سەنات سپيكەرى ليتۆا ەلشىسىن قابىلدادى

كەشە پارلامەنت سەناتىنىڭ توراعاسى قاسىم-جومارت توقاەۆ ليتۆا رەسپۋبليكاسىنىڭ ەلشىسى رامۋلداس كوزىروۆيچيۋستى ونىڭ ءبىزدىڭ ەلىمىزدەگى ديپلوماتيالىق ميسسياسىنىڭ اياقتالۋىنا بايلانىستى قابىلدادى. قازاقستان-ليتۆا قاتىناستارىنىڭ بەلسەندىلىگىن اتاپ وتە كەلىپ, ق.توقاەۆ پارلامەنتارالىق ىنتىماقتاستىقتى وركەندەتۋدىڭ ماڭىزدىلىعىنا توقتالدى. بۇگىندە سەناتتا ليتۆا سەيمى­مەن ىنتىماقتاستىق توبى جۇمىس ءىس­تەيدى. ليتۆا رەسپۋبليكاسىنىڭ جوعارى زاڭ شىعارۋ ورگانىندا دا قا­زاقستاندىق پارلامەنتشىلەرمەن دوستىق جانە ىنتىماقتاستىق توبى قىزمەت ەتەدى. ءبىزدىڭ ەلىمىزدىڭ ەقىۇ-داعى جوعارعى لاۋازىمى الداعى جىلى ليتۆاعا بەرىلەتىن بولادى. ۇيىم­نىڭ قازاقستاندىق توراعالىعىنىڭ باسىمدىقتارى جايىندا ايتا كەلىپ, توراعا استانادا ەقىۇ ءسامميتىن وتكىزۋ يدەياسىنا قولداۋ بىلدىرگەنى ءۇشىن ليتۆا باسشىلارىنا ريزاشى­لىق ءبىلدىردى. “ەكىجاقتى قاتىناستاردى ودان ءارى بەلسەندىلەندىرۋ ءۇشىن ەلدە­رى­مىزدە بارلىق جاعدايلار جاسالدى, جو­عارى ساياسي دەڭگەيدە دەلەگا­تسيا­لار الماسىلىپ, مەملەكەتارالىق بايلانىستار قارقىندى تۇردە دا­مىپ كەلەدى”, – دەپ اتاپ ءوتتى ر.كوزىروۆيچيۋس. ديپلوماتتىڭ ايتۋىنشا, ليتۆا­دا ءبىزدىڭ ەلىمىزگە ۇدايى نازار اۋدا­راتىن جانە ىقىلاس تانىتاتىن قازاقستان مەن ونىڭ باسشىسى نۇر­سۇلتان نازارباەۆقا سىيلاس­تىقپەن قارايدى. قازاقستان مەن ليتۆانى ورتاق تاريحىمىز بەن ءوز­ارا مۇددەلەستىك جانە تاتۋ كورشى­لەستىك داستۇرلەرىنە نەگىزدەلگەن ۇزاق جىلدارعى دوستىق پەن ىنتىماق­تاستىق بايلانىستىرادى, – دەدى ر.كوزىروۆيچيۋس. ەلشىنىڭ پىكى­رىن­شە, كەدەن وداعىنىڭ قۇرىلۋىمەن ەكونوميكالىق, ساۋدا جانە مادەني-گۋمانيتارلىق اۋقىمدى ماسەلەلەر بويىنشا ەكى مەملەكەتتىڭ بەلسەندى ءىس-قيمىلى ءۇشىن جاڭا مۇمكىندىكتەر اشىلۋدا.