ۇركەر اۋعان شاق

فۋتبول بىرىنشىلىگىندە كوماندالاردى ەكى بولىككە ءبولدى قازاقستاننىڭ كەزەكتى ءXVىىى چەمپيوناتى تامىزدىڭ 14-ءى كۇنى ءبىر بەلەستەن استى. بۇل كۇنى 22-تۋردىڭ ويىندارىن ويناعان كوماندالار ءۇشىن بۇدان ارعى جول ەكى بولەك تارماققا ايىرىلدى. بىرىنشىلىكتەگى ۇركەر اۋعان شاقتاي بولىپ سەزىلەتىن وسى كەزەڭنەن باستاپ 12 كلۋبتىڭ ءبىر جارتىسى كۇن استىنان كۇمىس شۋاعى مول ورىن الۋعا ۇمتىلىپ, مەدال­دار­دىڭ ءتۇسى مەن سالماعى ءۇشىن كۇ­رەسكە كىرىسسە, ەكىنشى جارتىسى كەلەر جىلدىڭ قامىن وسى كۇننەن جاساپ, چەمپيوناتتىڭ جوعارى توبىندا قالا بەرۋ ءۇشىن اق تەر, كوك تەرگە كومىلگەلى تۇر. بىرىنشىلىكتىڭ ءبىرىنشى بولىگى بولىپ سانالاتىن العاشقى ەكى اينالىمنىڭ سوڭعى تۋرى كىم­نىڭ قاي باعىتتى بەتكە ۇستاي­تى­نىن انىقتادى. مۇندا العاشقى توپقا ەنگەن 5 كوماندا قاتا­رىندا كىمدەر بار ەكەنى بۇعان دەيىن بەلگىلى بولىپ تۇرسا, ال­تىنشى “باقىتتى بيلەتتى” كىمنىڭ سۋىراتىنى ءالى بەيمالىم ەدى. بۇل ورىنعا ءبىر-بىرىنەن ەكى ۇپايداي عانا ايىرىمى بار “اتىراۋ” جانە تالدىقور­عان­نىڭ “جەتىسۋ” كوماندالارى ءۇم­ىت­تى بولاتىن. سول ەكى ۇپاي ار­تىقشىلىعىنا يە اتىراۋلىقتار وسى كۇنى ءوز الاڭىندا توپ باسىنا تالاسۋشىلار ساپىنا ۇمتىلىپ كەلە جاتقان “اقتوبەنى” قابىلدادى دا, جەتى وزەندى ولكەنىڭ ورەندەرى قارا­عاندىدا “شاحتەرگە” قارسى شىقتى. ءبىر قىزىعى, بۇل ەكى ويىندا دا قوناقتار ءبىرىنشى بولىپ ەسەپ اشتى. جاعدايدىڭ بۇلايشا باستالۋى, البەتتە, مۇنايلى اتىراپتىڭ اياقدوپ شەبەرلەرىنە ۇناي قويعان جوق. سوندىقتان اتىراۋلىقتار “اقتوبە” ساپىنان 32 مينوتتە سماقوۆتىڭ اۆ­تور­لىعىمەن سوعىلعان گولىنان سوڭ ءبىر ءمينوت وتەر-وتپەستە تارازى باسىن تەڭەستىرىپ ۇلگەردى. سەبەبى, بۇل ساتتە قاراعاندى ستاديونىنداعى ەسەپ تە 1:1 بولىپ ۇلگەرگەن-ءتىن. وندا جەتى­سۋ­لىق مۋجيكوۆتىڭ 2-مينوتتە سوق­قان گولىنا كەنشىلەر 24-مينوتتە ءدجيديچتىڭ بەلسەندىلىگىمەن جاۋاپ قاي­تارعان. اقىرىندا التىلىق اياسى­نا ەنۋگە قۇشتار بولعان بۇل ەكى كو­مان­دا دا قارسىلاستار قاقپاسىنا سوڭ­عى جەڭىس دوبىن ءتۇسىرىپ, ەسەپتى 2:1-گە جەتكىزىپ توقتادى. وسى ەسەپ­تەردىڭ ءوزى اتىراۋلىقتاردىڭ الدىڭعى لەكتە قالا بەرەتىنىن ءبىرجولا ايعاقتاپ بەردى. تۋرداعى باسقا ويىندار دا اسا تار­تىستى ءوتتى. سولاردىڭ قاتارىنا تا­رازداعى ويىندى جاتقىزۋعا بولا­دى. وندا جەرگىلىكتى “تاراز” قوس­تانايدىڭ “توبىلىن” قابىلدادى. بۇعان دەيىن تۋرنير كەستەسىندە 44 ۇپايمەن جەكە-دارا توپ باستاپ كەلگەن قوستانايلىقتار بۇل كەزد­ە­سۋدىڭ باس قۇرامىنا پەتۋحوۆ, با­قاەۆ, نۇرعاليەۆ, يۋرين, يريسمەتوۆ سىندى بەلدى ويىنشىلارىن شىعار­عا­ن جوق. بۇعان قاراعاندا, الاڭ يە­لەرىنىڭ قۇرامى ناعىز جاۋىنگەرلىك سيپاتتا دەرلىكتەي ەدى. وسىنىڭ دا اسەرى بولدى ما, الدە باسقالاي سە­بە­بى بار ما, ايتەۋىر ماتچتىڭ ءبى­رىن­شى تايمىندا چەمپيوناتتىڭ كوش­باس­شىسى “توبىل” ەمەس, “تاراز” سي­­­ياق­تى بولىپ كورىندى. كەزدەسۋدىڭ وسى كەزەڭىندە الاڭ يەلەرى مەيمان­دار قاقپاسىن 8 مارتە نىساناعا السا, سونىڭ 5-ءۋى قاقپا شەڭبەرىنىڭ اۋقىمىنا تۋرالاي جەتتى. ال ق­و­ناق­تار بۇعان ءبىر عانا سوققىمەن جاۋاپ قايتارا ءبىلدى. وبالىنا نە كەرەك, تارازدىقتار ليدەر قاقپاسىنا گول سوعۋعا سونشالىقتى قۇشتار بولدى. بىراق, ول نيەت جۇزەگە اسا قويمادى. الاڭ يەلەرى شارشاپ قالدى ما, بولماسا قوناقتار ساپىنا تىڭنان مىق­تى ويىنشىلار قوسىلعانى ىق­پال جاسادى ما, ەكىنشى تايمدا وي­ىن­نىڭ سيپاتى مۇلدەم وزگەرىپ سالا بەردى. ەندى مەيماندار الاڭ يەلە­رىنىڭ قاقپاسىن ءجيى تورۋىل­داۋعا شىقتى. اقىرىندا قوس­تا­ناي­لىق­تار كاپيتانى جۇ­ماس­قاليەۆ مالىشەۆتىڭ اياعى اس­تى­نا ادەمى پاس شىعارىپ بەرىپ ەدى, ول ءمۇلت كەتە قويمادى. بۇل كەز­دە ماتچ­تىڭ بىتۋىنە 6 مي­نوت­تەي عانا ۋا­قىت قالعان. وسى ەس­ەپ, الاڭ يەلەرىنىڭ سوڭعى ىش­قى­نىسىنا قاراماستان, ويىن سو­ڭىنا دەيىن وزگەرمەدى. ءسوي­تىپ, جالعىز گول كەزدەسۋ تاعدى­رىن قوناقتاردىڭ پايداسىنا شەشىپ بەردى. بۇل كۇنى قالعان كوماندالار اراسىنداعى ويىندار مىناداي ەسەپتەرمەن اياقتالدى: “ەر­تىس” (پاۆلودار) – “اقجايىق” (ور­ال) 1:0, “وقجەتپەس” (كوكشە­تاۋ) – “ورداباسى” (شىمكەنت) 3:2, “قايرات” (الماتى) – “لوكوموتيۆ” (استانا) 2:2. مەرگەندەر: نۇربول جۇماس­قا­ليەۆ (توبىل) – 10, ۇلىقبەك با­قا­ەۆ (توبىل) – 10 (3), گلەب مالتسەۆ (ەرتىس) – 9, گەورگي داسكالوۆ (ەر­تىس) – 9 (1), يگور بۋگاەۆ (لوكو­مو­تيۆ) – 9(2). چەمپيوناتتىڭ كەلەسى كەزەڭى 22 تامىز كۇنى باستالادى. بۇل كۇنى 1-6 ورىندار ءۇشىن “توبىل” – “اتى­راۋ”, “ەرتىس” –“لوكوموتيۆ”, “اق­تو­بە” – “شاحتەر”, 7-12 ورىندار ءۇشىن “جەتىسۋ” – “وقجەتپەس”, “ور­دا­باسى” – “اقجايىق”, “قاي­رات” – “تاراز” كوماندالارى وينايدى. قورىتىندى تۋرنير كەستەسى ور.         كوماندالار         و             ۇ             ت             ج            دوپ        ۇپ 1              “توبىل”               22            14            5              3              37-15      47 2              “ەرتىس”  22            12            7              3              30-16      43 3              “اقتوبە”              22            11            4              7              32-22      37 4              “شاحتەر”              22            11            4              7              28-19      37 5              “لوكوموتيۆ”      22            11            3              8              33-21      36 6              “اتىراۋ”             22            11            3              8              29-26      36 7              “جەتىسۋ”              22            9              7              6              22-16      34 8              “ورداباسى”         22            8              6              8              20-20      30 9              “قايرات”              22            4              8              10            11-22      20 10            “تاراز” 22            4              6              12            21-33      18 11            “اقجايىق”          22            3              5              14            19-43      14 12            “وقجەتپەس”         22            3              4              15            16-45      13