ۇستىمىزدەگى جىلدىڭ 18-20 قازانى ارالىعىندا استانا قالاسىندا العاش رەت بۇكىلالەمدىك رۋحاني مادەنيەتىنىڭ فورۋمى وتەدى.

رۋحاني دامۋ – ادامزات دامۋىنىڭ كىلتى ۇستىمىزدەگى جىلدىڭ 18-20 قازانى ارالىعىندا استانا قالاسىندا العاش رەت بۇكىلالەمدىك رۋحاني مادەنيەتىنىڭ فورۋمى وتەدى. بۇل جونىندە اتالعان فورۋم كوميتەتىنىڭ تەڭ توراعاسى, سەنات دەپۋتاتى تولەگەن مۇحامەدجانوۆ ءمالىم ەتتى. جيىننىڭ وتۋىنە “الەم مادەنيەت ارقىلى” حالىقارالىق قاۋىمداستىعى, رۋحاني كەلىسىم كونگرەسى, سونداي-اق ەلىمىزدىڭ, رەسەي مەن ەۋروپانىڭ وزگە دە ۇيىمدارى اتسالىسۋدا. سەناتوردىڭ مالىمدەۋىنشە, فورۋم ءوزىنىڭ باستاۋىن سوناۋ 1990 جىلداردان, ياعني ەلىمىز تاۋەلسىز­دى­گىن ەندى الىپ جاتقان كەزىنەن الا­دى. ال 1992 جىلدىڭ 18 قازانىندا الماتى قالاسىندا ءى بۇكىلالەمدىك رۋحاني كەلىسىم كونگرەسى وتكەن بو­لاتىن. سودان بەرى جىل سايىن 18 قازاندا رۋحاني كەلىسىم كۇنىنە ارناپ ءارتۇرلى شارالار وتكىزىلىپ كەلەدى. الايدا ۇلكەن ماڭىزدى شا­رانىڭ, ناقتىلاپ ايتقاندا فو­رۋم­نىڭ ءوتۋى 18 جىلدان كەيىن جۇزەگە اسىپ وتىر. ەلىمىز ءوز كۇنتىزبەسىندە رۋحاني كەلىسىم كۇنى دەپ بەلگىلەگەن الەمدەگى تۇڭعىش مەملەكەت بولىپ تابىلادى. فورۋمنىڭ وسى كۇنى اتالىپ ءوتۋىنىڭ استارىندا وسىنداي سيمۆولدىق ماعىنا جاتىر. ونىڭ ءوتۋى تۋرالى وي 2006 جىلى استانا قالاسىندا وتكەن ەكسترەميزمگە قارسى كۇرەس, تولە­رانت­تىلىقتى ناسيحاتتاۋعا باعىت­تالعان حالىقارالىق كونفەرەنتسيا بارىسىندا جاريا ەتىلگەن-ءدى. اتال­عان كونفەرەنتسيادا الەمدىك قو­عام­داستىققا جانە مەملەكەت باسشىسى نۇرسۇلتان نازارباەۆقا فورۋمدى وتكىزۋ جونىندە ۇندەۋ قابىلدانعان بولاتىن. بيىل ناقتى مۇمكىندىك تۋىپ وتىر. وسىعان بايلانىستى پار­لامەنت فورۋمعا قاتىسا­تىن­دى­عى تۋرالى شەشىم شىعاردى. ۇكىمەت تاراپىنان پرەمەر-ءمينيستردىڭ ءبىرىنشى ورىنباسارى ءو.شوكەەۆ باستاعان ۇكىمەتتىك كوميسسيا قۇ­رىل­عان. ايتسە دە, نەگىزگى ۇيىمداس­تى­رۋشىلىق جۇمىستار ۇكىمەتتىك ەمەس ۇيىمدار تاراپىنان جۇرگىزىلۋدە. حالىقارالىق ۇيىمداستىرۋ كوميتەتى جۇمىس ىستەۋدە. ۇيىم­داس­تىرۋ كوميتەتىنىڭ سودان بەرى بەس وتى­رىسى ءوتىپ, وندا بىرقاتار ءما­سە­لە­لەر تالقىلانعان. فورۋم كوپشى­لىك­تىڭ قىزىعۋشىلىعىن تۋعىزعان­دىق­­تان, ارنايى ۆەب-سايت (www.astana forum.kz) تا اشىلعان. قازىرگى تاڭدا بەينەروليك ءتۇسىرىلىپ, ول ەلىمىزدىڭ كەيبىر تەلەارنا­لا­رىندا كورسەتى­لۋ­دە. سونىمەن قاتار ەلىمىزدە ءتىر­كەلگەن ەلشىلىكتەر ارقىلى فورۋمدى وتكىزۋ بارىسى جونىندەگى جۇمىستار جالعاسىن تابۋدا. فورۋمنىڭ اشىلۋ قارساڭىندا “كەشەگى ۇلىلار بىزبەن بىرگە” اتتى كورمە ۇيىمداستى­رى­لا­دى, وندا ءار ەل وزدەرىنىڭ ءبىر ۇلى تۇلعاسىن قويادى. مىسالى, ءۇندىستان ەلشىلىگى م.گانديدى, ۇلىبريتانيا ۋ.شەكسپيردى, رەسەي ل.ن.تولس­تويدى, ول قازاقستان ابايدى كور­مەگە قوياتىن بولادى. بۇل جەردەگى ەڭ باستى يدەيا ادامزات دامۋىنىڭ باستى باسىمدىعى رۋحاني ءوسۋ بولۋعا تيىستىگىن كورسەتۋ. اسقار تۇراپباي ۇلى.