ەلىمىزدە جاپپاي پوليoميەليتكە قارسى يممۋنداۋ جۇرگىزىلەدى

الماتىدا رەسپۋبليكالىق سانيتارلىق-ەپيدەميولوگيالىق  ساراپتاۋ جانە مونيتورينگ عىلىمي-پراكتيكالىق ورتالىعىندا دەنساۋلىق ساقتاۋ مينيسترلىگى مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ توراعاسى, ەلىمىزدىڭ باس مەملەكەتتىك سانيتارلىق دارىگەرى كەڭەس وسپانوۆتىڭ قاتىسۋىمەن پوليوميەليتكە قارسى يممۋنداۋ   جايىندا ءباسپاسوز ءماسليحاتى ءوتتى. دۇۇ-نىڭ بالالار قورى ساراپشىلارىنىڭ, اقش-تىڭ جۇقپالى اۋرۋلاردى باقىلاۋ ورتالىعى وكىلدەرى مەن جاۋاپتى عالىم-مامانداردىڭ قاتىسۋىمەن بولعان القالى جيىندا باس سانيتارلىق دارىگەر قازاقستاننىڭ بارلىق اۋماعىندا قىركۇيەكتىڭ 6-11-ءى ارالىعىندا 6 جاسقا دەيىنگى بالالاردى پوليوميەليتكە قارسى يممۋنداۋ جۇرگىزىلەتىنىن مالىمدەدى. – كورشى ەلدەردە پوليوميەليت­پەن سىرقاتتانۋ بويىنشا ەپيدە­ميالىق جاعدايدىڭ كۇردەلەنىپ كەتۋىنە وراي, قازاقستاننىڭ بارلىق اۋماعىندا قىركۇيەك ايىنىڭ 6-11 ارالىعىندا 6 جاسقا دەيىنگى بالا­لار­دى پوليوميەليتكە قارسى قو­سىمشا ءبىر قايتارا جاپپاي يممۋن­داۋ جۇرگىزىلەدى, – دەدى كەڭەس وسپا­نوۆ. – ۆاكتسينالاۋدى ۇيىمداستىرۋ بويىنشا ءىس-شارالار جوسپار بوي­ىنشا دايىندالۋدا. ماسەلەن, 6500 ەگۋ پۋنكتتەرىندە 4200 بريگادا, ال, ەلدى مەكەندەردەن الىس جاتقان جەر­لەردە كوشپەلى 1200-دەن اسا بريگادا جۇمىس ىستەيتىن بولادى. اتالمىش شاراعا 8400 دارىگەر-فەلدشەر مەن 5700-دەي ۆاكتسينا­تور­لار تارتىلماق. باس سانيتارلىق دارىگەردىڭ ايتۋ­ىن­شا, ەڭ ءتيىمدى سانالاتىن ۆاكتسينا بەلگيا ەلىنەن ساتىپ الىنىپ, ددۇ-مەن سەرتيفيكاتتالعان. بۇل يم­مۋنداۋ شاراسىن جۇرگىزۋگە مەم­لەكەتتىك بيۋدجەتتەن 64 ملن. قارا­جات ءبولىنىپ, قىركۇيەك ايىنىڭ 11-نە دەيىن 1 ميلليون 800 مىڭ بالانى ەگۋ جوسپارلانعان. جالپى ۆاكتسينالاۋ ەگۋ ارقىلى ەمەس, ءدامى ءتاتتى سۇيىق زاتتى بالا­نىڭ اۋزىنا تامىزۋ ارقىلى جۇزەگە اسىرىلادى. سونداي-اق, بۇگىنگە دەيىن يممۋنداۋ جۇرگىزۋ بويىنشا دارىگەرلەر اراسىندا ارنايى سەمي­نارلار, دارىستەر, دوڭگەلەك ۇستەل­دەر, ءتۇسىندىرۋ,   دايىندىق جاتتىعۋ جۇمىستارى جۇرگىزىلگەن. ال دۇۇ بالالار قورىنىڭ قولداۋىمەن 630 مىڭ باسپا ماتەريالدارى, بۋك­لەتتەر مەن پاراقشالار دايىن­دالعان. جىلىنا ەلىمىزدىڭ شەكاراسى بويىنشا 8 ملن. 100 مىڭ شەتەل­دىك­تەر وتەتىنىن, اسىرەسە, پوليوميەليت ورىن العان تاجىكستاننان قازاق­ستانعا 25682 ادام وتكەنىن جەتكىزگەن كەڭەس وسپانوۆ بۇل اۋرۋدىڭ كىرۋ قاۋپى بار ەكەندىگىنە توقتالا كەلىپ,   پوليوميەليت مۇگەدەكتىككە, ولىمگە سوقتىراتىندىقتان  بارلىق اتا-انالاردى بۇل شاراعا جاۋاپكەر­شى­لىكپەن قاراۋعا شاقىردى. گۇلزەينەپ سادىرقىزى.