ەل بەلەسىنەن سىر شەرتەدى

كەشە ەلورداداعى ۇلتتىق اكادەميالىق كىتاپحانادا “اتا زاڭىم – اسىل زاڭىم, قۋاتىم!” تاقىرىبىندا كىتاپ كورمەسى اشىلدى. ەل كونستيتۋتسياسى كۇنىنە ورايلاستىرىلعان بۇل كورمەگە استاناداعى “شىعىس” بالالار جانە جاسوسپىرىمدەر ورتالىعىنىڭ وقۋشىلارى, رەسپۋبليكالىق گۆارديانىڭ اسكەريلەرى شاقىرىلعان ەكەن. “بيىل تاۋەلسىز قازاقستان كونس­تيتۋتسياسىنىڭ 15 جىلدىعى. وسى كەزەڭ ارالىعىندا قازاق جە­رىندە مەملەكەتتىلىك پەن ەكونومي­كا­مىزدىڭ بەرىك ىرگەتاسى قالاندى. قازاقستاندىق پاتريوتيزم مەن قا­زاق­ستاندىق تەپە-تەڭدىك قالىپتاس­تى­رىلىپ, ۇلتارالىق كەلىسىممەن, قوعامدىق تۇراقتىلىقپەن قامتاما­سىز ەتۋدىڭ وزىندىك مودەلى جۇزەگە اسىرىلدى. بۇگىندە ەلىمىز جان-جاق­تى ءارى جەدەل دامۋ جولىن تاڭدادى. ال ەلىمىز جەتكەن جەتىستىكتەر مەن وزگەرىستەردىڭ بارلىق ۇدەرىستەرىنىڭ باستاۋى ەل  كونستيتۋتسياسى ەكەنى اي­قىن”, – دەدى كورمەگە شولۋ جاساعان كىتاپحانا قىزمەتكەرى ال­ما­گۇل ىسقاقوۆا. دەموكراتيالىق قوعام مەن قۇ­قىق­تىق مەملەكەت قۇرۋدىڭ نەگىزى – كونستيتۋتسيا كۇنىنە ارنالعان كورمە بىرنەشە بولىمنەن تۇرادى. ولار “پرەزيدەنت. پارلامەنت. ۇكى­مەت”, “كونستيتۋتسيا – قۇقىقتار كەپىلى”, “قازاقستان مەملەكەتتىلى­گى­نىڭ تاريحى”, “قازاقستان – جا­سامپاز جەتىستىكتەر جولىندا” دەپ اتالادى. كورمەگە ەلباسىنىڭ “عاسىرلار توعىسىندا”, “تاريح تولقىنىندا”, “سىندارلى ون جىل” سەكىلدى كوپ­تەگەن كىتاپتارى مەن قازاقستاننىڭ ەقىۇ-عا توراعالىق ەتۋىنە قاتىستى جازىلعان ارنايى ەڭبەكتەر, سوت جۇيەسى مەن قۇقىق سالالارىنا ارنال­عان كىتاپتار قويىلعان ەكەن. “بۇل كورمەنىڭ سورەسىندە ءتۇرلى تاقىرىپقا سايكەس 450-گە جۋىق كىتاپ پەن فوتوسۋرەتتەر, باسقا دا ماڭىزدى قۇجاتتار قويىلعان. بۇ­لاردىڭ بارلىعىن ەلىمىزدىڭ تاۋەل­سىزدىك تىزگىنىن قولعا العان جىل­داردان بەرگى جەتكەن جەتىستىكتەرى مەن باعىندىرعان بەلەستەرىنىڭ كو­رى­نىسى, ايقىن دالەلى دەسەك تە بولا­دى”, دەيدى الماگۇل ساكەنقىزى. ال  رەسپۋبليكالىق ۇلاننىڭ شۇعىل ماقساتتى روتاسىنىڭ قاتار­داعى جاۋىنگەرى ەرلان ۋسكەنوۆ ءوز سوزىندە كورمەگە قويىلعان ەڭبەكتەر مەن قۇجاتتاردىڭ ماڭىزدىلىعىنا توقتالىپ, ولاردىڭ ءار پاراعى تۇنعان تاريح ەكەنىن اتاپ ءوتتى. “بۇل جەردەگى ماتەريالدار قازاقستاننىڭ ءار جىلداردا ءجۇرىپ وتكەن جولىنان حابار بەرەدى. بولاشاققا باعدار جاساۋعا مۇمكىندىك الاسىڭ. سوندىقتان, مۇنداي شارالاردىڭ ورنى ايرىقشا”, – دەيدى ۇلاندىق سارباز. ءلايلا ەدىلقىزى.