ورالدا سامبودان قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جۇلدەسى ءۇشىن الەم كۋبوگى كەزەڭى اياقتالدى. بايراقتى باسەكەگە قازاقستان, رەسەي, بەلارۋس, گرۋزيا, ۋكراينا, ءازىربايجان, تاجىكستان, ارمەنيا, وزبەكستان, قىرعىزستان مەملەكەتتەرىنەن كەلگەن بارلىعى ون كوماندا قاتىستى.
جارىستىڭ اشىلۋ سالتاناتىندا ءسوز سويلەگەن باتىس قازاقستان وبلىسىنىڭ اكىمى باقتىقوجا ءىزمۇحامبەتوۆ ورالدا سامبودان الەمدىك دەڭگەيدەگى دودا وسىمەن ءۇشىنشى رەت ۇيىمداستىرىلىپ وتىرعاندىعىن, جالپى قازاق سامبوسى تاريحىندا جۇزدەگەن اق جايىق سپورتشىلارىنىڭ ەسىمدەرى التىن ارىپتەرمەن جازىلعاندىعىن, سولاردىڭ ىشىنەن الەم چەمپيوندارى اسقار شايحيەۆ, قونىس جەتپىسوۆ, ەربولات بايباتىروۆ ەسىمدەرىنىڭ ەل جادىنا ابدەن ءسىڭىستى بولعاندىعىن باسا ايتتى. ورال سامبوسىن دامىتۋعا ەرەن ەڭبەك سىڭىرگەن باتىر قۋانىشەۆ, قامەش يسماعۇلوۆ, ءمۇسىلىم وڭداعانوۆ, نۇرلان قاۋمەتوۆ سەكىلدى باپكەرلەردىڭ اتىنا وسى كەشتە ءبىراز جىلى ءسوز ەستىدىك.
ەكى كۇنگە سوزىلىپ, ءۇش كىلەمدە وتكەن بەلدەسۋلەر ەشقانداي توسىن سىي اكەلە قويعان جوق. توعىز سالماقتىڭ بەسەۋىندە قازاق ورەندەرى باس بايگەنى جەڭىپ الدى. ءبىر ءاتتەگەن-ايى اۋىر سالماقتاردا تاجىكتەر توپ جاردى. ەڭ تارتىستى باسەكە 57 كيلو سالماقتا ورالدىق بالۋاندار, ەكى دۇركىن الەم چەمپيونى ەربولات بايباتىروۆ پەن اسحات شايحيەۆ اراسىندا ءوربىدى. ءبىر زالدا جاتتىعاتىن سىرالعى قوس قارسىلاس اڭدىسىپ ۇزاق ءجۇردى. اقىرى بەلدەسۋ بىتۋگە از قالعان ۋاقىتتا ءبىر ۇپاي الىپ ۇلگەرگەن الەم چەمپيونىنىڭ مەرەيى ۇستەم بولدى. اتاقتى سامبوشى اسقار شايحيەۆتىڭ ۇلى اسحات بولسا ءوزىنىڭ بولاشاعى زور ەكەندىگىن كورسەتتى.
جارىستىڭ جابىلۋ راسىمىنە قاتىسقان وبلىس اكىمىنىڭ ءبىرىنشى ورىنباسارى نۇرلان نوعاەۆ تۋرنيردىڭ اسا جوعارى دەڭگەيدە وتكەندىگىن اتاپ ءوتىپ, بارلىق جەڭىمپازدار مەن جۇلدەگەرلەردى قىزۋ قۇتتىقتادى. “كۇش اتاسىن تانىماس”, دەگەنمەن بۇل جارىستا جەڭىلگەندەر جوق, ءبارىڭىز دە جەڭىمپازسىزدار”, دەدى نۇرلان اسقار ۇلى.
كەرەي قويشىبەك, قازاقستان قۇراماسىنىڭ اعا جاتتىقتىرۋشىسى:
– بۇگىنگى بايراقتى باسەكە الداعى الەم چەمپيوناتى قارساڭىندا شاما-شارقىمىزدى كورسەتەتىن وتە جاۋاپتى سىن. دۇنيەجۇزىلىك دودا 7-11 قاراشادا تاشكەنتتە وتەدى. ورال كىلەمىندە كوماندالىق باس بايگەمەن قاتار بالۋاندارىمىزدىڭ بابىن بايقادىق. جەتپەي تۇرعان, ولقى تۇسكەن تۇستارىمىزدى, تاكتيكالىق, پسيحولوگيالىق دايارلىعىمىزدى تاعى ءبىر پىسىقتاپ الدىق. قۇراماداعى ەكى دۇركىن الەم چەمپيونى ەربولات بايباتىروۆ, الەم چەمپيونى داۋرەن جايناقوۆ سەكىلدى تاجىريبەلى سامبوشىلارعا سوڭعى جىلدارى قوسىلعان جاس بۋىننىڭ اياق الىسى قۋانتادى. ولاردىڭ ەسىمدەرى ازىرگە كوپشىلىككە تانىمال ەمەس, الايدا الەم چەمپيوناتىندا جاڭا جۇلدىزدار پايدا بولارىنا سەنىمدىمىن.
جالپىكوماندالىق ەسەپتە باس بايگەنى قازاقستان قۇراماسى جەڭىپ السا, ەكىنشى ورىنعا تاجىكتەر, ءۇشىنشى ورىنعا گرۋزيندەر تابان تىرەدى.
توقتار كەنجەعاليەۆ, جۋرناليست.
تەمىر قۇسايىن, ورال.
جارىستىڭ اشىلۋ سالتاناتىندا ءسوز سويلەگەن باتىس قازاقستان وبلىسىنىڭ اكىمى باقتىقوجا ءىزمۇحامبەتوۆ ورالدا سامبودان الەمدىك دەڭگەيدەگى دودا وسىمەن ءۇشىنشى رەت ۇيىمداستىرىلىپ وتىرعاندىعىن, جالپى قازاق سامبوسى تاريحىندا جۇزدەگەن اق جايىق سپورتشىلارىنىڭ ەسىمدەرى التىن ارىپتەرمەن جازىلعاندىعىن, سولاردىڭ ىشىنەن الەم چەمپيوندارى اسقار شايحيەۆ, قونىس جەتپىسوۆ, ەربولات بايباتىروۆ ەسىمدەرىنىڭ ەل جادىنا ابدەن ءسىڭىستى بولعاندىعىن باسا ايتتى. ورال سامبوسىن دامىتۋعا ەرەن ەڭبەك سىڭىرگەن باتىر قۋانىشەۆ, قامەش يسماعۇلوۆ, ءمۇسىلىم وڭداعانوۆ, نۇرلان قاۋمەتوۆ سەكىلدى باپكەرلەردىڭ اتىنا وسى كەشتە ءبىراز جىلى ءسوز ەستىدىك.
ەكى كۇنگە سوزىلىپ, ءۇش كىلەمدە وتكەن بەلدەسۋلەر ەشقانداي توسىن سىي اكەلە قويعان جوق. توعىز سالماقتىڭ بەسەۋىندە قازاق ورەندەرى باس بايگەنى جەڭىپ الدى. ءبىر ءاتتەگەن-ايى اۋىر سالماقتاردا تاجىكتەر توپ جاردى. ەڭ تارتىستى باسەكە 57 كيلو سالماقتا ورالدىق بالۋاندار, ەكى دۇركىن الەم چەمپيونى ەربولات بايباتىروۆ پەن اسحات شايحيەۆ اراسىندا ءوربىدى. ءبىر زالدا جاتتىعاتىن سىرالعى قوس قارسىلاس اڭدىسىپ ۇزاق ءجۇردى. اقىرى بەلدەسۋ بىتۋگە از قالعان ۋاقىتتا ءبىر ۇپاي الىپ ۇلگەرگەن الەم چەمپيونىنىڭ مەرەيى ۇستەم بولدى. اتاقتى سامبوشى اسقار شايحيەۆتىڭ ۇلى اسحات بولسا ءوزىنىڭ بولاشاعى زور ەكەندىگىن كورسەتتى.
جارىستىڭ جابىلۋ راسىمىنە قاتىسقان وبلىس اكىمىنىڭ ءبىرىنشى ورىنباسارى نۇرلان نوعاەۆ تۋرنيردىڭ اسا جوعارى دەڭگەيدە وتكەندىگىن اتاپ ءوتىپ, بارلىق جەڭىمپازدار مەن جۇلدەگەرلەردى قىزۋ قۇتتىقتادى. “كۇش اتاسىن تانىماس”, دەگەنمەن بۇل جارىستا جەڭىلگەندەر جوق, ءبارىڭىز دە جەڭىمپازسىزدار”, دەدى نۇرلان اسقار ۇلى.
كەرەي قويشىبەك, قازاقستان قۇراماسىنىڭ اعا جاتتىقتىرۋشىسى:
– بۇگىنگى بايراقتى باسەكە الداعى الەم چەمپيوناتى قارساڭىندا شاما-شارقىمىزدى كورسەتەتىن وتە جاۋاپتى سىن. دۇنيەجۇزىلىك دودا 7-11 قاراشادا تاشكەنتتە وتەدى. ورال كىلەمىندە كوماندالىق باس بايگەمەن قاتار بالۋاندارىمىزدىڭ بابىن بايقادىق. جەتپەي تۇرعان, ولقى تۇسكەن تۇستارىمىزدى, تاكتيكالىق, پسيحولوگيالىق دايارلىعىمىزدى تاعى ءبىر پىسىقتاپ الدىق. قۇراماداعى ەكى دۇركىن الەم چەمپيونى ەربولات بايباتىروۆ, الەم چەمپيونى داۋرەن جايناقوۆ سەكىلدى تاجىريبەلى سامبوشىلارعا سوڭعى جىلدارى قوسىلعان جاس بۋىننىڭ اياق الىسى قۋانتادى. ولاردىڭ ەسىمدەرى ازىرگە كوپشىلىككە تانىمال ەمەس, الايدا الەم چەمپيوناتىندا جاڭا جۇلدىزدار پايدا بولارىنا سەنىمدىمىن.
جالپىكوماندالىق ەسەپتە باس بايگەنى قازاقستان قۇراماسى جەڭىپ السا, ەكىنشى ورىنعا تاجىكتەر, ءۇشىنشى ورىنعا گرۋزيندەر تابان تىرەدى.
توقتار كەنجەعاليەۆ, جۋرناليست.
تەمىر قۇسايىن, ورال.
