قارىمتا كەزدەسۋدەن كۇتەتىنىمىز كوپ

بەيسەنبى كۇنى “اقتوبە” گوللانديانىڭ “از” كو­­مان­داسىمەن فۋتبولدان ەۋروپا ليگاسىنان توپتىق تۋر­نيرىنە جولداما بەرەتىن العاشقى ىرىكتەۋ ويىنىن وتكىزدى. ماتچتىڭ قورىتىندى ەسەبى 0:2 بولىپ الكمار زانستەرن قالاسىنىڭ ويىنشىلارىنىڭ پايداسىنا شەشىلدى. كەزدەسۋدە اقتوبەلىكتەردىڭ قاقپاسىنا دوپتار ويىننىڭ ءبىرىنشى جارتىسىندا سوعىلدى. ونىڭ اۆتورلارى بولىپ 20-شى مينوتتە دوپ سوققان حول­مان مەن جەتى مينوتتەن كەيىن ەسەپتى ەسە­لەگەن ۆەرن­بلۋم اتاندى. بۇل ماتچتا “اقتوبە” ساپىندا مۇرات تىلەشەۆ, يۆان پەريچ, مارات حايرۋللين, الەن بو­نو, حاليفا با سياقتى ويىنشىلار سارى قاعازدارعا بايلانىستى وي­ناعان جوق. تاعى ەكى فۋتبولشىمىز ماقسات قۇر­ماشوۆ پەن كونس­تانتين گولوسكوي دەن­ساۋ­لىعىنا بايلانىستى الاڭعا شىعا المادى. ماتچ­تا “اقتوبە” ءبىرىنشى تايمدا جەڭىلسە دە ويىننىڭ ەكىنشى جارتىسىندا الاڭ يەلەرىنە ەسە جىبەرمەي وينادى. وسى كۇنى رەسەيدىڭ ءنوۆوسىبىر قالاسىنىڭ ء“سى­بىر” كومانداسى سەنساتسيا جاسادى. ءوز الاڭىندا گول­لانديانىڭ 13 دۇركىن چەمپيونى پسۆ “ەيند­حوۆەن” كلۋبىن 1:0 ەسەبىمەن جەڭدى. گولدى ءسىبىر­لىك­تەر ويىننىڭ نەگىزگى ۋاقىتى بىتۋىنە بايلانىستى بەرىلگەن قوسىمشا 2 مينوتتە سوقتى.