اپتادا وتەتىن باستى شارالار

سىرتقى ىستەر مينيسترلىگىنىڭ رەسمي وكىلى اسقار ابدراحمانوۆ كەشە بۇقارالىق اقپارات قۇرالدارى وكىلدەرىمەن بريفينگ وتكىزىپ, وسى اپتادا وتەتىن باستى شارالارمەن تانىستىردى. رەسمي وكىلدىڭ ءمالىم ەتۋىنشە, 19 تامىز كۇنى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جا­نىن­داعى حالىقارالىق گۋماني­تا­ر­لىق ورتالىق ءوز جۇمىسىن باس­تايدى. ونىڭ اشىلۋىنا ورتالىق ازياداعى قىزىل كرەست حالىق­ارالىق كوميتەتى مەن ەلىمىزدىڭ سىرتقى ساياسات ۆەدومستۆوسىنىڭ وكىلدەرى قاتىسادى. ال 20-22 تامىز ارالىعىندا مەملەكەت باسشىسى نۇرسۇلتان نازارباەۆ ارمەنيادا وتەتىن ۇجىمدىق قاۋىپسىزدىك شارتى ۇيىمىنا مۇشە مەملەكەتتەر باس­شىلارىنىڭ بەيرەسمي كەزدەسۋىنە قاتىسادى دەپ كۇتىلۋدە. بۇل كەزدەسۋ بارىسىندا ۇجىم­دىق قاۋىپسىزدىك شارتى ۇيىمى شەڭ­بەرىندە داعدارىستىق جاعدايلارعا لايىقتى جاۋاپ بەرۋدىڭ ءتيىمدى جۇيە­سىن قۇرۋ جونىندەگى ۇسىنىستار تالقىعا سالىنادى. سونداي-اق قىرعىزستانداعى  جاعدايدى تۇراق­تان­دىرۋعا ىقپال ەتەتىن شارا­لاردىڭ بارىسى پىسىقتالماق. رەسمي وكىل, جۋرناليستەردىڭ سۇ­را­عىنا وراي بەرگەن جاۋابىندا ءۇس­تىمىزدەگى جىلدىڭ 1-2 جەلتوق­سانىنا جوس­پارلانىپ وتىرعان ەقىۇ-عا مەم­لەكەتتەر مۇشە باس­شىلارىنىڭ سام­ميتىنە دايىندىق قىزۋ ءجۇرىپ جات­قاندىعىن جەتكىزدى. قازىرگى تاڭ­دا ۇيىمنىڭ ۆەناداعى شتاب-ءپا­تە­رىندە بەلسەندى كونسۋلتاتسيالار ورىن الىپ, الداعى ءسامميتتىڭ كۇن ءتارتىبى مەن ۇيىمداستىرۋشىلىق ماسەلەلەرى بويىنشا پىسىقتاۋ جۇمىستارى جان-جاقتى جۇرگىزىلۋدە. “ەگەمەن-اقپارات”.