كوكتەمگى ەگىن جۇمىستارىن (كەج) نەسيەلەندىرۋ

اۋىل شارۋاشىلىعىندا مول استىققا قول جەتكىزۋ ءوز ۋاقىتىندا وتكىزىلگەن كوكتەمگى ەگىس جۇمىستارىنا بايلانىستى. وتكەن جىلدارى وسى جۇمىستاردى قولداۋ “قازاگرو” ۇلتتىق باسقارۋشى حولدينگى” اق ەنشىلەس ۇيىمدارى “اگرارلىق نەسيە كورپوراتسياسى” اق جانە “ازىق-ت ۇلىك كەلىسىم شارت كورپوراتسياسى” اق كومەگىمەن وتكىزىلەتىن. اعىمداعى جىلى “قازاگرو” ۇلتتىق باسقارۋشى حولدينگى” اق ەنشىلەس ۇيىمى “اۋىل شارۋاشىلىعىن قارجىلاي قولداۋ قورى” اق العاشقى رەت كوكتەمگى ەگىس جۇمىستارىن قارجىلاندىرۋعا قاتىستى, وسىعان وراي اگروونەركاسىپ كەشەنىنىڭ شاعىن سۋبەكتىلەرىن جالپى سوماسى 500,0 ملن. تەڭگەگە نەسيەلەندىرۋ جونىندەگى “ەگىنجاي” قاناتقاقتى باعدارلاماسىن ىسكە اسىرا باستادى. قارىز 2 جىلعا دەيىنگى مەرزىمگە جىلدىق 12% سىياقى ستاۆكاسىمەن بەرىلدى. نەسيە سوماسى – 1 قارىز الۋشىعا 3 ملن. تەڭگەدەن اسپايدى. قارىز مىناداي ءداندى داقىلدار ەگۋگە بەرىلدى: بيداي, ارپا, بۇرشاق داندىلەر, جۇگەرى, كۇرىش, كۇنباعىس, ماي داقىلدارى, قانت قىزىلشاسى, كارتوپ, كوكونىس-باقشالىق داقىلدار, جەم-شوپتىك داقىلدار. وسى باعدارلاما بويىنشا قورعا 297 ءوتىنىم كەلىپ ءتۇستى, ونىڭ ىشىندە جال­پى سوماسى 499,8 ملن. تەڭگەگە 234 ءوتىنىم ماقۇلدانىپ, قارجىلان­دىرىلدى. وسى باعدارلامانى ەنگىزۋدىڭ باستى سەبەبى, ول بۇگىنگى كۇنى اگروونەركاسىپ كەشەنىنىڭ شاعىن سۋبەكتىلەرى قارجى ينستيتۋتتارىنىڭ, ونىڭ ىشىندە ەكىنشى دەڭگەيدەگى بانكتەردىڭ نازارىنان تىس قالىپ قويۋىمەن جانە ەگىس ناۋقانىندا نەسيە الۋ مۇمكىنشىلىگىنىڭ جوقتىعىمەن تۇسىندىرىلەدى. رەسپۋبليكامىزدىڭ باتىس وڭىرلەرىندە بولىپ جاتقان توتەنشە اۋا رايى قۇبىلىسىنا بايلانىستى قور اقتوبە جانە باتىس قازاقستان وبلىس­تارىنىڭ زارداپ شەككەن كليەنتتەرىنە 125,4 ملن. تەڭگە سوماسىنا بەرىلگەن قارىز مەرزىمىن ۇزارتۋدا. سابير تيمۋروۆ.