قازاقستان ءۇشىن اسقاق ابىروي

پرەزيدەنت پوشتاسىنان ەلباسىنىڭ اتىنا وڭتۇستىك قازاقستان وبلىسى جۇرتشىلىعى اتىنان ءبىر توپ اقىن-جازۋشى جانە ەڭبەك ارداگەرلەرى قول قويعان حات كەلدى, دەپ حابارلادى  قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. وعان  اقىندار ح.ەسەن­قارا­قى­زى, ءا.ايماق, جازۋشىلار ە.تۇ­­رى­سوۆ, م.بايعۇت, ەڭبەك ارداگەرلەرى ن.اجىمەتوۆ, س.با­راقوۆا, د.بو­پوۆا, ءا.جاقسىباەۆ, س.قال­عىن­باەۆ, ا.سۇگىراليەۆ, “ازاماتتىق اليانس” قوعامدىق ۇيىمدارى قاۋىمداستىعىنىڭ ءتورايىمى ك.ءالىپوۆا, ق.ا.ياساۋي اتىنداعى قازاق-تۇرىك ۋنيۆەر­سيتەتى كليني­كاسىنىڭ ديرەكتورى ي.ءبايداۋ­لە­توۆ, وقپۋ “وتىرار” ينستيتۋ­تى­نىڭ پروفەسسورى ءو.عۇبايدۋللين, ء“بىزدىڭ جانۇيا” گازەتىنىڭ باس رە­داكتورى ب.قو­نىسبەك, وبلىستىق ارداگەرلەر كە­ڭەسىنىڭ توراعاسى ج.ماۋلەن­قۇ­لوۆ, مەكتەپ ديرەك­تورى ر.پاك, وبلىستىق كاسىپ­وداق­تار كەڭەسىنىڭ توراعاسى د.شەرىم­قۇلوۆ جانە ەڭبەك ەرى ب.شۇكىر­بەكوۆ قول قويعان. اۆتورلار قازاقستان رەسپۋب­لي­كاسىنىڭ پرەزيدەنتى ن.ءا. نا­زارباەۆتىڭ 2010 جىلعى 5 تامىز كۇنگى قازاقستان حالقىنا ارناعان مالىمدەمەسىنە قولداۋ بىلدىرەدى. “جوعارى مارتەبەلى نۇرسۇل­تان ءابىش ۇلى! ۇستىمىزدەگى جىلعى 1-2 جەلتوقسان كۇندەرى ەۋرو­پا­داعى قاۋىپسىزدىك جانە ىنتى­ماق­تاستىق ۇيىمىنا مۇشە مەم­لەكەتتەردىڭ ءسامميتىن ەلوردامىز استانا قا­لا­سىندا وتكىزۋ قا­زاقستان جانە ونىڭ ءاربىر ازا­ماتى ءۇشىن اسقاق ابىروي, اسا زور مارتەبە. بۇل – شىن مانىندە قازاق دالاسىندا بۇرىن-سوڭدى بولماعان تاريحي وقيعا, – دەپ جازادى حات يەلەرى. – وسىناۋ تا­ريحي شەشىمدى ەقىۇ-عا مۇشە مەملەكەتتەر وكىل­دەرىنىڭ ءبىر­اۋىزدان قابىلداۋى – تاۋەلسىز مەملەكەتىمىزدىڭ الەم ەلدەرىنىڭ الدىنداعى بەدەلىن جانە ءسىزدىڭ حالىقارالىق دەڭ­گەيدەگى سايا­سات­كەر ەكەندىگىڭىزدى تاعى دا ايگىلەپ وتىر. ەجەلدەن ىن­تىماق پەن بىرلىكتى تۋ ەتكەن حالقىمىزدىڭ بۇگىنگى جەتىستىكتەرى, تىنىس-ءتىر­شىلىگى وزگەگە ونەگە بولارلىقتاي. ءوزىڭىزدىڭ ەرەن ەڭبەگىڭىزدىڭ ءناتي­جەسىندە قازاق­ستاننىڭ ۇستانىپ وتىرعان سايا­ساتىن – جاھاندىق قاۋىپسىزدىكتى, ۇلتارالىق, ءدىن­ارالىق قارىم-قاتىناستاردى نىعايتۋدى, گەو­سايا­سي احۋالدى جاق­سارتۋدى – الەم ەلدەرى موي­ىنداپ قانا قويماي, ەۋروپانىڭ تورىنەن ورىن بەردى. ەندى استانا ءسامميتى وتكىزىلگەلى وتىر. بۇل قازاق جانە جاڭا قا­زاقستان تاريحىندا التىن ءارىپ­تەرمەن جازىلاتىن پاراقتارىنىڭ ءبىرى ەكەندىگى ءسوزسىز”. ودان ءارى: “الەمدىك قاۋىم­داس­تىققا ۇيىمنىڭ “حەلسين­كيدەن استاناعا دەيىنگى” ەۆو­ليۋتسياسىن پاش ەتۋدى جوسپارلاپ وتىرعان وسى ماڭىزدى شارانىڭ اياسى كەڭ, ماقساتى جوعارى. سون­داي-اق ەلى­مىزدىڭ بۇل ۇيىمعا ءتور­اعالىعى ەۋروپالىق قاۋىپسىزدىك ۇعىمىن ەۋر­اتلانتيكالىق جانە ەۋرازيا­لىق قاۋىپسىزدىك ۇعىم­دارىنا اي­نالدىرۋعا كۇش سالىپ كەلە جات­قاندىعى قۋانتادى. جاڭا مىڭ­جىلدىقتا بۇكىل قازاق­ستان­دىق­تاردىڭ ماقتانىشى – اسەم اس­تانادا وتەيىن دەپ وتىر­عان سام­ميت­تىڭ ەلىمىزدىڭ بەدەلىن اسقاقتاتا تۇسەتىنىنە, ءوزىڭىزدىڭ باسشىلىعى­ڭىز­بەن وسىناۋ جاۋاپ­كەرشىلىگى جو­عارى ىستە ابىروي بيىگىنەن كو­رىنەتىنىنە ءبىزدىڭ سەنىمىمىز مول”,  دەلىنگەن حاتتا.