جامبىل فازىلوۆ – الماتى قالاسىنىڭ “2010 جىلدىڭ ۇزدىك دارىگەرى” اتاندى
قالالىق دەنساۋلىق ساقتاۋ باسقارماسى جىل بويىنا اتقارىلعان ىستەرىنە ەسەپ بەرىپ, جەتىستىككە جەتكەن ارىپتەستەرىنە قۇرمەت كورسەتۋدى, كاسىبي بايقاۋ وتكىزۋدى ءداستۇرگە اينالدىرعان. بيىلعى بايقاۋ دا تابىستى ءوتىپ, ناتيجەسى بويىنشا “2010 جىلدىڭ ۇزدىك ءدارىگەرى” جۇلدەسىن قالاداعى 76 مەملەكەتتىك اۋرۋحانا مەن ەمحانالار اراسىندا №5 قالالىق كلينيكالىق اۋرۋحانا دارىگەرى جامبىل فازىلوۆ جەڭىپ الدى.
ءبىر ايتا كەتەرلىگى, بۇل بايقاۋدىڭ جىل سايىنعى تالابى كۇشەيە تۇسۋدە. ماسەلەن, بيىلعى بايقاۋ نەگىزىنەن ءتورت كەزەڭنەن تۇردى. ءبىرىنشىسى, قاتىسۋشى ءوزى جۇمىس جاسايتىن ەمدەۋ مەكەمەسى ۇجىمىنىڭ جالپى جينالىسىندا بايقاۋعا قاتىسۋعا لايىقتى دەپ تانىلۋى كەرەك بولسا, ەكىنشى كەزەڭدە دەنساۋلىق ساقتاۋ مينيسترلىگىنىڭ دەنساۋلىق ساقتاۋ جانە فارماتسەۆتيكالىق قاداعالاۋ كوميتەتى بازاسىندا تەوريالىق دەڭگەيىن انىقتاۋ ءۇشىن تەستىك ەمتيحان تاپسىردى. وندا بايقاۋعا قاتىسقان 40 ۇمىتكەردىڭ 6-ۋى عانا قالدىرىلدى. ءۇشىنشىسى – دارىگەردىڭ ءمانۋالدى دەڭگەيىن انىقتاۋ ماقساتىندا اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ سيمۋلياتسيالىق ورتالىق بازاسىندا 6 كەزەڭنەن سۇرىنبەي ءوتتى. سوڭعى اسۋ الماتى قالاسى دەنساۋلىق ساقتاۋ باسقارماسىنىڭ باستىعى ەركىن دۇرىمبەتوۆ باستاعان كوميسسيا مۇشەلەرىنىڭ الدىندا “مەن كوشباسشىمىن” دەگەن جوبا اياسىندا ءوزىن تانىستىرۋ, تاجىريبەلىك دەڭگەيى, قانداي جاڭا يننوۆاتسيالىق تاسىلدەردى قولدانعانى تۋرالى 10-15 مينۋتتىق ەسەبىن ۇسىن دەسەك, سول كوميسسيا مۇشەلەرىنىڭ شەشىمىمەن جامبىل فازىلوۆ ءبىرىنشى ورىنعا لايىقتى دارىگەر دەپ تانىلدى.
– ادام بالاسى باس يەتىن كاسىپ يەلەرىنىڭ ءبىرى – دارىگەرلەر. دەنساۋلىعىنىڭ, ءومىرىنىڭ قادىرىن بىلەتىندەر وزدەرىڭىزدى قاشاندا قۇرمەت تۇتادى. ارلارىڭىز اق حالاتتاي كىرشىكسىز تازا, جۇرەكتەرىڭىز مەيىرىمدى بولسىن, – دەي كەلە سالتاناتتى جيىندا جۇلدەگەرلەردى ماراپاتتاعان قالا اكىمى احمەتجان ەسىموۆ الماتىدا جەتى دەنساۋلىق ساقتاۋ كەشەنىن سالۋ جوسپارلانعانىن, داعدارىسقا قاراماستان 2010 جىلى دەنساۋلىق ساقتاۋ سالاسىنا 27,2 ملرد. تەڭگە قاراجات ءبولىنىپ وتىرعانىن, بۇل وتكەن جىلعا قاراعاندا 1,5 ەسە ارتىق ەكەندىگىن اتاپ ءوتتى. ءبىر ايتا كەتەرلىگى, بولىنگەن قارجىنىڭ ناقتى ناتيجەسى ارقاسىندا قالادا ءولىم سانى ازايىپ, بالا تۋ كورسەتكىشى وسكەن, سونىمەن قاتار ەركەكتەردىڭ ورتاشا ءومىر ءسۇرۋ جاسى 4 جىلعا, ايەلدەردىكى 1,5-كە ارتقان.
ال جەڭىمپازىمىز جايلى ايتار بولساق, جامبىل اتالمىش اۋرۋحانانىڭ بالالار جاق-بەت حيرۋرگياسى ءبولىمىنىڭ دارىگەرى, مەديتسينا عىلىمدارىنىڭ كانديداتى. جالپى, بۇل بولىمشە بالالاردىڭ تۋا بىتكەن بەت ايماعىنداعى اۋىتقۋلارى, ەرىن جانە تاڭداي جىرىقتارى, تۋا بىتكەن ەستۋ جولىنىڭ بولماۋى, جاق سۇيەكتەرىنىڭ جۇرە پايدا بولعان اۋىتقۋلارى, دامىماي قالۋى, ءار ءتۇرلى قاتەرسىز ىسىكتەر, سونىمەن قاتار تىستەن پايدا بولعان, جۇمساق جانە سۇيەك تىندەرىنىڭ جاراقاتى اۋرۋلارىن ەمدەيدى. بولىمشەنىڭ جاڭا يننوۆاتسيالىق تاسىلىنە كەلسەك, ول كەزىندە قازاقستان مەن ورتالىق ازيادا, ءتىپتى تمد ەلدەرىندە تۇڭعىش رەت قۇلاق جولىن اشۋ وپەراتسياسىن ۇسىنىپ, بۇگىندە پراكتيكادا كەڭىنەن قولدانۋدا. مىنە, بۇل وتاندىق دارىگەرلەردىڭ قولدا بار تەحنولوگيالاردى قولدانا وتىرىپ, قول جەتكىزگەن جەتىستىكتەرىن قاي جاعىنان بولسا دا ماقتانۋعا تۇرارلىق ۇلكەن ەڭبەك دەپ باعالاۋىمىز كەرەك.
جاڭالىققا, ىزدەنۋگە جانى قۇمار جاس مامان ءوز سالاسىندا يننوۆاتسيالىق تاسىلدەردى بەلسەندى وندىرۋگە اتسالىسۋدا. 1994 جىلى ۇلتتىق مەديتسينا ۋنيۆەرسيتەتىن, ودان ەكى جىلدىق كلينيكالىق ورديناتۋرانى بىتىرگەن سوڭ اتالمىش وقۋ ورنىنىڭ بالالار جاسىنداعى ستوماتولوگيا كافەدراسىنىڭ اسسيستەنتى ءارى ءبولىمشە دارىگەرى بولىپ قىزمەت اتقارىپ كەلەدى. 2002 جىلى كانديداتتىق ديسسەرتاتسياسىن ويداعىداي قورعاعان جاس عالىمنىڭ كەلەشەگىنەن ءالى كۇتەرىمىز كوپ.
ءبىر ايتا كەتەرلىگى, بىلىكتى ۇيىمداستىرۋشى, كاسىبي مامان, مەديتسينا عىلىمدارىنىڭ كانديداتى جانات قاسىمجانوۆا باسقاراتىن №5 كلينيكالىق اۋرۋحانانىڭ دارىگەرلەرى سوڭعى جىلدارى ءبايگەنىڭ الدىن بەرمەۋدە. جوعارى ساناتتى دارىگەر ۇلبالا ءادىلحانوۆا 2007 جىلى الماتى قالاسى مەن رەسپۋبليكانىڭ ۇزدىك ءدارىگەرى اتانسا, 2009 جىلى ا.امانعاليەۆ پەن م.اۋەلباەۆ ءوز سالاسىندا رەسپۋبليكا بويىنشا 3-ورىندى يەلەندى, ال “ۇزدىك مەيىربيكە” ءجۇلدەسىن 2008 جىلدان بەرى قولدان بەرمەي كەلەدى. “2010 جىلدىڭ ۇزدىك مەدبيكەسى” ماراپاتى اتالمىش اۋرۋحانانىڭ مەدبيكەسى ءمادينا باەۆاعا بۇيىرعان ەدى.
گۇلزەينەپ سادىرقىزى.
ءبىر ايتا كەتەرلىگى, بۇل بايقاۋدىڭ جىل سايىنعى تالابى كۇشەيە تۇسۋدە. ماسەلەن, بيىلعى بايقاۋ نەگىزىنەن ءتورت كەزەڭنەن تۇردى. ءبىرىنشىسى, قاتىسۋشى ءوزى جۇمىس جاسايتىن ەمدەۋ مەكەمەسى ۇجىمىنىڭ جالپى جينالىسىندا بايقاۋعا قاتىسۋعا لايىقتى دەپ تانىلۋى كەرەك بولسا, ەكىنشى كەزەڭدە دەنساۋلىق ساقتاۋ مينيسترلىگىنىڭ دەنساۋلىق ساقتاۋ جانە فارماتسەۆتيكالىق قاداعالاۋ كوميتەتى بازاسىندا تەوريالىق دەڭگەيىن انىقتاۋ ءۇشىن تەستىك ەمتيحان تاپسىردى. وندا بايقاۋعا قاتىسقان 40 ۇمىتكەردىڭ 6-ۋى عانا قالدىرىلدى. ءۇشىنشىسى – دارىگەردىڭ ءمانۋالدى دەڭگەيىن انىقتاۋ ماقساتىندا اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ سيمۋلياتسيالىق ورتالىق بازاسىندا 6 كەزەڭنەن سۇرىنبەي ءوتتى. سوڭعى اسۋ الماتى قالاسى دەنساۋلىق ساقتاۋ باسقارماسىنىڭ باستىعى ەركىن دۇرىمبەتوۆ باستاعان كوميسسيا مۇشەلەرىنىڭ الدىندا “مەن كوشباسشىمىن” دەگەن جوبا اياسىندا ءوزىن تانىستىرۋ, تاجىريبەلىك دەڭگەيى, قانداي جاڭا يننوۆاتسيالىق تاسىلدەردى قولدانعانى تۋرالى 10-15 مينۋتتىق ەسەبىن ۇسىن دەسەك, سول كوميسسيا مۇشەلەرىنىڭ شەشىمىمەن جامبىل فازىلوۆ ءبىرىنشى ورىنعا لايىقتى دارىگەر دەپ تانىلدى.
– ادام بالاسى باس يەتىن كاسىپ يەلەرىنىڭ ءبىرى – دارىگەرلەر. دەنساۋلىعىنىڭ, ءومىرىنىڭ قادىرىن بىلەتىندەر وزدەرىڭىزدى قاشاندا قۇرمەت تۇتادى. ارلارىڭىز اق حالاتتاي كىرشىكسىز تازا, جۇرەكتەرىڭىز مەيىرىمدى بولسىن, – دەي كەلە سالتاناتتى جيىندا جۇلدەگەرلەردى ماراپاتتاعان قالا اكىمى احمەتجان ەسىموۆ الماتىدا جەتى دەنساۋلىق ساقتاۋ كەشەنىن سالۋ جوسپارلانعانىن, داعدارىسقا قاراماستان 2010 جىلى دەنساۋلىق ساقتاۋ سالاسىنا 27,2 ملرد. تەڭگە قاراجات ءبولىنىپ وتىرعانىن, بۇل وتكەن جىلعا قاراعاندا 1,5 ەسە ارتىق ەكەندىگىن اتاپ ءوتتى. ءبىر ايتا كەتەرلىگى, بولىنگەن قارجىنىڭ ناقتى ناتيجەسى ارقاسىندا قالادا ءولىم سانى ازايىپ, بالا تۋ كورسەتكىشى وسكەن, سونىمەن قاتار ەركەكتەردىڭ ورتاشا ءومىر ءسۇرۋ جاسى 4 جىلعا, ايەلدەردىكى 1,5-كە ارتقان.
ال جەڭىمپازىمىز جايلى ايتار بولساق, جامبىل اتالمىش اۋرۋحانانىڭ بالالار جاق-بەت حيرۋرگياسى ءبولىمىنىڭ دارىگەرى, مەديتسينا عىلىمدارىنىڭ كانديداتى. جالپى, بۇل بولىمشە بالالاردىڭ تۋا بىتكەن بەت ايماعىنداعى اۋىتقۋلارى, ەرىن جانە تاڭداي جىرىقتارى, تۋا بىتكەن ەستۋ جولىنىڭ بولماۋى, جاق سۇيەكتەرىنىڭ جۇرە پايدا بولعان اۋىتقۋلارى, دامىماي قالۋى, ءار ءتۇرلى قاتەرسىز ىسىكتەر, سونىمەن قاتار تىستەن پايدا بولعان, جۇمساق جانە سۇيەك تىندەرىنىڭ جاراقاتى اۋرۋلارىن ەمدەيدى. بولىمشەنىڭ جاڭا يننوۆاتسيالىق تاسىلىنە كەلسەك, ول كەزىندە قازاقستان مەن ورتالىق ازيادا, ءتىپتى تمد ەلدەرىندە تۇڭعىش رەت قۇلاق جولىن اشۋ وپەراتسياسىن ۇسىنىپ, بۇگىندە پراكتيكادا كەڭىنەن قولدانۋدا. مىنە, بۇل وتاندىق دارىگەرلەردىڭ قولدا بار تەحنولوگيالاردى قولدانا وتىرىپ, قول جەتكىزگەن جەتىستىكتەرىن قاي جاعىنان بولسا دا ماقتانۋعا تۇرارلىق ۇلكەن ەڭبەك دەپ باعالاۋىمىز كەرەك.
جاڭالىققا, ىزدەنۋگە جانى قۇمار جاس مامان ءوز سالاسىندا يننوۆاتسيالىق تاسىلدەردى بەلسەندى وندىرۋگە اتسالىسۋدا. 1994 جىلى ۇلتتىق مەديتسينا ۋنيۆەرسيتەتىن, ودان ەكى جىلدىق كلينيكالىق ورديناتۋرانى بىتىرگەن سوڭ اتالمىش وقۋ ورنىنىڭ بالالار جاسىنداعى ستوماتولوگيا كافەدراسىنىڭ اسسيستەنتى ءارى ءبولىمشە دارىگەرى بولىپ قىزمەت اتقارىپ كەلەدى. 2002 جىلى كانديداتتىق ديسسەرتاتسياسىن ويداعىداي قورعاعان جاس عالىمنىڭ كەلەشەگىنەن ءالى كۇتەرىمىز كوپ.
ءبىر ايتا كەتەرلىگى, بىلىكتى ۇيىمداستىرۋشى, كاسىبي مامان, مەديتسينا عىلىمدارىنىڭ كانديداتى جانات قاسىمجانوۆا باسقاراتىن №5 كلينيكالىق اۋرۋحانانىڭ دارىگەرلەرى سوڭعى جىلدارى ءبايگەنىڭ الدىن بەرمەۋدە. جوعارى ساناتتى دارىگەر ۇلبالا ءادىلحانوۆا 2007 جىلى الماتى قالاسى مەن رەسپۋبليكانىڭ ۇزدىك ءدارىگەرى اتانسا, 2009 جىلى ا.امانعاليەۆ پەن م.اۋەلباەۆ ءوز سالاسىندا رەسپۋبليكا بويىنشا 3-ورىندى يەلەندى, ال “ۇزدىك مەيىربيكە” ءجۇلدەسىن 2008 جىلدان بەرى قولدان بەرمەي كەلەدى. “2010 جىلدىڭ ۇزدىك مەدبيكەسى” ماراپاتى اتالمىش اۋرۋحانانىڭ مەدبيكەسى ءمادينا باەۆاعا بۇيىرعان ەدى.
گۇلزەينەپ سادىرقىزى.
