اربامەن جۇرەتىن مۇگەدەگى بار وتباسىلار ىڭعايلى پاتەرلەرگە يە بولدى

باسپانالى بولۋدى ادام ءومى­رىندەگى ەڭ باقىتتى ساتتەر دە­سەك, مۇمكىندىگى شەكتەۋلى مۇگە­دەك جانى بار وتباسىنا ولار­دىڭ كىرىپ-شىعۋىنا, ءجۇرىپ-تۇ­رۋىنا ىڭعاي­لى پاتەرگە يە بولۋ قۋانىشتىڭ تورەسى دەسەك تە بول­عانداي. جا­قىندا الماتى قالا­سىنىڭ اۋەزوۆ اۋدانىنا قاراس­تى وتەگەن باتىر كوشەسىنىڭ بوي­ىندا مۇگەدەكتەرى بار وتبا­سىلارىنا ەلىمىزدە تۇڭ­عىش رەت ارنايى سالىنعان تۇرعىن ءۇي پايدالانۋعا بەرىلدى. قالا بيۋد­جەتىنەن 227 ملن. تەڭگە بولىنگەن ءۇيدىڭ قۇرىلىسى وتكەن مامىر ايىندا باستالىپ, اينالاسى ءبىر جىلدىڭ ىشىندە اياقتالعان. ەڭ باستىسى, ءۇي مۇگەدەك جاندارعا قولايلى ەتىپ جاسالعان. – وسىنداي الەۋمەتتىك ءما­سە­لەلەرگە ەلباسىنىڭ تاپسىر­ما­سى بويىنشا كوپ ءمان بەرىپ كە­لەمىز جانە كەلەشەكتە دە وس­ىن­داي ءۇي­لەردى سالۋدى جوس­پار­لاپ وتىرمىز. سىزدەرگە وسى ۇيدە قولايلى ءومىر ءسۇرۋ ءۇشىن بارلىق جاعداي جاسال­دى, – دەدى جۇرت­شىلىقتى ايتۋلى قۋانىشىمەن قۇتتىقتاعان قالا اكىمى احمەت­جان ەسىموۆ. پاتەرلەر اۋدان اكىمدىكتە­رىن­دە 1988 جىلدان بەرى كەزەكتە تۇر­عان, حالىقتىڭ الەۋمەتتىك جا­عى­نان قورعالماعان توپتا­رى­نا جا­تاتىن 20 وتباسىنا بەرىلدى. قالا بوي­ىنشا مۇنداي توپتارعا جا­تاتىندار سانى 7 مىڭنان اسا­دى. گۇلزەينەپ سادىرقىزى.