حالىق دەنساۋلىعى – ەڭ قىمبات قازىنا

حالىق دەنساۋلىعىنا قىراعى بولۋدا سانيتارلىق-ەپيدەميولوگيالىق قاداعالاۋ قىزمەتىنىڭ جۇمىسى ەرەكشە ءرول اتقارادى. سوندىقتان جەرگىلىكتى جەرلەردە ەپيدەمياعا قارسى الدىن الۋ جۇمىستارىن جۇرگىزۋدىڭ ماڭىزى زور. ال ادام تاعدىرى الدىندا جاۋاپكەرشىلىگى ۇلكەن بۇل جۇمىس وڭىرلەردە قالاي ىسكە اسىرىلىپ وتىر؟ ءبىز وسى ساۋالعا وراي دەنساۋلىق ساقتاۋ مينيسترلىگى مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ جامبىل وبلىسى بويىنشا دەپارتامەنتىنىڭ ديرەكتورى قالدىبەك قازانعاپوۆپەن اڭگىمەلەسكەن ەدىك. – ۇستىمىزدەگى جىلدىڭ جارتى­سىنان استام ۋاقىت ءوتتى. تامىز ايى دا جىلداعىدان ەرەكشە ىستىق بولىپ تۇر. بۇل قۇبىلىس ءوز كەزەگىندە ءتۇرلى جۇقپالى اۋرۋلاردى ورشىتە ءتۇسۋى مۇمكىن. سوندىقتان ءوڭىر حالقى اراسىنداعى ينفەكتسيالىق اۋرۋلارعا شالدىعۋ بويىنشا ەپيدەميولو­گيا­لىق احۋالدىڭ دەڭگەيى قانداي ەكەنىن بىلگىمىز كەلەدى؟ – وبلىستا ەپيدەمياعا قارسى ال­دىن الۋ جۇمىستارىن جۇرگىزۋ ار­قاسىندا سانيتارلىق-ەپيدەميولو­گيالىق جاعداي تۇراقتى بولىپ تۇر. جالپى وبلىس بويىنشا 2010 جىل­دىڭ 1-ءشى جارتىجىلدىعىنداعى جۇ­مىستاردىڭ قورىتىندىلارى بوي­ىنشا وتكەن 2009 جىلعى كور­سەت­كىشتەرمەن سالىستىرعاندا موني­تورينگ جاسالاتىن 55 نوزولوگيالىق ۇلگىدەگى ينفەكتسيالىق اۋرۋلاردىڭ 18-ءى (32,8%) بويىنشا كورسەتكىش­تەرى تومەندەگەن, ونىڭ ىشىندە: ىشەك ين­­­فەكتسيالارى 7,5%, ديزەنتەريا – 2,6 ەسە, ۆيرۋستى گەپاتيتتەر – 6,5%, رەس­پيراتورلىق ينفەكتسيالار – 8,4%, سارىپ اۋرۋى – 2,1% تومەندەگەن. مونيتورينگ جاسالاتىن 29 اۋرۋ تۇرلەرى بويىنشا اۋرۋعا شالدىعۋ جاعدايلارى تىركەلگەن جوق. ونىڭ ىشىندە وبلىس اۋماعىندا جۇقتىرۋ قاۋپى جوعارى بەزگەك, وبا, تۋليا­رە­ميا, سۇزەك تەكتەس اۋرۋلار, كونگو-قىرىم گەمورراگيالىق قىزباسى (كقگق), تۇينەمە ىندەتتەرى تىركەل­مەۋى بارلىق مۇددەلى ۆەدومستۆولار مەن قىزمەتتەردىڭ نەگىزگى ينفەك­تسيالىق اۋرۋلارعا شالدىعۋدىڭ الدىن الۋ ماقساتىنداعى مەملە­كەت­تىك جانە كەشەندى سالالىق باعدار­لا­مالاردى جۇزەگە اسىرۋىنىڭ ءنا­تي­جەسى دەپ بىلەمىز. – وبلىس حالقىنىڭ سانيتار­لىق-ەپيدەميولوگيالىق سالاماتتى­لىعىن قامتاماسىز ەتۋ بويىنشا قان­داي ماڭىزدى مىندەتتەر بەلگىلەنگەن؟ – وبلىس حالقىنىڭ سانيتار­لىق-ەپيدەميولوگيالىق سالامات­تىلىعىن قامتاماسىز ەتۋ بويىنشا نەگىزگى مىندەتتەر مىناداي: تۇرعىن­داردى, ونىڭ ىشىندە نەگىزىنەن با­لالاردى ۆاكتسينامەن باسقارىلاتىن ينفەكتسيالاردان ەكپە جاساي وتى­رىپ قورعاۋ (بۇلار قىزىلشا, قىزا­مىق, سال, سىرەسپە, قىرىلداۋىق جانە ت.ب.) ىشەك ينفەكتسيالارىنىڭ ال­دىن الۋ; كونگو-قىرىم گەمور­راگيالىق قىزباسى, وبا, تۋليارەميا, تۇينەمە, سارىپ, تۋبەركۋلەز سياقتى اسا قاۋىپتى ينفەكتسيالارمەن كۇرەسۋ. ءاربىر ينفەكتسيانىڭ ەپيدەميا­لىق پروتسەستەرىنىڭ ەرەكشەلىكتەرىن, ماۋسىمدىق مەزگىلدەرىن, جۇعۋ جول­دارىن بىلە وتىرىپ, ءبىز ءتۇرلى الدىن الۋ شارالارىن وتكىزۋ ارقىلى ادامدارعا جۇعۋ, پايدا بولۋ قاۋپىن ازايتامىز. بۇل ءىس-شارالاردىڭ نەگىزگى قاعي­دالارى – ۇيىمداستىرىلاتىن جۇ­مىستاردى ەرتە باستاۋ. بۇل ماسەلەنى شەشۋدە ءبىز وبلىستىڭ ءاربىر ەلدى مەكەن اياسىندا جۇيەلى اپتالىق, ال كەيبىر ينفەكتسيالار بويىنشا كۇن­دەلىكتى سانيتارلىق-ەپيدەميو­لو­گيالىق مونيتورينگ ناتيجەلەرىنە سۇيەنە وتىرىپ اتقارامىز. بۇنداي جەدەلدىك, قىزمەتتىڭ بارلىق اۋماق­تىق بولىمشەلەرىن 90%-دان اسا تەحنيكالىق جابدىقتاپ, اقپاراتتىق مالىمەتتەردىڭ ەلەكتروندىق پوشتا ارقىلى كەلۋى, قورشاعان ورتانى باقىلاۋ بويىنشا 18 باعدارلامانى اۆتوماتتى تۇردە پايدالانۋ ارقىلى قول جەتكىزىلدى. وسى ءادىس ەپيدە­ميو­لوگيالىق جاعدايدىڭ ازعانتاي ءوز­گەرىستەرىن دە بولجام جاساۋعا ءمۇم­كىندىك بەرەدى, وزگەرىس بولعان سول ەلدى مەكەندەرگە دەرەۋ وبلىستىڭ سانەپيدقىزمەتىنىڭ ەپيدەميو­لو­گيا­لىق بريگاداسى جىبەرىلەدى. ءۇس­تى­مىزدەگى جىلى دەپارتامەنت مامان­دا­رى مويىنقۇم, سارىسۋ, تالاس, ت. رىسقۇلوۆ اتىنداعى, مەركى اۋدان­دارىنىڭ حالقى اراسىندا الدىن الۋ جانە ەپيدەمياعا قارسى ءىس-شا­رالار وتكىزۋ بويىنشا تاجىريبەلىك كومەك كورسەتتى. – وبلىستا “دەنساۋلىق ساقتاۋ سالاسىن رەفورمالاۋ مەن دامىتۋدىڭ 2006-2010 جىلدارعا ارنالعان مەم­لەكەتتىك باعدارلاماسى” بويىنشا وتكىزىلگەن ءىس-شارالار ءتيىمدى بولدى ما؟ – وبلىستىڭ سانيتارلىق-ەپي­دەميولوگيالىق قىزمەتى بۇگىنگى كۇنى ءوز قىزمەتى بويىنشا ءبىرتالاي جە­تىس­تىكتەرگە جەتتى, ول جەتىستىكتەرگە قو­عامنىڭ سالاماتتى بولۋى تىكەلەي بايلانىستى. حالىقتىڭ دەكرەتتەلگەن كونتين­گەنتىنە ەكپە جاساۋ دەڭگەيى 98,0% ورىندالدى. ناتيجەسىندە ديفتەريا, سال, كوكجوتەل, قىزىلشا, ەپيدە­ميا­­لىق پاروتيت, سىرەسپە, قىزامىق سياقتى ىندەتتەردىڭ تىركەلۋىنە جول بەرىلمەدى. وبلىستىڭ دەنساۋلىق ساق­تاۋ باسقارماسى ۆيرۋستى ا گەپا­تيتىنە قارسى 45000 دوزا ۆاكتسينا ال­دى, بۇل وسى ينفەكتسياعا حالىق­تىڭ ىندەتكە شالدىعۋ مۇمكىندىگى جوعارى توبى بالالاردى قورعاۋعا قول جەتكىزدى. بۇلاردان باسقا جەر­گى­لىكتى بيۋدجەت ەسەبىنەن مەركى, تا­لاس اۋداندارى 1500 دوزا ۆاكتسينا الدى. 2001 جىلدان بەرى بارلىعى – 179 مىڭ بالاعا وسى ينفەكتسياعا قارسى ەكپە جاسالدى. ەكپە جاساۋ جە­تى جىلدىق اينالىممەن ەرەكشە­لە­نەتىن ا گەپاتيتىنىڭ ەپيدەميالىق پروتسەستەرىنە ەلەۋلى اسەر ەتتى. 2001 جىلى 100 مىڭ تۇرعىنعا شاققان­داعى كورسەتكىش – 228,5 بولسا, 2009 جىلى – 60,9 بولسا, 2010 جىلدىڭ 6 ايى ىشىندە 13,9 ەسەگە تومەندەپ, ۆاكتسينانىڭ تيىمدىلىگى جوعارى ەكەنىن ايعاقتادى. كونگو-قىرىم گەمورراگيالىق قىزباسىنىڭ, وبا, تۋليارەميا مەن ءتۇي­­نەمەنىڭ تۇراقتى پۋنكت­تەرى ور­نا­لاسقان قولايسىز ەلدى مە­كەندەردە قونىس­تانعان تۇرعىنداردى قورعاۋ بوي­ىنشا الدىن الۋ جانە ەپي­دەمياعا قارسى كەشەندى ءىس-شارالاردى تولىق ورىن­داۋ­عا بايلانىستى ادامدار­دىڭ وسى ينفەكتسيالارعا شالدىعۋ جاعدايلارىنىڭ بولماۋى وسىنىڭ ايعاعى. ءىس-شا­رالار ۇيىمداستىرىلعان ۋا­قىتتان بەرى تابيعي وشاقتاردا, ياعني 1961 جىلدان بەرى – وبا, 1968 جىل­دان بە­رى – تۋليارەميا, 2007 جىل­دان بە­رى – كقگق, 2009 جىل­دان بەرى ءتۇي­نەمە تىركەلگەن جوق. 2005 جىل­دان بەرى وبلىستىق بيۋد­جەتتەن بولىنگەن قاراجاتقا 3000-نان اسا ادامعا تۋليا­­رە­مياعا قارسى, 9000-نان اسا ادامعا ءتۇي­نە­مەگە قارسى ەكپە جاسالدى. جىل سايىن وبلىستىڭ مۇددەلى ۆەدومستۆولارى مەن قىزمەتتەرى ەپي­دەميالىق پروتسەستەردىڭ تەك قا­نا ماۋسىمدىق ورشيتىنىنە قارا­ماستان (كوكتەم-جاز) حالىقتى قورعاۋ ءىس-شارالارى كقگق-نىڭ تابيعي وشاعىندا جىل بويى ءجۇر­گىزىلە بەرەدى. كقگق-نىڭ تابيعي وشاعىندا ورنالاسقان تالاس, سارىسۋ جانە موي­ىنقۇم اۋداندارىنىڭ 48 ەلدى مە­كەندەرىنىڭ اينالاسىنا كەنەگە قار­سى دارىلەي وتىرىپ, جالپى كو­لەمى 6065 گا (100% قامتىلدى) 300 مەترلىك قورعانىس الابى جاسالدى. كەنەلەردىڭ كوبەيىپ جانە ين­فەك­تسيا­لانعان كورسەتكىشتەرى بويىنشا سارىسۋ اۋدانىنىڭ 4 ەلدى مەكە­نى­نىڭ 546 گا اۋماعى قوسىمشا وڭدەل­دى. ءۇش اۋداننىڭ اۋماعىنداعى ەلدى مەكەندەردىڭ بارلىعى دا تەكسەرىلىپ, تابيعاتتان 32930 دانا يكسودتى كەنە جينالدى, ولاردىڭ ىشىندە 6,2% كونگو-قىرىم گەمورراگيالىق قىزباسىنىڭ ىندەتىنىڭ ۆيرۋسى انىقتالدى. اۋىل شارۋاشىلىعى باسقارما­سىنىڭ ماماندارى 3 اۋداندا كەنەگە قارسى 2 تۋر وتكىزىپ, 7588 اۋلالار, 2217374 م2 مال قورالارى مەن 504467 مال دارىلەندى. ەپيدەميالىق ماۋسىمدا كقگق-نى دەر كەزىندە جانە ساپالى دياگنوستيكالاۋ ءۇشىن سارىسۋ اۋدانى ساۋداكەنت اۋىلىن­­­دا جىلجىمالى دياگنوستيكالىق زەرتحانا جەتكىزىلىپ, مويىنقۇم وباعا قارسى كۇرەس ستانتسياسىنىڭ زەرتحاناسى مويىنقۇم اۋدانى مويىنقۇم اۋىلىنا قويىلدى. سۋمەن قامتاماسىز ەتۋدە ءتۇيىندى ماسەلەلەرى بار قولايسىز ەلدى مەكەن تۇرعىندارىن, اسىرەسە, “شاعىن قا­لالار” تۇرعىندارىنا سانەپيدقىز­مەت ۆاكتسينا جاساپ جانە ءدارى بەرە وتىرىپ, ەرەكشە جولمەن قورعايدى. وبلىستا جىل سايىن سالمونەللەز, ديزەنتەرياعا قارسى 10 مىڭنان اسا ادامعا ءدارى بەرىلەدى. ۇستىمىزدەگى جىلى ءىش سۇزەگىنىڭ قولايسىز 28 ەلدى مەكەندەرىنىڭ 5865 ادامىنا ءسۇ­زەك­كە قارسى, سالمونەللەز, دي­زەن­تە­رياعا قارسى 8449 ادامعا ءدارى بەرىلدى. – تاجىكستان ەلىندە تۇرعىندار­­دىڭ پوليوميەليتكە شالدىعۋىنىڭ قولايسىز جاعدايى ورىن الدى. ىندەتتىڭ سىرتتان اكەلىنىپ تارالۋىن بولدىرماۋ ءۇشىن وبلىستا قانداي شارالار جۇرگىزىلۋدە؟ – رەسپۋبليكانىڭ بارلىق اۋ­ماقتارى سياقتى جامبىل وبلىسىن­دا دا كوپتەگەن جىلداردان بەرى ءدۇ­نيەجۇزىلىك دەنساۋلىق ساقتاۋ ۇيى­مى­نىڭ بارلىق الەمدە پوليوميە­ليتتى جويۋ بويىنشا جۇرگىزىلىپ جاتقان باعدارلاماسى جۇزەگە اسىرىلۋدا, ناتيجەسىندە 2002 جىلى دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق بيۋروسى قازاقستان رەسپۋبليكاسى اۋماعىندا جابايى پوليوۆيرۋس اينالىمىنىڭ جوق ەكەنى تۋرالى قورىتىندى بەردى, سونىمەن ءبىزدىڭ ەلىمىز پوليوميە­ليت­تەن بوس اۋماق رەتىندە سەرتي­في­كات­تالدى. وبلىستا جابايى شتامم سەبەپ بولعان پوليوۆيرۋس سوڭعى رەت 1992 جىلى تىركەلگەن بولاتىن. وبلىستىڭ مەمسانەپيدقاداعالاۋ جانە دەنساۋلىق ساقتاۋ ورگاندارى بىرىككەن بۇيرىق شىعارىپ, وندا وبلىسقا پوليوميەليتتىڭ سىرتتان اكەلىنىپ جانە تارالۋىن بولدىرماۋ بويىنشا ءىس-شارالار جوسپارى جاسالىپ, جۇمىستاردى ۇيلەستىرۋ بويىنشا جەدەل شتاب قۇرامى بەكىتىلدى. مەملەكەتتىك شەكاراداعى ساني­تارلىق-كارانتيندىك پۋنكتتەردە باقىلاۋ كۇشەيتىلدى. وندا تاجىك­ستاننان كەلگەن 15 جاسقا دەيىنگى ەكپە جاسالماعان بالالارعا ەكپە جاساۋ ءۇشىن اۋماقتىق مەديتسينالىق ۇيىمداردىڭ ماماندارىنان قۇرىل­عان كوشپەلى بريگادا تاۋلىك بويى جۇ­مىس ىستەدى. جامبىل اۋدانى “اي­شا ءبيبى”, مەركى اۋدانى “سىپاتاي باتىر”, قورداي اۋدانى “قورداي” سكپ-لارى ارقىلى ۇستىمىزدەگى جىلى 200 مىڭنان اسا ادام وتسە, تاجىكستاننىڭ 340 ازاماتى ءوتتى, ولاردىڭ ىشىندەگى 15 جاسقا دەيىنگى 8 بالاعا پوليوميەليتكە قارسى ەكپە جاسالدى. بۇلاردان باسقا اۋرۋدى دەر كەزىندە انىقتاپ جانە ينفەك­تسيانى وقشاۋلاۋ ءۇشىن وبلىستىڭ ەمدەۋ ۇيىمدارىنىڭ مەديتسينالىق قىزمەتكەرلەرى جىل سايىن ۇقساس بەلگىلەرى بار 120 اۋرۋ وبلىستىڭ سانيتارلىق-ەپيدەميولوگيالىق ساراپتاما ورتالىعىنىڭ ۆيرۋسولو­گيا­لىق زەرتحاناسىندا پوليوميە­ليت­تىڭ ۆيرۋستارىن انىقتاۋ ءۇشىن تەك­سەرىلەدى. ۇستىمىزدەگى جىلى 122 اۋ­رۋدان الىنعان ماتەريالدار تەك­سە­رىلدى, ۆيرۋس انىقتالعان جوق. وبلىستىڭ پوليوميەليتكە قار­­سى ەگىلۋگە ءتيىستى بارلىق بالالارىن, ونىڭ ىشىندە كوشىپ كەلگەندەردىڭ بالالارىن ەكپەمەن قامتاماسىز ەتۋگە زور كوڭىل بولىنەدى. وبلىستا جىل سايىن پوليوميەليتكە قارسى 25 مىڭنان اسا بالاعا, ونىڭ ىشىندە ءجيى كوشەتىندەردىڭ 500 بالاسىنا ەكپە جاسالادى. قازاقستان رەسپۋبليكاسى دەن­ساۋ­لىق ساقتاۋ مينيسترلىگى 2010 جىل­عى 6-12 قىركۇيەك ارالىعىندا 6 جاسقا دەيىنگى بالالارعا پوليو­ميەليتكە قارسى ەكپە جاساۋدى جوس­پار­لاپ وتىر. سوندىقتان وسى سۇح­بات ارقىلى اتا-انالارعا اۋماقتىق ەمحانالاردا وتكىزىلەتىن وسى ناۋقان كەزىندە ارتىق 1 ەكپە الا وتىرىپ, ءوز بالالارىڭىزدى قورعاڭىزدار دەگىم كەلەدى. – ءجون ەكەن. قىزمەتتەرىڭىزدىڭ باستى باعىتتارىنىڭ ءبىرى – وبلىس حالقى اراسىندا سارىپقا شالدىعۋ­دىڭ الدىن الۋ. 2010 جىلدىڭ ءبىرىنشى جارتىجىلدىعىندا وسى ىندەت بويىنشا ەپيدەميولوگيالىق جاعداي قانداي دەڭگەيدە بولدى؟ – حالىقتىڭ سارىپقا شالدىعۋ جانە توپتانا شالدىعۋ (5 جانە ودان جوعارى) كورسەتكىشتەرى تومەن­دەگەنىنە قاراماستان, وبلىستىق سا­رىپقا شالدىعۋ كورسەتكىشتەرى رەس­پۋبليكالىق ورتاشا كورسەتكىشتەن جو­عارى بولىپ تۇر. سارىپقا شال­­دىعۋ تاراز قالاسى مەن اۋ­دان­دار­دىڭ بارلىق جەرلەرىندە تىركەلۋدە. 1995-2000 جىلدار ارالىعىن­دا­عى سارىپقا شالدىعۋدىڭ كوپ جىل­عى تالداۋى وبلىستا تۇراقتى بولىپ, 2003 جىلى جوعارى كورسەتكىشتى كورسەتكەن. 2005 جىلدان باستاپ كور­سەتكىش 64,0-دەن 39,9-عا دەيىن ءتو­مەندەپ, 2010 جىلدىڭ 6 ايى ءىشىن­دە 18,0- گە دەيىن تومەندەدى. ادامداردىڭ سارىپقا شالدىعۋ كورسەتكىشى مال باسىنىڭ كوبەيىپ جانە ولاردىڭ سارىپقا شالدىعۋ دەڭگەيىنە تىكەلەي بايلانىستى. 2003 جىلدان بەرى ءىرى قارا 1,7 ەسە, ۋاق مال 1,9 ەسە ءوستى. تۇرعىنداردىڭ سا­رىپ­قا شالدىعۋىنىڭ نەگىزگى سەبەبى – اۋىل شارۋاشىلىعى مالدارى­نىڭ, ونىڭ ىشىندە قوي-ەشكىنىڭ كوبەيۋىنەن بولىپ وتىر. تۇرعىنداردىڭ سارىپقا شالدى­عۋىن تۇراقتاندىرىپ جانە الدىن الۋ ءۇشىن وبلىستا اسا قاۋىپتى جانە زووانتروپونوزدى ينفەكتسيالاردىڭ الدىن الۋ بويىنشا ءىس-شارالاردىڭ 2009-2013 جىلدارعا ارنالعان كە­شەندى جوسپارى ازىرلەندى, وندا بار­لىق مۇددەلى ۆەدومستۆولار مەن قىز­مەتتەر ىسكە تارتىلعان. مال تولدەتۋ ناۋقانى الدىندا اۋدان, اۋىلدىق وكرۋگ اكىمدەرىنە, اۋىل شارۋاشى­لىعى, دەنساۋلىق ساقتاۋ, وقۋ, ىشكى ىستەر باسقارمالارىنىڭ باستىقتارى مەن شارۋا قوجالىقتارىنىڭ باس­شىلارىنا جانە باسقا دا مۇددەلى ۆە­دومستۆولار مەن قىزمەتتەردىڭ باس­شىلارىنا اقپاراتتار, حاتتار, سانيتارلىق ۇيعارىمدار جىبەرىلدى. اۋىرعان مالدى تىركەۋ, اكتىلەۋ, جويۋ جانە ماتەريالدىق وتەماقى بەرۋ مەرزىمى ءبىرتالاي قىسقاردى, بىراق ءالى دە وسىلاردى ورىنداۋعا 5 كۇننەن 15 كۇنگە دەيىن ۋاقىت كەتەدى. وبلىس ايماقتارىندا قاساپحانا, مال ەتى مەن شيكىزاتىن وڭدەۋ تسەح­تارى, مال قورىمدارى جەتكىلىكسىز. – كەدەن وداعىنا كىرەتىن اۋ­ماقتاعى ونىمدەرگە سانيتارلىق-ەپي­دەميولوگيالىق باقىلاۋ جاساۋدىڭ بىرىڭعاي ءتارتىبىن رەتتەيتىن ساني­تار­لىق شارالار تۋرالى كەلىسىمى ءازىر­لەنىپ, بەكىتىلدى. وسى قۇجاتتا قا­راستىرىلعان ءىس-شارالاردى ءجۇ­زەگە اسى­رۋ بويىنشا وبلىستىڭ مەم­لە­كەت­تىك سانيتارلىق-ەپيدە­ميو­لوگيالىق ورگاندارى قانداي جۇ­مىس­تار اتقارۋدا؟ – وبلىستىڭ مەمسانەپيدقا­دا­عالاۋ ورگاندارى كەدەندىك وداقتىڭ سانيتارلىق شارالار جونىندەگى كەلىسىمىندە قاراستىرىلعان ءىس-شا­رالاردى ورىنداۋدى باستادى. سا­نيتارلىق-كارانتيندىك پۋنكتتەردىڭ ماماندارى دايىندىقتان ءوتتى, بار­لىق وتكىزۋ پۋنكتتەرىندە قىزمەتتىڭ قۇزىرىنا كىرەتىن جۇكتەردى باقىلاۋ قامتاماسىز ەتىلگەن تۇرعىندار, شا­رۋا­شىلىق ەتۋشى سۋبەكتىلەر, بيز­نەس بىرلەستىكتەرىنە كەدەن وداعى­نىڭ سانيتارلىق شارالار جونىندەگى قابىلداعان نورماتيۆتىك قۇقىقتىق اكتىلەرى, ونىمدەردىڭ (تاۋارلاردىڭ) قاۋىپسىزدىگىن راستايتىن رۇقسات بەرۋ قۇجاتتارىن رەسىمدەۋ قاجەتتىگى تۋرالى ماسەلەلەر بويىنشا ناسيحات جۇمىستارىنىڭ بارلىق ادىستەرى مەن قۇرالدارىن پايدالانا وتى­رىپ, تۇسىنىكتەمە جۇمىستارى ءجۇر­گىزىلۋدە. بارلىق ءىس-شارالاردى شە­كارا, كەدەن قىزمەتتەرى مەن باسقا دا باقىلاۋشى ورگاندار جۇرگىزىپ جاتىر جانە ودان ءارى جۇرگىزەدى. – اڭگىمەڭىزگە راحمەت. اڭگىمەلەسكەن كوسەمالى ساتتىباي ۇلى. جامبىل وبلىسى.