“مەيىرىم” ورتالىعىنىڭ قامقورلىعى

وبلىستا العاش رەت يادرولىق ماگنيتتىك-رەزونانستىق توموگراف اپپاراتى جۇمىس ىستەي باستادى ەلباسى نۇرسۇلتان نازارباەۆ مەم­لەكەت ساياساتىندا حالىققا مە­ديتسينالىق قىزمەت كورسەتۋ ماسە­لە­سىنە باسىم ورىن بولىنەتىنىن, انا­لار مەن بالالاردىڭ دەنساۋ­لى­عىن ساقتاۋ الدىڭعى كەزەكتى مىندەت بو­لىپ تابىلاتىنىن ۇنەمى ەسكە سا­لىپ, تياناقتى تاپسىرمالار بەرىپ كەلەدى. بۇل تاپسىرما ۇيىمشىلدىق پەن ىسكەرلىكتىڭ ارقاسىندا جەر-جەردە جەدەل جۇزەگە اسۋدا. مى­سا­لى, جاقىندا عانا وبلىستا تۇڭعىش رەت يادرولىق ماگنيتتىك-رەزونانس­تىق توموگراف اپپاراتى ىسكە قو­سىل­دى. ول از عانا ۋاقىت ىشىندە 566 ادامدى تەكسەرۋدەن وتكىزدى. بۇل قىزمەتكە وبلىستىق بيۋدجەتتەن 8 ملن. 300 مىڭ تەڭگە ءبولىنىپتى. وبلىس تۇرعىندارىنىڭ دەنساۋ­لى­عى ءۇشىن الەۋ­مەتتىك ماڭىزى زور اپ­پاراتتى الەمگە ايگىلى “فيليپس” كومپانياسى شىعارعان. مۇنداي اپ­پارات اۋرۋدىڭ دياگنوستي­كاسىن قويۋ ساپاسىن ارت­تىرادى, مىڭ­دا­عان سىرقات­تاردىڭ دەرتىن دەر كە­زىندە دۇرىس قويۋعا جاعداي جا­ساي­دى جانە دارىگەرلەردىڭ اۋرۋ تۇرلەرىن ساپالى ەمدەۋىنە جول اشادى. سونداي-اق, يادرولىق ماگ­نيتتىك-رەزونانستىق توموگرافقا قول جەت­كىزۋ وبلىس حالقىنىڭ بۇدان بىلاي الماتى, شىمكەنت قالالارى مەن كورشى قىرعىز ەلىنىڭ استاناسى ءبىش­كەك شاھارىنا ەرىكسىز ساپار شەگىپ, ءارى-بەرى جول ءجۇرۋ تاۋ­قى­مەتىنەن قۇتقاراتىن بولادى. – ماگنيتتىك-رەزونانستىق اپپا­راتىمەن حالىقتىڭ الەۋمەتتىك تۇرعىدان از قامتاماسىز ەتىلگەن توپتارىنىڭ, ياعني ءبىرىنشى كەزەكتە مۇگە­دەكتەردىڭ, زەينەتكەرلەردىڭ, جۇكتى ايەلدەردىڭ, 18 جاسقا دەيىنگى بالالاردىڭ سىرقاتى تەگىن انىق­تا­لادى. بۇل  ءۇشىن وبلىستىق بيۋدجەت­تەن 60 ميلليون تەڭگە قارجى ءبو­لىن­دى. سونداي-اق, بۇل توموگرا­فيالىق اپ­پاراتتا تەكسەرىلۋ ولار­دان باسقا دا كەز كەلگەن ادامعا قولجەتىمدى بو­لادى, – دەدى “مەيىرىم” مە­دي­تسينالىق ورتالىعىنا ورناتىل­عان يادرولىق ماگنيتتىك-رەزونانس­تىق توموگراف اپپاراتىنىڭ تۇساۋ­كە­سەر راسىمىنە كەلىپ, دارىگەرلەر مەن سىرقاتتاردىڭ قۋانىشىن بولىسكەن وبلىس اكىمى قانات بوزىمباەۆ. وبلىس ورتالىعىنا ورنالاسقان “مەيىرىم” ورتالىعى 11 جىلدان بەرى وبلىس تۇرعىندارىنا ساپالى ءدارى­گەرلىك قىزمەت كورسەتىپ كەلەدى. ورتا­لىق ەڭ سوڭعى يننوۆاتسيالىق تەحنو­لوگيالارعا ساي مەديتسينالىق اپ­پارات­تارمەن جاراقتالعان. بۇل ەمدەۋ ورتالىعىندا ءبىر جىلدا 3000 ادام  ەمدەلىپ, دەنساۋلىعىن تۇزەپ شىعا­دى. ەمحاناعا 30 مىڭنان استام تۇرعىن ءتىر­كەلگەن. ورتالىقتا 250 ادام جۇ­مىس ىستەسە, ولاردىڭ 100-ءى ءوز مامان­دىعىن جەتىك مەڭگەرگەن بىلىكتى دارىگەرلەر. كوسەمالى ساتتىباي ۇلى.  جامبىل وبلىسى.