەتىلدى, 34 گيدروتەحنيكالىق قۇرىلىم مەملەكەتتىك ۇيىمدارعا بەكىتىپ بەرىلدى. كەزدەسۋ بارىسىندا كوكتەمگى سۋ تاسقىنىنىڭ زار­داپتارىن جويۋ جونىندەگى شارالار تۋرالى ءسوز قوزعالدى. قازىرگى ۋاقىتتا 535 تۇرعىن ءۇي جانە 7 ءبىلىم بەرۋ مەن دەنساۋلىق ساقتاۋ مەكەمەلەرى تۇرعىزىلۋدا. قۇرىلىس كەستەگە سايكەس جۇرگىزىلۋدە –  بارلىق نىساندار قىس باستالعانعا دەيىن پايدالانۋعا بەرىلەتىن بولادى. سونداي-اق, اكىم مەملەكەت باسشىسىن الدا وتەتىن قا­زاقستان مەن رەسەي ىنتىماقتاستىعىنىڭ ءVىى ءوڭىر­ارا­لىق فورۋمىنا ازىرلىك بارىسى تۋرالى حاباردار ەتتى. ەلىمىز پرەزيدەنتىنىڭ حالىقتىڭ ءال-اۋقاتىن ارتتىرۋعا, شىعىس قازاقستان وبلىسىنىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشتەرىن ورىنداۋعا باعىتتالعان بارلىق تاپسىرمالارى جۇزەگە اسىرىلاتىن بولادى, – دەدى ب.ساپارباەۆ جۋرناليستەرگە ارنالعان بريفينگتە.