كۋبوك جولىنداعى كەزەكتى ايقاس

الماتىدا قازاقستان بوكس فەدەراتسياسىنىڭ كۋبوگى جولىندا ءوتىپ جاتقان جەكپە-جەكتەردىڭ كەزەكتىسى ءوتتى. بۇل جولى “وڭتۇستىك” ديۆي­زي­و­نىنا كىرەتىن جامبىل وبلىسى مەن الماتى قالاسىنىڭ بوكسشىلارى قولعاپ ءتۇيىستىردى. وڭتۇستىك ءوڭىردىڭ بوكس جانكۇيەرلەرى كوپتەن بەرى كۇت­كەن جەكپە-جەكتە جامبىلدىق ءور­ەندەر 18:12 ەسەبىمەن جەڭىسكە جەتتى. الماتىدا قاجىمۇقان مۇنايت­پاس­ ۇلى اتىنداعى رەسپۋبليكالىق سپورت كوللەدجىنىڭ ارەناسىندا وتكەن ايقاستارعا ەكى جاقتىڭ دا بوكس­شى­لارى جاقسى دايىندىقپەن كەل­گەن­دەرىن كورسەتتى. مۇنىڭ الدىندا شى­عىس قازاقستان مەن الماتى وبلى­سى­نىڭ اراسىندا بولعان كەزدەسۋگە وسى كوماندالاردى باستاپ كەلگەن ەرلان موجانوۆ پەن ەدىل تۇرسىنوۆتىڭ شاكىرتتەرىن جاقسى دايىنداعانى سياقتى بولات نيازىمبەتوۆ پەن نۇرلان اقۇرپەكوۆ (جامبىل وبلى­سى) بوكسشىلارىن الماتى ارەنا­سى­نا قايراپ شىعاردى. سونىڭ ءناتي­جەسىندە ون سالماقتاعى سىنداردىڭ ءبارى دە قىزىقتى جانە تارتىستى, جانكۇيەرلەردىڭ ءىشىن پىستىرماي, كو­ڭىلدەرىنەن شىعاتىنداي ءوتتى. مۇن­دا ەڭ جەڭىل, ياعني 49 كگ. سالماقتا اۋەلى الماتى قالاسىنىڭ وكىلى ءانۋار مۇزافاروۆ جەڭىسكە جەتتى. ول تارازدىق نۇرلان ءابدىرايىموۆتى 11:6 ەسەبىمەن ۇتسا, كەلەسى, 52 كگ. سالماقتا شارشى الاڭعا شىققان بەلگىلى بوكسشى ولجاس ساتتىباەۆ ال­ماتىلىق حابيبوللا يسمايل-احۋ­نوۆ­تى ادەمى جەڭىپ, كوماندالار ارا­سىنداعى ەسەپتى تەڭەستىردى. بۇل كەز­دەسۋدە ول قارسىلاسىن 5:3 ەسەبىمەن ۇتىپ, ونىڭ رينگتە ەركىن قيمىل­داۋى­نا ەش مۇمكىندىك بەرمەدى. وسى­دان كەيىن ونىڭ جەرلەستەرى مۇحيت امانتاەۆ (56 كگ.) پەن عاني جايلاۋ­وۆ (60 كگ.) ەسەپتى ەسەلەپ, وزدەرىنەن تاجىريبەسى ازداۋ بوكسشىلاردان با­سىم ءتۇستى. ال كەلەسى, 64 كگ. سالماقتا الماتىلىق باتىرجان جۇكەنباەۆ قارسىلاسىن 5:1 ەسەبىمەن جەڭسە, ودان كەيىن شارشى الاڭعا كوتەرىلگەن تا­رازدىق بوكسشىلار ماقسات الىمباەۆ (69 كگ.), حۋسان بايماتوۆ (75كگ.) پەن الەكساندر موسكوۆسكي (81 كگ.) ءوز سالماقتارىندا جەڭىسكە جەتتى. وسى كۇنى الماتى قالاسىنىڭ اتىنان سىنعا تۇسكەن نۇرجان تۇرعىجينوۆ (91 كگ.) پەن رۋستەم ىرگەباەۆ (91 كگ. جو­عارى) سوڭعى جەكپە-جەكتەردە قار­سىلاستارىنان باسىم ءتۇستى. مۇ­ن­دا نۇرجان ۆياچەسلاۆ شابرانسكيدى 1:0 ەسەبىمەن ۇتسا, رۋستەم 4:2 ەسەبىمەن يۆان بەزۆيارحيدى ادەمى تىزە بۇكتىردى. ەندى كەلەسى جەكپە-جەك 21 تامىز كۇنى شىمكەنت قالاسىندا وڭتۇستىك قازاقستان مەن قىزىلوردا وبلىستا­رىنىڭ اراسىندا وتەدى. وسى ورايدا قازاقستان بوكس فەدەراتسياسىنىڭ كۋبوگى سياقتى ايقاستاردىڭ وتكىزىلۋى جاستاردىڭ ناعىز تاجىريبە الاتىن الاڭى بولسا, تاجىريبەلى جىگىتتەرى­مىز­دى تاعى ءبىر سىناپ الاتىن جارىس بو­لىپ وتىرعانىن اتاپ وتكەن ءجون. وس­ىنداي سىنداردا بوكس فەدەراتسيا­­سى­نىڭ باسشىسى تيمۋر ق ۇلىباەۆتىڭ ۇلتتىق قۇراماعا دا, جاستار قۇرا­ماسىنا دا ەرەكشە ءمان بەرىپ, ولاردىڭ دايىندىعى ءۇشىن بارلىق جاعدايدى جاساپ جاتقانىن, ال وبلىستىق فەدەراتسيالاردىڭ ءوز جۇمىستارىن ءتيىستى دەڭگەيدە اتقارىپ وتىرعانىن كورۋگە بولادى. داستان كەنجالين.