جاڭا مەشىت اشىلدى

جاقسى اۋدانىنداعى “تنك” اگروفيرماسىنىڭ باسشىسى, بەلگىلى كاسىپكەر باتىر ۋاليەۆ وڭىردەگى الەۋمەتتىك سەرپىلىسكە ەلەۋلى ۇلەس قوسىپ جۇرگەن ازامات. ونىڭ باس­تاماسىمەن اۋىلدا زاماناۋي سپورت مەكتەبى اشىلىپ, سالاماتتى ءومىر سالتى قالىپتاسىپ كەلەدى. باسقاسىن ايتپاعاننىڭ وزىندە, مۇندا الەم جانە ازيا چەمپيوندارى تاربيە­لەنىپ شىققانىنىڭ ءوزى بارشامىزعا مەرەي. جەرگىلىكتى كاسىپكەر وتكەن جۇما كۇنى جۇرتشىلىقتى 800 ادامعا لايىقتالعان جاڭا مەشىتتىڭ اشىلۋ سالتاناتىنا شاقىردى. وعان وبلىس اكىمىنىڭ ءبىرىنشى ورىنباسارى قا­دىرحان وتاروۆ قاتىسىپ, جاماعاتتى رامازان ايىنىڭ شاراپاتتى كۇنى­مەن قۇتتىقتادى. كۇمبەزدى مەشىتتە قازاقستان مۇسىلماندارى ءدىني باس­قارماسىنىڭ وكىلى, ناۋان حازىرەت اتىنداعى كوكشەتاۋ مەشىتىنىڭ باس يمامى قانات قىدىرمين جانە اۋدان يمامى بولات تۇرعان ۇلى ۋا­عىز ايتىپ, ءبىزدىڭ ەلدە دە مۇسىل­ماندىق جول ادامداردىڭ كۇندەلىكتى تىرشىلىك ۇردىسىنە اينالاتىنىنا سەنىم ءبىلدىردى. ەلدى يماندىلىققا تاربيەلەۋدىڭ ءبىر وشاعى سانالاتىن مەشىتتىڭ ءىشى جاماعاتقا تولى بولۋىنا تىلەكتەستىك بىلدىرگەن باتىر ۋاليەۆ اۋدان يما­مىنا جاڭا “ۆاز-2107” اۆتوكو­لى­گىنىڭ كىلتىن تاپسىردى. باقبەرگەن امالبەك. اقمولا وبلىسى.