استانا ءسامميتىن وتكىزۋ – زور جاۋاپكەرشىلىك

اقوردادا مەملەكەت باسشىسى نۇرسۇلتان نازارباەۆ استانادا ەقىۇ ءسامميتىن وتكىزۋگە دايىندىق ماسەلەلەرى جونىندە جۇمىس كەڭەسىن وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. وعان سەنات توراعاسى ق-ج.توقاەۆ, ءما­جى­لىس توراعاسى و.مۇحامەدجانوۆ, پرەمەر-مي­نيستر ك.ءماسىموۆ, مەملەكەتتىك حاتشى – سىرتقى ىستەر ءمينيسترى ق.ساۋداباەۆ, پرە­زي­دەنت اكىمشىلىگىنىڭ باسشىسى ا.مۋسين, “نۇر وتان” حدپ توراعاسىنىڭ ءبىرىنشى ورىن­با­سارى ن.نىعماتۋلين, پارلامەنت دەپۋتات­تا­رى, ۇكىمەت مۇشەلەرى, استانانىڭ جانە قاراعاندى وبلىسىنىڭ اكىمدەرى قاتىستى. بيىلعى جىلدىڭ 3 تامىزىندا ەقىۇ-عا مۇشە مەملەكەتتەردىڭ سىرتقى ىستەر مينيستر­لەرى كەڭەسى استانادا 2010 جىلعى 1­­-2 جەل­توق­ساندا وسى ءىرى حالىقارالىق ۇيىمنىڭ سام­مي­تىن وتكىزۋ تۋرالى ناقتى شەشىم قابىل­دا­دى. بۇل بۇكىل پوستكەڭەستىك كەڭىستىك دەڭ­گەيىن­دە العاشقى ءىرى اۋقىمدى شارا بولىپ تابى­لا­دى. ەلىمىزگە 55 مەملەكەتتىڭ, 65 حالىق­ارالىق ۇيىمنىڭ باسشىلارى, دەلەگاتسيا­لارعا ەرىپ جۇرۋشىلەر, ءباسپاسوز وكىلدەرى – بارلىعى بىرنەشە مىڭ قوناق كەلەدى. كەڭەس بارىسىندا پرەزيدەنت وسى تاريحي كەزدەسۋدى مازمۇندى ءارى جوعارى دەڭگەيدە ۇيىمداستىرۋ جانە وتكىزۋ ءۇشىن ۇلكەن جۇمىستار كۇتىپ تۇرعانىنا توقتالىپ ءوتتى. جوعارى دەڭگەيدە ءسامميتتى وتكىزۋ, ەلى­مىز­دى كورسەتۋ جانە جاس استانادا وسىنداي فو­رۋم­دى وتكىزۋ مۇمكىندىگى – ءبىز ءۇشىن ۇلكەن قۇر­مەت جانە زور جاۋاپكەرشىلىك, – دەدى ن.نازارباەۆ.