جاڭا...

...امەريكالىق تەپلوۆوزدار اكەلىندى الىس پەن جاقىندى جالعاي­تىن تەمىر جولدىڭ يگىلىگىن جە­تى­سۋلىقتار ءتيىمدى پايدالانىپ كە­لە­دى. مىسالى, تۇركسىب تەمىر جول ماگيس­ترا­لىندەگى ءىرى ستانسا – ۇشتوبە اينالما لوكوموتيۆ دە­پوسىن­دا­عى جۇك جانە جولاۋ­شى تاسى­ما­لى­نىڭ ساپاسى ارتا ءتۇستى. وعان دەپوداعى ەسكى لوكو­مو­تيۆتەردىڭ كۇشى 5000 اتتىق جاڭا “تە 33ا” تەپلوۆوز­دارى­مەن تولىقتىرىلۋى سەپتىگىن تي­گىزدى. ولاردا ماشي­نيس­تەرگە قو­لايلى  اۋا الماس­تىر­عىش, ەلەك­ترلى پەش, كەز كەل­گەن اقاۋدى جە­دەل انىقتايتىن, قوز­عالىس قاۋىپ­سىزدىگىن قاداعا­لاي­تىن كوم­پيۋتەرلىك جۇيە ورناتىلعان. بۇگىندە ۇجىمداعى ارنايى دايىندىقتان وتكەن  15 لوكو­مو­تيۆ بريگاداسى جاڭا تەپلوۆوز­دار­دى ساپقا قوسىپ, جۇك جانە جولاۋشى تاسىمالىنداعى قا­جەت­تىلىكتى وتەۋدە. كۇمىسجان بايجان, الماتى وبلىسى. ...مەكتەپ-گيمنازيانىڭ ىرگەتاسى قالاندى جاقىندا شىعىس قازاقستان وبلىسىنىڭ اكىمى بەردىبەك سا­پارباەۆ كۇرشىم جانە زايسان اۋداندارىنىڭ ونعا تارتا ەلدى مە­كەندەرىندە  بولىپ تۇرعىن­دار­مەن كەزدەستى. كۇرشىمدە ءوڭىر باسشىسى 600 وقۋشىعا ارنالعان مەكتەپ-گيمنازيانىڭ ىرگەتاسىن قۇيۋ راسىمىنە جانە وسىنداعى بالىق زاۋىتىنىڭ اشىلۋىنا قاتىستى. بيىلعى كوكتەمدەگى سۋ تاسقىنىنان زارداپ شەككەن قا­راتوعاي اۋىلىندا بەس پاتەردىڭ كىلتىن تاپسىردى. قازىر مۇندا 15 ءۇيدىڭ ىرگەتاسى قالانىپ, سەگىزى­نىڭ قابىرعاسى تۇرعىزىلدى. ال زايسان اۋدانىنىڭ تاس­باس­تاۋ اۋىلىندا دا توعىز وت­باسى جاڭا ۇيلەردىڭ كىلتىن وب­لىس اكىمى ب.ساپارباەۆتىڭ قو­لىنان الدى. 20 قىركۇيەككە دەيىن تاعى 25 وتباسى جاڭا ءۇي­لەرگە قونىستانباق. ەكى اۋدان­نىڭ اكىمدەرى التايبەك سەيىتوۆ پەن سەرىك زاينۋلدين قوڭىر كۇزگە دەيىن زارداپ شەككەندەردىڭ بارلىعىن تۇرعىن ۇيمەن قامتاماسىز ەتۋگە ۋادە بەردى. وڭداسىن ەلۋباي, شىعىس قازاقستان وبلىسى. ...ءتىس ەمدەيتىن ەمحانا اشىلدى وبلىس ورتالىعىنداعى ءتىز­بەك­تى جاڭا ۇيلەر شوعىرىن قۇ­رايتىن جاڭا شاعىن اۋداندا تۇر­عىندار سانى جىل سايىن كو­بەيىپ كەلەدى. ەرتىس وزەنى جاعا­لاۋىنا ورنالاسقان قالانىڭ وسى شەتكەرى اۋماعى  قازىر مۇلدە وزگەرگەن. جارقىراعان جاڭا تۇر­عىن ۇيلەر, جاڭا مەكتەپ, بالا­باق­شا, ساۋدا ۇيلەرى سالىندى. جۋىردا عانا ءتىس ەمدەيتىن بالا­لار ستوماتولوگيالىق ەمحاناسى اشىلدى. ەمحانا ءانشى مايرا اتىنداعى كوشەدەگى  №47 تۇرعىن ءۇيدىڭ ءبىرىنشى قاباتىنان ورىن الدى.  بۇل دەنساۋلىق ساقتاۋ سالاسى بويىنشا وسى اۋداندا  بوي كوتەرگەن ەكىنشى مەكەمە, شىلدە ايىندا ورتالىق ەمحانا پايدالانۋعا بەرىلگەن بولاتىن. وبلىستىق دەنساۋلىق ساقتاۋ باسقارماسىنىڭ باستىعى ارداق كۇزەكوۆتىڭ ايتۋىنشا, جالپى وبلىس ورتالىعىندا بۇل كۇندەرى 50-دەن اسا جەكە مەنشىك ەمحانا قىزمەت كورسەتەدى. ەمحانا قۇرى­لى­سىنا قالالىق بيۋدجەتتەن 76 ميلليون تەڭگە بولىنگەن. ەمحانا كۇنىنە 150-گە جۋىق بالانى قا­بىلداي الادى. ول  برازيليادا جاسالعان جاڭا زامانعى قۇرال-جابدىقتارمەن قامتىلعان. فاريدا بىقاي, پاۆلودار.