قوعامنىڭ تىرەگى – بىرلىك

مەملەكەتتىك حاتشى گۇلشارا ابدىقالىقوۆا جۇمىس ساپارىمەن قىزىلجار وڭىرىندە بولىپ, بىرقاتار نىسانداردى ارالادى. قوعامدىق ۇيىم وكىلدەرىمەن, بيۋدجەتتىك مەكەمە قىزمەتكەرلەرىمەن, ستۋدەنتتەر قاۋىمىمەن كەزدەستى. وبلىستىق قازاقستان حالقى اسسامبلەياسىنىڭ كەڭەيتىلگەن وتىرىسىنا قاتىسىپ, ەلباسىنىڭ ۇلتارالىق, كونفەسسياارالىق ساياساتىنىڭ تاعىلىمدى تاجىريبەلەرىمەن وي ءبولىستى. مەملەكەتتىك حاتشىنىڭ ال­عاش­قى تانىسقان نىسانى رەس­پۋب­ليكالىق ماڭىزداعى جەزقازعان – پەتروپاۆل باعىتىنداعى تاسجولدىڭ كۇردەلى جوندەۋ بارىسى بولدى. «ك-دورستروي» اق-تىڭ ديرەكتورى الەكساندر لۋتسەنكو ەنى 18 مەترگە جەتەتىن ءتورت جولاقتى كۇرە جولدى قالپىنا كەلتىرۋ جۇمىستارى كەستە بويىنشا اتقارىلىپ جاتقانىن, جوبا قۇنى 5,1 ميلليارد تەڭگەنى قۇرايتىنىن, كەلەسى جىلى كوكتەمگە سالىم تولىق اياقتالاتىنىن جەتكىزدى. جاڭعىرتۋ جۇمىستارىنا 100 تەحنيكا, 170 ادام تارتىلعان. بۇدان كەيىن گ.ابدىقالىقوۆا كە­شەندى سپورت سارايىنىڭ اشى­لۋ شاراسىنا قاتىسىپ, جينال­عان­دارعا قۇتتىقتاۋ لەبىزىن ارنادى. وبلىس تۇرعىندارىنىڭ 27 پايى­زى سپورتپەن اينالىسىپ, سالا­ماتتى ءومىر سالتىن سەرىك ەتكەن. وليمپيادا چەمپيونى, داڭقتى ۆەلوشاباندوز الەكساندر ۆينوكۋروۆ, ازيا ويىندارىنىڭ ەكى دۇركىن جەڭىمپازى, جەڭىل اتلەتشى مارگاريتا مۇقاشەۆا, جۇدىرىعى گۇرزى بوكسشى جانات جاقيانوۆ, تاعى باسقالارى ماقتانىشتار سانالادى. ءسان-سالتاناتى كەلىس­كەن ەكى قاباتتى عيماراتتىڭ جوبا­لىق قۇنى – 3 ميلليارد تەڭگە. ون­دا جەڭىل اتلەتيكا مانەجى, 500 ورىندىق سپورت, ترەناجەر, كور­كەم گيمناستيكا, اكروباتيكا, وقۋ-جاتتىعۋ زالدارى, 1000 ورىن­دىق جاساندى مۇز ايدىنى, ۆەلوشا­بان­دوزدارعا ارنالعان ەكى ترەك الاڭى ورنالاسقان. ن.پوگودين اتىنداعى ورىس دراما تەاترىندا مەملەكەتتىك حاتشىنىڭ قاتىسۋىمەن وبلىستىق قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسى ءوتتى. ونىڭ جۇمىسىنا قازاقستان حالقى اس­سام­بلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ, قازاقستان حالقى اسسامبلەياسى كەڭەسىنىڭ مۇشەسى اناتولي باشماكوۆ, وبلىس اكىمى ەرىك سۇلتانوۆ, ەتنومادەني بىرلەستىك جەتەكشىلەرى مەن قو­عامدىق ۇيىم وكىلدەرى قاتىستى. كەڭەيتىلگەن وتىرىستا سويلەگەن سوزىندە گ.ابدىقالىقوۆا تاۋەلسىز قازاقستاننىڭ تابىسى حالىقتىڭ بىرلىگى مەن تاتۋلىعىنىڭ جەمىسى ەكەنىنە جينالعانداردىڭ نازارىن اۋداردى. اسسامبلەيا جىلى اياسىندا اۋقىمدى شارالاردىڭ اتقارىلعانىن, «100 ناقتى قادام» ۇلت جوسپارىن, «ماڭگىلىك ەل» جال­پىۇلتتىق پاتريوتتىق يدەياسىن ناسيحاتتاۋ, « ۇلى دالا ەلى» ەل­دىك برەندىن ىلگەرىلەتۋ بويىن­شا قوعامدىق تۇراقتىلىقتى ساقتاۋ­داعى ماڭىزدى ءرولىن اتاپ ءوتتى. القالى باسقوسۋدا ءسوز العان شەشەندەر وبلىستىق اسسامبلەيا مەن قوعامدىق جۇمىستاردىڭ ات­قارعان جۇمىسىنا وڭ باعا بەردى. ەت­نوسارالىق قارىم-قاتىناس سالاسىندا مەملەكەتتىك ساياساتتى, قا­زاقستاندىق بىرتەكتىلىك پەن ءبىر­لىكتى كۇشەيتۋ جانە دامىتۋ جونىندە كەشەندى جۇمىستى ىسكە اسىرۋدىڭ جولدارىن, جاڭا قازاق­ستاندىق ءپاتريوتيزمدى قالىپ­تاستىرۋ ماسەلەلەرىن ورتاعا سالدى. «قازاقستان حالقى اسسامبلەياسى – 20 يگى ءىس» اكتسياسى بارىسىندا وبلىستا 260-تان استام شارا جۇزە­گە اسقان. 9 مىڭعا جۋىق ادامعا 28 ميلليون تەڭگەنىڭ كومەگى بەرىل­گەن. وبلىس ورتالىعىنداعى ازەر­بايجان قوعامدىق بىرلەس­تىگىنىڭ, ع.مۇسىرەپوۆ, م.جۇماباەۆ اۋ­دان­دارىندا جۇمىس ىستەيتىن ەتنو­مادەني ۇيىمداردىڭ ءتاجىري­بەلەرى تانىستىرىلدى. كەڭەستى وبلىس اكىمى ە.سۇل­تا­نوۆ قورىتىندىلاپ, پرەزيدەنت العا قويعان مىندەتتەر مەن تاپسىر­مالاردى ورىنداۋعا سولتۇستىك­قا­زاق­ستاندىقتار بارلىق كۇش-جىگەر­لەرىن جۇمىلدىراتىنىنا سەنىم ءبىلدىردى. م.قوزىباەۆ اتىنداعى سول­تۇس­تىك قازاقستان مەملەكەتتىك ۋني­­ۆەر­­سيتەتىندە «سەرپىن-2050» باع­دار­لاماسىنا قاتىسۋشىلارمەن وتكەن كەزدەسۋدە ساپالى ءبىلىم, سا­نالى تاربيە الۋ, تەرىسكەيدە ورنىعۋ, بەيىمدەلۋ, ستۋدەنتتەردىڭ شى­عار­ماشىلىق الەۋەتىن دامىتۋ ماسەلەلەرى تالقىلاندى. 2014 جىلدان بەرى «ماڭگىلىك ەل جاس­تارى – يندۋسترياعا» اتتى «سەر­پىن-2050» مەملەكەتتىك جوباسى جۇزەگە اسىرىلىپ كەلەدى. وسى كەزەڭ ىشىندە وڭتۇستىك قازاقستان, قى­زىلوردا, ماڭعىستاۋ, الماتى وب­لىستارىنان كەلگەن 600-گە جۋىق جاس وڭىردەگى كاسىبي جانە جوعارى وقۋ ورىندارىندا ءبىلىم الادى. ءسىز­دەردىڭ ءبىلىم قۋىپ, ماعجان ەلىنە كەلگەندەرىڭىز قۋانتادى. وقۋ­دى جاقسى اياقتاپ, بىلىكتى مامان بو­لۋ­لارىڭىزعا تىلەكتەسپىن, دەدى مەملەكەتتىك حاتشى. جۇمىس ساپارى اياسىندا مەم­لەكەتتىك حاتشى «نۇرلى جول» مەملەكەتتىك باعدارلاماسى شەڭ­بەر­ىندە سالىنىپ جاتقان 320 ورىن­دىق بالاباقشا قۇرىلىسىمەن تا­نىستى. ايەلدەر قاۋىمىنىڭ وكىل­دەرىمەن جۇزدەسۋدە «100 ناقتى قادام» ۇلت جوسپارىن ىسكە اسىرۋدا نازىك جانداردىڭ بەلسەندىلىگىن ارت­تىرۋ, ايەلدەر كاسىپكەرلىگىن قول­داۋ, رۋحاني-وتباسىلىق قۇن­دىلىقتاردى نىعايتۋ, وتباسىلىق-دەموگرافيالىق ساياساتتى ور­نىقتىرۋ ماسەلەلەرى نەگىزگى تاقى­رىپ ارقاۋىنا اينالدى. گ.ابدىقالىقوۆا باق وكىل­دەرىنە بەرگەن سۇحباتىندا ەل­با­سىنىڭ تاپسىرمالارىن ورىنداۋ جولىندا مەملەكەتتىك ورگان­دار الدىنا ىرگەلى مىندەتتەر جۇك­تە­لەتىنىن, قىزىلجار وڭىرىندە ناق­تىلى شارالار اتقارىلىپ جات­قانىن اتاپ كورسەتتى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.