جارىستار كۇندەلىگى

جەڭىل اتلەتيكا. ۆەتنام استا­ناسى حانوي قالاسىندا وتكەن جاسوسپىرىمدەر اراسىنداعى ازيا بىرىنشىلىگىنەن قازاقستاننىڭ بالعىن سپورتشىلارى تاماشا تابىسپەن ورالدى. ءبىزدىڭ جەتكىنشەكتەر چەم­پيو­ناتتا 8 مەدالدى تىزبەلەسە, سونىڭ 5-ءۋى التىن بولىپ شىقتى. اتاپ ايتقاندا, 100 جانە 200 مەترلەرگە جۇگىرۋدە الماتىلىق يۋليا گاۆري­لوۆا الدىنا ەشكىمدى سالماسا, بۇل جەتىستىكتى 4x100 مەترلىك ەستافەتادا قىزدار توبى (الماتىلىقتار ايگەرىم شىناسبەكوۆا, ۆيكتوريا زيابكينا, يۋليا گاۆريلوۆا, قاراعاندىلىق ولگا بلۋدوۆا), بيىككە سىرىقپەن سەكىرۋدە الماتىلىق نيكيتا فيليپ­پوۆ, 3 000 مەترگە كەدەرگىلەر ارقىلى جۇگىرۋدە قوستانايلىق زارينا مەڭ­تاەۆا قايتالادى. تاعى ءبىر بيىككە سىرىقپەن سەكىرۋشىمىز سەرگەي گريگو­رەۆ, كەدەرگىلى 400 مەترگە جۇگىرۋدە پەتروپاۆلدىق سۆەتلانا زاگوردنەۆا – كۇمىس, 10 000 مەترگە سپورتتىق ادىم­مەن جۇرۋدە الماتىلىق ش­پان قوجاحمەتوۆا قولا مەدالداردىڭ يەگەرلەرى اتاندى. ۆولەيبول. يراننىڭ ۋرۋمي قالا­سىندا ءىى ازيا كۋبوگى ءۇشىن جارىس اياقتالدى. شيرەك فينالدا قىتايدان 1:3 ەسەبىمەن ۇتىلعان قازاقستان ۆولەيبولشىلارى 1/4 ورىن ءۇشىن تالاستا اۆستراليادان 0:3 ەسەبىمەن تىزە بۇگىپ, 7-8 ورىن ءۇشىن شايقاستا جاپونداردى 3:1 ەتىپ جەڭدى. ال جەڭىس تويىن تۋرنيردە بىردە-ءبىر جەڭىل­مەگەن يران كومانداسى تويلادى. باسكەتبول. ليۆان استاناسى بەي­رۋت قالاسىندا ءوتىپ جاتقان ستان­كو­ۆيچ كۋبوگى ءۇشىن جارىسقا قاتىسقان قازاقستان قۇراماسى شيرەك فينالعا شىقتى. ءتۋرنيردىڭ “ا” توبىندا 4-ءشى بولعان ءبىزدىڭ ويىنشىلار ەندى ەك­ىنشى توپتىڭ ەكىنشى كارزەڭكەسى اتان­عان ليۆان قۇراماسىمەن كۇش سىناسادى. قازاق باسكەتبول ۇجىمى بۇعان دەيىنگى ويىندارىن مىناداي ەسەپتەرمەن اياقتادى: يراك – 76:65, تايۆان - 64:80, يران – 80:67, جاپونيا – 57:100. فۋتبول. تامىزدىڭ 17 جانە 18-ءى كۇندەرى چەمپيوندار ليگاسىندا كەزەك­تى ءۇشىنشى پلەي-وفف راۋن­دىنىڭ ءبى­رىنشى ويىنى بولىپ ءوتتى. بۇل كۇندەرى رەسەيلىك “زەنيت” فران­تسۋزدىڭ “وسە­رىن” 1:0 ەسەبىمەن ۇتسا, ۋكراي­نالىق “دينامو” گوللانديا­نىڭ “اياك­سىمەن” 1:1 بولىپ تەڭ وي­نا­دى. تامىزدىڭ 17-سىندە ەۋروپا لي­گا­سىندا دا وسىنداي پلەي-وففتىڭ ال­عاشقى ەكى ويىنى وينالدى. مۇندا گرەك­تىڭ ء“اريسى” اۆس­تريانىڭ “اۋس­تريا­سىن” 1:0, تۇرىكتىڭ “بەشيكتاشى” ءفيننىڭ حيك كومان­داسىن 2:0 ەسەپ­تەرىمەن جەڭدى. ال “اق­توبە” كو­مان­داسى كەشە تۇندە گول­لان­ديانىڭ “الكماار” كومانداسىمەن قو­ناقتا ءبىرىنشى ويىنىن وتكىزدى. “ەگەمەن-اقپارات”.