جامبىلدىڭ جامپوزى – وليمپيادا چەمپيونى!

ەر قۋانىشى – ەل قۋانىشى! جاسوسپىرىمدەر اراسىنداعى تۇڭعىش جازعى وليمپيا ويىندارىندا تاراز قالاسىنىڭ تۋماسى, جاس بالۋان ءجا­نىبەك قاندىباەۆ 69 كگ. سالماقتا ءتورت رەت كىلەمگە شىعىپ, ەل سپورتشى­لا­رىنىڭ اتىنان العاشقى التىن مە­دال­عا يە بولدى دەگەن قۋا­نىشتى حا­باردى ەستي سالىسىمەن كۇرەس تۇرلە­رىنەن ول­يم­پيادا جەتكىنشەكتەرىن دا­يارلايتىن مامانداندىرىلعان وبلىس­تىق №7 بالالار مەن ءجاسوس­پى­رىمدەر سپورت مەكتەبىنە قاراي قۇستاي ۇشتىق. مەكتەپ ديرەكتورى ءارى جانىبەك­تىڭ بابىنا جاۋاپتى باپكەرلەردىڭ ءبىرى, سپورت شەبەرى كەنجە ناۋاتوۆ شاكىر­تىمەن بىرگە سينگاپۋردە ءجۇر ەكەن. ءبىزدى ديرەكتوردىڭ ورىنباسارى قونىس تۇراروۆ پەن جانىبەكتىڭ اكەسى جۇماسەيىت قاندىباەۆ قارسى الدى. ءبىر-ءبىرىمىزدى قۇتتىقتاپ, قاۋقىلداسا امانداسىپ جاتىرمىز. جانىبەك 1993 جىلى 28 جەلتوق­سان­دا دۇنيەگە كەلىپتى. گرەك-ريم كۇرەسىنەن سپورت شەبەرى. ماسكەۋ وليمپياداسى­نىڭ جەڭىمپازى, بالۋان جاقسىلىق ۇشكە­مپىروۆ جۇلدەسىنە ارنالعان حا­لىق­ارالىق جارىستىڭ جەڭىمپازى. رە­سەيدەگى اعاي­ىندى سامۋرگاشەۆتار ءجۇل­دەسىنە ارنالعان حالىقارالىق جارىس­تىڭ كۇمىس جۇلدەگەرى. اكەسى جۇماسەيىت پەن مەكتەپ ديرەكتورى كەنجە ناۋاتوۆ جانە رىسبەك نۇرعازين جەكە باپكەر­لەرى بولىپ شىقتى. ال جاس بالۋاندى سينگاپۋر سىنىنا باس باپكەر سەرىك جۇماشەۆ دايىنداعان. جاسوسپىرىمدەر اراسىنداعى وليم­پيا­دانىڭ تۇڭعىش چەمپيونى سپورت­تاعى العاشقى جولىن 2004 جىلى تاراز قالا­سىنداعى “داۋلەت” كاسىپتىك سپورت كلۋبى­نان باستاپتى. بۇل مەكتەپكە ونى العاش رەت سپورت شەبەرى, بالۋان اعاسى نۇربەك جەتەلەپ اپارعان ەكەن. ال جالپى ءبىلىمدى وبلىس ورتالىعىنداعى №45 باۋىرجان مومىش ۇلى اتىنداعى مەكتەپ-گيمنازيادا الىپ, كۇرەس ونەرىندەگى بابىن ارتتىرا ءتۇسۋ ءۇشىن جوعارى سىنىپتاردى استا­ناداعى قاجىمۇقان مۇڭايتپاسوۆ اتىن­داعى سپورتتاعى دارىندى بالالارعا ار­نال­عان رەسپۋبليكالىق مەكتەپ-ينتەرناتتا بىتىرەدى. ءسويتىپ تۋعان قالاسى تارازعا كەلىپ, جوعارى وقۋ ورنىنا ءتۇستى. قازاقتىڭ “باپ شابا ما, باق شابا ما؟” دەگەن ءسوزى, تەگىندە, راس. ايتپەسە, بۇل ءدۇبىرلى دوداعا ءابۋناسىر نىشانوۆ دەگەن تالانتتى بالۋان بارۋعا ءتيىس ەكەن. وليم­­پيادا جولداماسىن ساراپقا سالاتىن تاش­كەنت تۋرنيرىندە جەڭىسكە جەتكەن ول, وكى­نىشكە قاراي, ءتۇر­كياداعى حالىقارالىق جارىستا قولىن جارا­قاتتاپ الىپتى دا, جول جانىبەككە بۇيىرىپتى. جانىبەك تە “دايىن اسقا تىك قاسىق” ەمەس, ەل ءجاسوس­پى­رىم با­لۋان­دارى اراسىندا “ەكىنشى ءنو­مىرلى بالۋان” دەگەن اتى بار. دەگەنمەن, ول ءوزىنىڭ باستى باسەكەگە لايىقتى ەكەنىن ازيا چەمپيونىن جەڭە وتىرىپ دالەلدەيدى. سونىمەن قازاقستاندىق جاس جامپوز سينگاپۋر وليمپياداسىنىڭ بوز كىلەمىن­دە ءا دەگەندە كولۋمبيالىق كارلوس ۆالور­دى, ودان كەيىن بەلارۋس الەكساندر نە­داش­كوۆسكيدى 3:1 ەسەبىمەن ۇتتى, نيكارا­گۋالىق قارسى­لاسى جوزە گونسالەستى 4:0 ەسەبىمەن ايقىن جەڭدى. ال اقتىق بەلدەسۋدە تۇرىك بالۋانى مۋسا گەديكتەن 3:1 ەسەبىمەن ايلا­سىن اسىردى. ءسويتىپ, الەمدىك سپورت تاري­حىنا العاش رەت التىن ارىپتەرمەن جازىلىپ وتىرعان ءجاسوسپى­رىم­دەر وليمپياداسىندا چەمپيون اتانىپ, وسىناۋ بەدەلدى اتاققا تۇڭعىشتاردىڭ ءبىرى بولىپ قول جەتكىزدى. “الىپ انادان تۋادى”. جانىبەكتىڭ اناسى روزانىڭ ماماندىعى – ەسەپشى. بۇگىندە ول ءوزىنىڭ كىشكەنتاي دۇكەنىن “ەرمەك” ەتىپ ءجۇر. ال اكەسى جۇماسەيىت – الماتى دەنە تاربيەسى ينستيتۋتىنىڭ تۇلەگى. كەزىندە ول دا كۇرەستەن ەل چەمپيونى اتانعان سپورتشى. ۋىزداي ۇيىعان تاتۋ-ءتاتتى وتباسى ەكى ۇل, ءبىر قىز تاربيەلەپ وتىر. “اكەگە قاراپ ۇل وسەر” دەگەن. ەكى ۇل دا جۇماسەيىتكە تارتتى. – چەمپيون ۇلىڭمەن سويلەستىڭ بە؟ – دەدىك ءبىز جۇماسەيىتكە. – جوق, – دەدى ول, – جەڭىسكە جەتكەن كۇنى كەنجە تەلەفون شالىپ, “بالاڭ چەمپيون بولدى!” دەپ قۇتتىقتادى. مەن “راحمەت!” دەگەنشە, تەلەفون ءۇزىلىپ كەتتى... جۇماسەيىتتىڭ جۇزىنەن قۋانىش تا­­بى ءالى باسىلماعان. تولقىپ ءجۇر. قۋا­­نىپ ءجۇر. “سۇيەر ۇلىڭ بولسا, سەن ءسۇي, سۇيىنەرگە جارار ول” دەگەن وسى دا. ال زۋلفيا چينشانلو (58 كگ. دەيىن) 225 كگ. كوتەرىپ, كۇمىس جۇلدەگە يە بولدى. كەشە بەت قاتتالىپ جات­قان­دا اۋىر اتلەتيكادان 242 كگ. زىلتەمىردى باسىنان اسىرعان جازيرا جاپارگۇل (63 كگ.) وليمپيادا چەمپيونى اتاندى. كوسەمالى ساتتىباي ۇلى, تاراز. سۋرەتتە: جاس بالۋان جانىبەك قان­دى­باەۆ.