اكىم اۋىز اشتىردى

جامبىل وبلىسىنىڭ اكىمى قا­نات بوزىمباەۆتىڭ وڭىردەگى ال­عاش­قى اۋقىمدى ىستەرىنىڭ ءبىرى وبلىس ورتالىعىنداعى ھيباتۋللا ات-تارازي مەشىتىنىڭ جانىنداعى باس­تالماي جاتىپ تاستالعان مەدرەسە قۇرىلىسىن قولعا الۋدان باستالعان بولاتىن. بۇگىندە بۇل يگىلىكتى ءىس ويداعىداي اياقتالىپ كەلەدى. ءارى-بەرى وتكەن سايىن ءمۇمىن مۇسىل­مان­دار قۇرىلىسشىلاردىڭ قارقىندى ىستەرىنە كۋا بولىپ, “جوقتىڭ ءتۇبى جوعالار, باردىڭ ءتۇبى وڭالار” دەگەن وسى ەكەن-اۋ” دەپ, ىشتەي ريزا بولىپ قالادى. جانىنا يماندى جولداس ەتكەن وسى اكىم ەندى رامازان ايىنىڭ العاشقى جۇماسىن دا قۇر جىبەرمەي, ورازا ۇستاپ, اۋىز بەكىتكەن ۇلتتار مەن ۇلىستاردىڭ مۇمىندەرىن ءبىر داستارقان باسىنا شاقىرىپ, اۋىز اشار بەردى. بۇل ىلتيپاتقا اللادان باسقا ەشبىر ءتاڭىر جوق ەكەنىنە جانە مۇحاممەد اللانىڭ ەلشىسى ەكەنىنە كۋالىك ەتكەن مۇسىلماندار قاۋىمى ءدان ريزا بولىپ قالدى. ءويت­كەنى, مۇحاممەد (س.ا.ۋ.) پايعام­­بارىمىز “رامازان ايىنىڭ باسى – مەيىرىم, ورتاسى – كەشىرىم, اياعى – توزاق وتىنان ازات بولۋ” دەگەن ەكەن. قۇدايعا شۇكىر, تاۋەلسىزدىك ال­عالى بەرى ەلدە ءتىلىمىز بەن ءدىنىمىزدىڭ كەرەگەسى كەڭىپ, شاڭىراعى بيىكتەي باس­تادى. بوساعاسى دا بەرىك. مە­شىت­تەر مەن مەدرەسەلەر كوبەيىپ, ناماز وقىپ, زەكەت بەرىپ, ورازا ۇستاعان يماندى جاندار سانى دا ارتا ءتۇستى. قارجىسى جەتكەندەر مەككە مەن مەدينەگە قاجىلىققا دا بارۋدا. ءجاننات ەسىكتەرى اشىلىپ, توزاق ەسىكتەرى جابىلىپ, شايتاندار شىن­جىرلانعان رامازان ايىندا اۋىز اشار بەرۋ وتە ساۋاپتى ءىس ەكەنى بەلگىلى. ء“بىز, تەگىمىز – تۇرىك, ءدىنىمىز – يسلام ەكەنىن ۇمىتپاۋىمىز كە­رەك” دەگەن ەلباسى نۇرسۇلتان نا­زارباەۆتىڭ عيبراتتى ءسوزى دە وسىن­داي نىعىمەتتەردى قۇپتاپ, قولداي­تىنىن كورسەتەدى. كوسەمالى ساتتىباي ۇلى, جامبىل وبلىسى.