ENRC بارلىق سالا بويىنشا ءوسىم كورسەتەدى

وتكەن جارتىجىلدىق  FTSE 100 تىزىمىنە جانە KASE-ءنىڭ بەدەلدى تىزىمىنە ەنەتىن   ENRC ءۇشىن تەك جاڭا ءوندىرىس قۋاتتارىنىڭ اشىلۋى مەن تارتىمدى ساتىپ الۋلارمەن تانىمال بولعان جوق. كورپوراتسيانىڭ ەسەبى ENRC كاسىپورىندارىنىڭ تولىق وندىرىستىك قۋات كۇشىندە جۇمىس ىستەيتىندىگىن جانە بارلىق بولىمشەلەر بويىنشا ءوندىرىس كورسەتكىشتەرىنىڭ وسكەندىگىن كورسەتتى. سونىمەن, فەرروقورىتپالار ءوندىرىسى 56 پايىزعا, ال فەرروحروم 47 پايىزعا ۇلعايدى. ماۋسىم ايى­نىڭ سوڭىندا وتكىزىلگەن مەتال­لۋر­گيا جانە مينەرالدى رەسۋرستاردىڭ حالىقارالىق كونگرەسىندە كوم­پا­نيانىڭ باس اتقارۋشى ديرەكتورى فە­ليكس ۆۋليس ەلباسى نۇرسۇلتان نازارباەۆقا اقتوبە فەرروقو­رىت­پالار زاۋىتىندا قۋاتى جىلىنا 440 مىڭ توننا بولاتىن ءتورتىنشى بال­قىتۋ پەشىنىڭ قۇرىلىسى جاي­ىندا اڭگىمەلەپ بەردى. بۇعان قوسا, كومپانيا اقسۋ فەرروقورىتپالار زاۋىتىندا قۋاتى جىلىنا 350 مىڭ تونناعا جەتەتىن اگلومەراتسيالىق تسەح­تىڭ ءبىرىنشى كەزەگى قۇرىلى­سى­نىڭ بىتكەندىگى تۋرالى حابارلادى. اتال­عان تسەح اگلومەرات, حروم جانە مار­گانەتس رۋدالارىن وندىرەتىن بولادى. بۇگىنگى تاڭدا فەرروحروم شىعارۋ بوي­ىنشا الەمدەگى ءىرى وندىرۋشىلەردىڭ ءبىرى بولىپ تابىلاتىن ENRC ءوز ءون­دى­رىسىن تولىق قۋات كۇشىندە جۇرگىزۋدى جوس­پارلاپ وتىر. اعىمداعى جىلدىڭ ەكىنشى تامىزداعى ءCredىt ءSuىsse بول­جا­مى بويىنشا فەرروحروم ءوندىرىسىنىڭ كولەمى وسى جىلى تاعى بەس پايىزعا ارتپاق. توپتىڭ تەمىر رۋداسىن ءوندىرۋ كولەمى 46 پايىزعا ۇلعايعان. باستاپقى تەمىر رۋداسى جانە تەمىر تۇيىرشىكتەرى ءوندىرىسى سايكەسىنشە 41 پايىزعا جانە 107 پايىزعا ارتتى. ماۋسىم ايىنىڭ سوڭىندا “سوكولوۆ-سارىباي” كەن بايىتۋ وندىرىستىك بىرلەستىگىندە جىلىنا 75 مىڭ توننا مەتالل پروكاتىن شىعاراتىن زاۋىت ىسكە قوسىلدى. كومپانيانىڭ ءباسپاسوز حابارلاماسىندا بىلاي دەلىنگەن: “جاڭا ءوندىرىس مەتاللپروكاتى سالا­سىنداعى سەرپىندى جوبا بولىپ تا­بى­لادى. مەتاللپروكاتى زاۋىتى ىسكە قوسىلعان سوڭ, سسكوب تاۋ-كەن ءوندىرۋشى كاسىپورىندار قاتارىنان مەتاللۋرگيالىق كاسىپورىندار ءتىزى­مىنە ەنىپ, جاڭا ساتىعا كوتەرىلدى”. قازىرگى تاڭدا تەمىر رۋداسىن ءوندىرۋ بويىنشا بىرقاتار جوبالار قاراستىرىلۋ ۇستىندە. سولاردىڭ ءبىرى – قۇنى 440 ميلليون اقش دوللارى جانە قۋاتى جەتى ميلليون توننا بولاتىن بايىتۋ زاۋىتى. كلاستەرلىك سيپاتتاعى دامۋ كوم­پانيانىڭ گلينوزەم جانە اليۋ­ميني سەكتورىندا دا كورىنىس تاپ­قان: اليۋميني ءوندىرۋدى قامتا­ما­سىز ەتۋ ماقساتىندا قازاقستان ەلەك­تروليز زاۋىتىنىڭ نەگىزىندە جى­لىنا 150 ميلليون كۇيدىرىلگەن انود شىعاراتىن تسەح قۇرىلىسى ءجۇر­گىزىلۋدە. قازىر تاڭدا انودتار قى­تايدان يمپورتتالۋدا. كوم­پا­نيا اعىمداعى جارتىجىلدىقتا 103 مىڭ توننا اليۋميني ءوندىردى.          بۇل كورسەتكىش وتكەن جىلعىمەن سالىس­تىرعاندا 69 پايىزعا جوعارى. بوك­سيت پەن گلينوزەم ءوندىرىسى ءساي­كە­سىنشە جەتى پايىزعا جانە ءۇش پاي­ىزعا وسكەن. سونىمەن قاتار, كومپا­نيا گلينوزەم ءوندىرۋدى 1,7 ميلليون تونناعا ارتتىرۋ جۇمىستارى تۋرالى دا حابارلادى. بۇل جوباعا 305 ميل­ليون دوللار ينۆەستيتسيا تارتىلعان. جوبا 2011 جىلعا قاراي تولىق جۇزەگە اسىرىلادى. 2010 جىلى ما­مىر ايىندا قازاقستان ەلەكتروليز زاۋىتىنىڭ ەكىنشى كەزەگى قۇرى­لى­سى­نىڭ اياقتالۋى اليۋميني ءوندىرۋ كولەمىن ءبىرشاما ۇلعايتتى. ءناتي­جەسىندە, 2010 جىلدىڭ مامىر ايىن­دا  كاسىپورىننىڭ وندىرىستىك قۋا­تى جىلىنا 250 مىڭ توننا باستاپقى اليۋميني شىعارۋعا جە­تەدى. سالتاناتتى اشىلۋ راسىمىندە ەلباسى نۇرسۇلتان نازارباەۆ زاۋىتتى سەرپىندى جوبا دەپ اتاپ, ول “قازاقستاننىڭ “قاناتتى مەتالل” ءوندىرۋشى مەملەكەتتەر قاتارىنا قوسىلۋىنا جول اشادى” دەدى. زاۋىت قۇرىلىسىنا شامامەن 900 ميلليون دوللار قاراجات جۇمسالعان. ەنەرگەتيكا بولىمشەلەرى فەر­رو­قورىتپا, اليۋميني جانە تەمىر رۋدالى كاسىپورىندار ءوندىرىس قۋات­تارىنىڭ وسۋىنە سايكەس ءوز ءوندى­رىس­تەرىن دە ۇلعايتتى. كاسىپورىن­دار­دىڭ ەلەكتر ەنەرگياسىنا دەگەن ۇدە­مە­لى قاجەتتىلىكتەرىن قاناعاتتان­دىرۋ ماقساتىندا قۋاتى 325 مۆت بولاتىن ەكى ەنەرگوبلوكتى جوندەۋ ءۇشىن كومپانيا شامامەن 460 ميلليون دوللار قاراجات جۇمساماق. ونىمدەر پورتفەلىن ىلگەرى ءار­تا­راپتاندىرۋ جانە گەوگرافيالىق قا­تىناسۋ ماقساتىندا توپ ءبىرىنشى جار­تىجىلدىقتا M&A بويىنشا ءبىر­نەشە كەلىسىمدەرگە قول جەتكىزدى. زامبياداعى مىس پەن كوبالت ءون­دىرۋشى ءChambىshى كاسىپورنىنىڭ اكتيۆتەرى, وڭتۇستىك افريكاداعى كوش­باسشى پلاتينا ءوندىرۋشى كا­سىپورىن Northam ءPlatىnum اكتسيا­سىنىڭ 12,2 پايىزى ساتىپ الىندى. ءبىرىنشى جارتىجىلدىقتا مىس پەن كوبالت رۋداسى ءوندىرىسى سايكەسىنشە 729 جانە 479 مىڭ توننانى قۇرادى. بريتاندىقتاردى FTSE 100 يندەكسىنە ەنەتىن كومپانيالاردىڭ وپەراتسيوندىق قىزمەتى الاڭداتسا, قازاقستاندىقتاردى كومپانيانىڭ وتاندىق يندۋستريا مەن الەۋمەتتىك سالاعا كورسەتەتىن كومەگى قىزىق­تى­را­دى. توپتىڭ بارلىق كاسىپورىن­دارى ايماقتارداعى ءىرى ءارى قالا قۇ­رۋشى كاسىپورىندار بولىپ تا­بى­لادى. فەليكس ءۆۋليستىڭ ايتۋىنشا, الداعى جىلدارى 5,9 ميلليارد دوللار كو­لەمىندە كۇردەلى شىعىن­دار جوس­پار­لانعان. ونىڭ 5,3 ميل­لياردى قازاق­ستانعا ينۆەستيتسيا­لانا­دى. جىلدىڭ سوڭىنا دەيىن كۇردەلى شىعىندار شامامەن جارتى ميلليارد دوللاردى قۇرايتىن بولادى. جىل باسىندا تاراتىلعان ENRC-ءدىڭ ءباسپاسوز حابارلاما­لارىن­دا كومپانيا پاۆلودار, اقتو­بە, قاراعاندى جانە قوستاناي وبلىستارىنىڭ اكىمدىكتەرىمەن جيىنتىعى 4,8 ميلليارد تەڭگە بولاتىن قارىم-قاتىناس تۋرالى مەموراندۋمعا قول قويدى. مەمو­راندۋمدا تۇرعىن ءۇي قۇرىلىسى, مەديتسينالىق جانە ءبىلىم بەرۋ مە­كەمەلەرىن سالۋ, ينفراقۇرىلىمدى دامىتۋ, مادەنيەت پەن سپورتتى قولداۋ قاراستىرىلعان. سونىمەن قاتار, اعىمداعى جىل­دىڭ ەكىنشى توقسانى مەن تامىز ايىنىڭ باسىندا جاريالانعان جار­تىجىلدىق ناتيجەلەرى بويىنشا بريتاندىق, قازاقستاندىق جانە رەسەيلىك تالداماشىلاردىڭ كوم­پانيا اكتسيالارىنىڭ تارتىمدى­لىعى تۋرالى پىكىرلەرى ءدال كەلەدى. رەسەيلىك يۋنيكرەديت سەكيۋريتيز بەسىنشى تامىزدا بىلاي دەپ جازادى: “ENRC 2010 جىلدىڭ 2-توقسانىندا جاقسى ناتيجەلەر كورسەتىپ, كاسىپورىنداردىڭ تولىق وندىرىستىك قۋاتتا جۇمىس جاسايتىندىعىن حابارلادى. سونداي-اق, كومپانيا ءوندىرىس كولەمىنىڭ ۇلعايۋىنا قول جەتكىزدى”. بەدەلدى Morgan Stanley 18 تامىزدا جاريالاعان شولۋىندا كومپانيا اكتسيالارىن ساتىپ الۋعا كەڭەس بەرە وتىرىپ, بىلاي دەپ جازادى: “ENRC تۇراقتى قارجىلىق بالانس كورسەتەدى. ءبىزدىڭ بولجام­دارىمىز بويىنشا, كومپانيانىڭ ءوسۋى جالعاسىن تابۋى مۇمكىن”. سو­نىمەن قاتار, 18 تامىزدا ءCىtىgroup بىلاي دەپ جازادى: “ENRC – وزىندىك قۇنى ەڭ تومەن حروم جانە اليۋميني ءوندىرىسىنىڭ يەسى. وزىندىك ەلەكتر ەنەرگياسىنىڭ بولۋى باعا ءۇشىن ارتىقشىلىقتار بەرەدى. ءبىز ENRC كۇشتى بالانس پەن وپەر­تسيالىق يكەمدىلىككە يە دەپ ساناي­مىز. بۇل نارىق وزگەرىستەرىنە تەز بەيىمدەلۋگە جول اشادى”. شىنىندا دا, كومپانيا ءونىم قۇنىن ءارى قاراي تومەندەتۋ تۋرالى بىرنەشە رەت حابارلاعان. ايتالىق, اقتوبە فەرروقورىتپا زاۋىتىندا لو­گيستيكا مەن جۇمىس ۇدەرىسىن وڭ­تاي­لاندىرۋ ارقاسىندا ەنەرگە­تي­كا­لىق شىعىنداردى التى پايىزعا قىس­قارتىپ, ءوندىرىستى ءۇش پايىزعا ارتتىرۋعا قول جەتكىزدى. وسىنداي يگى باستامالاردى باسقا دا فەر­رو­قورىتپا زاۋىتتارىندا جۇزەگە اسىرۋ جوسپارلانۋدا. ءFAىRFAX ءتورتىنشى تامىزدا جارىق كورگەن ەسەبىندە بىلاي دەيدى: “ENRC بارلىق ءوندىرىس سالاسىندا ءساتتى جۇمىس جۇرگىزۋدە. فەررو­قو­رىت­پالار بولىمشەسىنىڭ ەلەۋلى ءتۇ­زە­لۋى ساتىلىمعا جاعىمدى اسەر ەتۋى ءتيىس. جالپى, ENRC اتالعان نارىق­تا ءوزىنىڭ ستراتەگيالىق ءتيىمدى پوزي­تسياسىن پايدالانۋعا ەرەكشە ءمۇم­كىندىككە يە”. ءىلياس وراقباي.